رواية و تبقى لي الفصل السادس 6 - بقلم شاهندا

تمارا كانت دموعها على خدها بس لفّت القماشة السودة حوالين عينيها. إيديها بتترعش وسكتت، وقلبها بيدق بسرعة وخوفها بيزيد مع كل ثانية. العربية بدأت تتحرك وتمارا حاسّة بخوف. بعد شوية حسّت إن العربية وقفت. قبل ما تستوعب الباب اتفتح وحد شدّها بقوة من دراعها. صوت رجولي بنبرة ساخرة وباردة قال: "حمدلله على السلامة يا مراتي." تمارا اتشدّت لجوه مكان هادي والباب اتقفل وراهم.

حد فك القماشة من على عينيها وهي بتشوف نور واقفة في ركن الأوضة، وزين كان واقف قدامها وعينيه بتلمع ببرود. قال وهو بيبص على نور: "اطلعي خدي اللي اسمها مريم، هي ما تلزمناش خلاص." نور من غير كلمة طلعت، وتمارا واقفة ساكنة مش قادرة تتحرك. زين قرب منها بخطوات بطيئة وهي رجعت لورا بخوف. أول ما حاولت تتحرك مسك شعرها فجأة وشده بقوة ناحيته. هي صرخت بوجع وهو قال بغل: "روحتي بيت سيف؟

حط إيده ناحية رقبتها وفجأة بدأ يلف شعرها حوالين إيده وهو بيقرب راسها منه وقال بنبرة حقيرة: "وانتي عارفة إنه بيحبك." تمارا كانت بتعيط وهي بتحاول تبعده عنها. صوتها رايح من الخوف: "سيف اللي انت بتتكلم عليه ده أنضف منك مليون مرة وبيحاول يحميني مش زيك." زين عيونه اتملت غضب وضغط على شعرها أكتر وهو بيقرب منها أكتر. أنفاسه سخنة على وشها وتمارا غمضت عينيها بخوف. فجأة زين اتشد وسيف ضربه بالمسدس على راسه.

زين صرخ ووقع على الأرض وهو ماسك دماغه من الألم بوجع. تمارا وقفت مصدومة مش قادرة تصدق اللي حصل. بمجرد ما شافت سيف قدامها جريت عليه وانهارت في حضنه. حضنته بقوة ودموعها نازلة على خدها، جسمها بيرتعش من الخوف. وسيف المسدس كان في إيده التانية ولف دراعه حواليها بيحاول يطمنها. بص في وشها، حضن وشها بين إيديه وقال بصوت مليان وجع وحنية: "إزاي ما تقوليش إنه هددك؟

لولا إني كنت راجع البيت وشوفتك بتركبي مع نور ولحقتك، مكنتش عارف هعمل إيه ولا هتصرف إزاي لو حصلك حاجة." تمارا كانت بتعيط أكتر. فجأة صوت مبحوح جاي من وراهم: "سيف." سيف لف بسرعة رفع المسدس تاني بتلقائية ولقى قدامه نور واقفة حاطة المسدس على راس مريم اللي كانت عينيها مليانة رعب. سيف صرخ بصوت بحده: "نزلي المسدس وسيبيها."