رواية وعد الجبل الفصل العاشر 10 - بقلم منار همام

جبل: أنا عايز أتجوز وعد يا عمي وبسرعة. خالد ساب الأكل وبصله بهدوء، وبعدين نادى على مراته. خالد: تقي. تقي قامت من على الطبلية اللي متجمع عليها الستات بسرعة وهي بتنفض إيديها. تقي: أيوه. تقي طلعت وخالد اداها يزيد. خالد: خليه يكمل أكل جوه معاكم. تقي هزت راسها وخدت يزيد منه ودخلت. خالد رجع بص لجبل. خالد: كنت بتقول إيه؟ جبل: عايز أتجوز وعد. خالد: ده من يوم ما كنت برا البيت.

جبل مرضيش يقوله إنه سمع ستات بتتكلم على وعد وإنه بايرة وكلام تاني. جبل: لا بس أنا بجد عايزها. خالد: تيجي تطلبها أنت وأمك، وفضل لو تجيب خالك معاك، وساعتها أفكر أنا بقى. خالد قام ونادى بصوت عالي عشان اللي في المطبخ يسمعوه. خالد: الشاي. زياد وصل البيت وقعد على الكنبة بتعب ونده عليها عشان تحط له الأكل. زياد: ريهام. ريهام: خالتها. ريهام: دقيقة هطلع أحط له الأكل. ريهام طلعت لقيته حاطط وشه بين إيده بتعب.

ريهام: أجيب لك تاكل؟ زياد هز راسه واداها الكيس. زياد: وخدى شيلي الأكل ده. ريهام خدت منه الكيس ودخلت تجيب له أكل. شوية وريهام طلعت بس لقيت خالتها قاعدة مع زياد. ريهام حطت الأكل لزياد وقعدت تشوفهم بيقولوا إيه. خالت ريهام: أنا بس عايزة أقعد يومين حتى كل فترة تيجي تغير جو عندي. زياد رفع وشه وبصلها بهدوء. زياد: عندك ولاد؟ خالت ريهام: أيوه عندي ولدين، أصغر واحد 20 سنة. زياد بص لريهام ورجع لخالتها. زياد: لا مش هتروح.

خالتها لوت بوقها بسخرية. خالتها: وهما مر عليهم يعني؟ ما هي قاعدة معاك عاد. زياد قام من مكانه مرة واحدة وتكلم بجدية. زياد: احترم بس إنها ضيفة. إن كانت زيارتك خلصت فيلا عشان أوصل حضرتك، وإن كنتي عايزة تباتي فهلا وسهلاً بس هي مش هتطلع برا البيت. خالتها قامت بتكبر. خالتها: لا خلصت يا خوي. زياد طلع وخالتها طلعت وراها عشان يوصلها. تقي قاعدة ومقعده يزيد في حجرها بتلاعبه وبتضحك. خالد قفل التليفون وحطه في جيبه بملل وقام.

خالد قرب من تقي وميل عليها وباس يزيد. تقي نفسها زاد لما قرب عليها وريحة عطره. تقي غمضت عينيها. خالد بعد ببطء ولما رفع عيونه لقي تقي بتبصله. خالد ركز معاها وفضل يبصلها شوية، عيونه العسلي رموشه الطويلة بشرتها الصافية. خالد فاق على نفسه وبعد لما تقي نزلت عينيها بحرج. خالد: يلا يا جبل نجيب شوية برسيم للبهايم. أم وعد: روح هاتهم يا جبل، بدل ما عمك يطلع يوم صبحيتها. جبل ضحك.

جبل: اللي خلاه يطلع يوم صبحيتها لأولاه مش هيطلع النهارده. خالد بص على تقي لقيها بصت لتحت بزعل. خالد قعد وحط رجل على رجل لما شاف ابتسامة أم جبل الشامته. خالد: وعشان دي مش زي أولاه مش طالع وروح هاتهم لوحدك. تقي ابتسمت بخجل وبفرح. أم جبل لوت بوقها بحقد. جبل: إيه ده يا عمي بهزر والله. خالد: وأنا مبهزرش يا جبل وخلص البهايم قاعد بجوع. جبل قام بقلة صبر. جبل: ماشي يا عمي بكرة أتـجوز ومهنزلش غير بعد أسبوع.

خالد: طب يلا يا خوي. خالد قام وخد يزيد من تقي وهمسلها: اطلعي استنيني فوق. زياد دخل البيت وهو مش طايق نفسه. ريهام جريت عليه بلهفة. ريهام: زياد.. متزعلش خالتي مكنتش قـ.. ريهام اتنفضت ورجعت لورا بخوف لما زياد زعق. زياد بصوت عالي وعصبية: بعمل لك إيه أنا عشان تقول مر على ولادها؟ عايزهم يعملوا إيه؟ بعمل إيه أنا عشان المفروض يعملوا زيي؟

زياد كل ما يفتكر إنه باسها وبيشوفها أحيانا بشعرها أو بجامتها وكلام خالتها إن ولادها حقهم يعملوا كدا يتجنن أكتر. زياد بعصبية أكتر: غوري من وشي. ريهام بعصبية: أنت بتزعقلي ليه؟ أنا عملت إيه؟ وبعدين أنت مالكش حق، أنا لو عايزة أروح عند خالتي هروح. ريهام قالت له كدا ومشيت من قدامه بس قبل ما تتحرك خطوة واحدة كان زياد مسكها من إيده وشدها عليه. ريهام شهقت وسندت بأيديها على صدره.

زياد بهدوء مخيف: طول ما أنتِ في بيتي يبقى ليا الحق، طول ما الناس شايفاكي طالعة من عتبة بيت فيه راجل وعملتي غلط يبقى الحق والعيب على الراجل اللي عايشة معاه، فاهمة. زياد سابها ودخل أوضته وهو بيقفل الباب جامد. ريهام لنفسها: سابني… سابني من غير ما أقول ولا كلمة. ريهام فضلت تلف في البيت بغضب وهي بتكلم نفسها. بعد وقت كبير. ريهام: لا ما أنا مش هسكت. ريهام اتجهت لأوضة زياد وفتحت الباب بعصبية.

ريهام: أنت إزاي تسبيني من غير ما ترد علي كـ.. ريهام سكتت لما شافت زياد نايم على السرير بالبنطلون بس ونايم على بطنه وملامحه باين عليها التعب وحتى مردش عليها ومش فاتح عينيه. ريهام قربت بهدوء. ريهام: أنت كويس؟ زياد مقدرش يرد عليها من التعب. ريهام حطت إيدها على راسه وشهقت بخضة. ريهام: يلهوي دا سخن مولع.. ط.. طب أعمل إيه؟ ريهام حاولت تقوم زياد. ريهام: زياد اتسند معايا، أنت لازم تاخد دش بميه باردة وبعده أشوف لك أي مسكن.

زياد محسش بحاجة من التعب وريهام سندته لحد الحمام. ريهام: زياد حاول تسند نفسك لو فتحت الدش هنغرق إحنا الاتنين. ريهام حاولت تسيب زياد بس كان هيقع فتحت الميه. ريهام وزياد شهقوا لما الميه الساقعة نزلت عليهم وبقوا هما الاتنين تحت الدش. ريهام حاضة زياد عشان ميقعش منها والميه نازلة عليهم ووو...