رواية وعد الجبل الفصل الحادي عشر 11 - بقلم منار همام

تقي قاعده على السرير وبتبص لخالد الي بيلاعب ابنه بهيام. خالد لما رفع عيونه لاحظ نظراته ليه. تقي بصت بعيد بخجل. خالد: تعالي يا تقي. تقي قامت وقعدت جنبه. خالد اتنهد وحط يزيد على جنب وبصلها. خالد: أنا عارف إن وجود يزيد مضايقك، وخصوصاً بعد اللي حصل امبارح، بس أنا متعودتش أسيبه. تقي قطعتها وهي بتشيل يزيد وباسته على خده. تقي: يزيد ده ابني. خالد ركز معاها ولما باست يزن شعرها نزل.

خالد مد ايده ببطء وزحلها شعرها وهي رفعت وشها وبصتله. خالد قرب منها وتقي غمضت عنيها لما فكرته هيبوسها. بس الباب خبط. وعد على الباب: عمي خالد. خالد بعد وهو بيحمحم: احم روحي افتحيله. تقي نزلت يزيد جنب خالد وقامت وعلامات التوتر على وشها وفتحت الباب. وعد: أمي بعتالكم دول أنتي وعمي. تقي خدتهم منها: طيب تعالوا. وعد خافت من امها بعد ما حذرتها تنزل طول وتسيبهم على راحتهم. وعد: لا أنا هنزل علشان أمي عايزاني.

خالد من جوه: تعالي يا وعد وفكك من كلام أمك إحنا قاعدين مش بنعمل حاجة يعنى. تقي ابتسمت ووشها بقي أحمر من الخجل وشدت وعد من ايدها. تقي: تعالي. تقي وعد دخلوا. تقي حطت الصنية على التربيزة اللي قدام خالد وقعدت جنبيهم. خالد: كنت عايز أتكلم معاكي يا وعد. وعد بصتله بانتباه: أيوه يا عمي. خالد اتعدل وبصلها: بصي يا حبيبتي دلوقتي جبل طالب إيدك، وأنا مردتش عليه غير لما أتكلم معاكي ومع أمك فـ.

وعد اتنهدت هي مش عارفة عايزة إيه ولا جبل بنسبالها إيه هي كانت متعلقة بيه بس دلوقتي مش عارفة. وعد: اللي تشوفه يا عمي. خالد: عايزاه يا وعد. وعد بتوهان: مش عارفة. خالد باس راسها: صلي استخارة ياحبيبتي وأنا لسه هشوف أمك. وعد: حاضر يا عمي. ريهاام قاعدة جنب زياد على السرير بتعمله كمادات بعد ما طلعته من الحمام بصعوبة. ريهاام حطت القماشة على راسه وطلعت ميزان الحرارة من بوقه. ريهاام: نزلة شوية الحمدلله.

ريهاام غيرت القماشة وحطتها على راسه. ريهاام مسحتش بنفسها وهي بتسرح في ملامحه ولا لما نامت جنبه. بعد شوية زياد بدأ يفوق حاول يحرك دراعه بس في حاجة تقيلة عليه بيبص لقي ريهام نايمة على دراعه. زياد رفع جسمه وبقي منحني على ريهام وبيزحلها شعرها وهو بيتأمل فيها. زياد نزل ببطء وباسها على راسها وخدها. ريهاام صحيت بنزعاج واول ما شافت زياد بلهفة حطت ايدها على راسه و رقبه. ريهاام اتنهدت: الحمدلله نزلت. زياد: إيه هي؟

ريهاام: حرارتك. زياد بصله نظرة شاملة لقي هدومها مبلولة. زياد بستغراب: مالها هدومك كدا؟ وقبل ما ريهام ترد الباب خبط. زياد قام: دقيقة وجاي. زياد طلع من غير حتى ما يلبس التيشرت فتح الباب وكان خالد. خالد بلهفة: بقالي ساعة برن عليك مبردش ليه. زياد بتعب: تعبت شوية. خالد: تعال نروح لدكتور. زياد شاورله: ادخل بس أنا كويس. خالد دخل بس لمح ريهام طالعة من اوضة زياد وهدومه مبلولة. خالد قعد وبص لزياد بشك: في إيه بالظبط؟

زياد طلع سجارة علشان يولعها. زياد: معرفش. خالد خد السجارة من بوقه والولاعة وولع السجارة لنفسه. زياد بصله وهو مبتسم: انت عارف علبة السجاير بكام. خالد: هجبلك غيرها لما تخف. زياد ضحك وهو بيهز راسه بيأس. هنا ريهام طلعت بعد ما غيرت هدومه. زياد: اعمليلينا شاي يارهام. ريهاام بهدوء: حاضر. خالد: عايزك في موضوع. عند تقي بعد ما مشي خالد. وعد قربت منها بفضول: هااا احكيلي. تقي بخجل: مفيش حاجة. وعد: إيه هو اللي مفيش حاجة.

تقي: مفيش حاجة يا وعد وخلاص. وعد: لا بقولك إيه اتزبطي كدا إن متلحلحش هو اتحلحلحي انتي. تقي: أعمل إيه يعني يا وعد. وعد: تتهشتكي كدا تزغللي عنيه انتي عايزة العقربة طليقته تشمت فينا. وعد قامت وقفت عند الدولاب وطلعت منه قميص نوم بحمالات وقبل الركبة شوية بلون لافندر. وعد: البسي ده. تقي وشه بقا أحمر لما اتخيلت إنها ممكن تقف قدام خالد كدا. تقي: لا مستحيل. وعد: لا مفيش مستحيل وهتلبسيه يعني هتلبسيه. أم جبل

قفلة التلاجة بغضب وضيق: أمّال فين طبق الرز بلبن اللي كان هنا يا أم وعد لجبل ابني. أم وعد: طلعتهم لخالد ومراته. أم جبل: ليه وهي صغيرة متعملش لنفسها ولا علشان بنت أخوك وشغل الحريم هيشتغل ولا إيه. وعد: مرات عمي. وعد كانت لسه نازلة وشايلة يزيد. أم جبل ابتسمت بسخرية: بدأنا من أوله بس وماله. وسبتهم ومشت. بليل خالد رجع وهو مرهق كان هيطلع بس سمع صوت يزيد.

طلع من أوضة وعد قرب من الأوضة وفتحها لقي يزيد بيلعب على السرير وعد في سابع نومة. ابتسم وشال يزيد وطلع بيه. خالد طلع وفتح الباب و.