رواية وعد الجبل الفصل الثاني عشر 12 - بقلم منار همام

خالد أول ما دخل لمح تقي وهي بتدخل الحمام. قرب من الحمام وهو بيضحك: "اطلعي على فكرة شوفتك." تقي عضت على شفايفها وطلعت وهي منزلة وشها لتحت بكسوف. خالد قرب وحصرها عند باب الحمام. خالد لعب في خصلة من شعرها وهو مركز معاها أوي. بصوت هادي وكله حنان: "شكله حلو أوي عليكي." حلّلها شعرها ورا ودنها: "بس للأسف مش هينفع نعمل حاجة عشان يزيد." خالد نزل بصباعه اللي كان بيلعب بيه في شعرها ورفع وشها اللي منزلاه وهمس برغبة:

"بس ممكن نعوض بحاجة تاني." تقي رفعت عينيها وبصتله باستفهام. تقي شهقت بصدمة لما خالد مال وباسها. بعد وقت استجابت ليه وغمضت عينيها ورفعت إيديها تقرب خالد منها. بعد شوية خالد بعد بهدوء وبيأخد أنفاسه. تقي منزلة وشها. خالد: "ادخلي غيري عشان يزيد." تقي رفعت وشها: "بس هو صغير." خالد حرك صباعه على خدها وتكلم بهدوء:

"الطفل بيبدأ يستوعب كل حاجة بعد السنتين وبيخزن كل حاجة في دماغه. وليّه بيبقى فاكره وهو صغير لما بيكبر شوية بيفضل يفكر ويدور لحد ما يعرف إيه الحاجة اللي كانت قدامه دي. ماشي." تقي: "حاضر." تقي دخلت الحمام وخالد اتجه ليزيد وشاله عشان ينيمه في أوضته. *** ريام بترص الأكل قدام زياد وهو عامل نفسه بيبص في التليفون بس كل شوية يرفع عيونه عليه. ريهام خلصت وزياد قفل التليفون وسما الله.

ريام دخلت المطبخ تاني وطلعت بصحن مخلل وقعدت وبدأت تاكل هي كمان. زياد وهو بياكل لاحظ إن النايب اللي في صحنه أكبر من بتاعتها. زياد شال حتة وحطها في صحنها. ريام بسرعة: "لا، أنا أكلت مع خالتي في الضهر وأنت مأكلتش نايبك بتاع الغداء ودلوقتي." زياد: "خلاص كليها." ريام رجعتها في طبقها: "أنا يدوب أقدر آكل اللي قدامي." زياد اتنهد وسكت. هما الاتنين بياكلوا. بسكوت شوية كانوا خلصوا وريهام وقفت تلم الأكل. زياد: "اعمليلي شاي."

ريام هزت راسها ودخلت بالأطباق. وزياد طلع بره يشم شوية هوا. شوية وطلعت وماسكة مجين. ركنت واحد على الترابيزة الصغيرة وطلعت تدي التاني لزياد لما ملقيتوش. زياد أول ما شافه جري خده منها عشان تدخل جوه بسرعة. ريهام عطتله ودخلت. زياد قعد على الدكة اللي قدام الباب يتأمل في السما والهدوء من حوله. زياد خد نفس: "لازم ألاقي حل بسرعة."

زياد خد كوبايته ودخل لقيها قاعدة قدام التليفزيون ماسكة مج نسكافيه وبتقلب في التليفون. زياد قعد ومسك الريموت يغير القنوات. ريام: "قلبت ليه؟ كنت بسمع." زياد رفع حاجبه بمعنى والله؟ ريام: "احم، كنت برد على رسالة بس." زياد رجع القناة اللي بتسمع عليها وقام دخل عشان ينام. *** تاني يوم. أم وعد بهدوء: "يا أم جبل يا خالد." خالد: "أنا عارف إنها طمعانة في ورث وعد، بس أنتِ هتجوزي بنتك لجبل مش لأمه." أم وعد:

"لا يا خالد، هتجوزي أمه.. أنت عارف إن الحماة تقدر تخربها وتقدر تسيرها." خالد: "محدش يقدر ياخد قرش واحد من ميراث وعد طول ما أنا عايش.. متكدريش قلبهم، الواد شكله رافضها." أم وعد اتنهدت: "اللي تشوفه يا خالد." خالد قام بهدوء وهو بيطمنها: "إن شاء الله خير." خالد طلع برا لقي تقي قاعدة قدام التليفزيون. قعد جنبها. خالد: "أمال فين يزيد؟ تقي اتلفتت حواليها: "كان هنا." خالد قام: "كان هنا فين يعني؟

تقي قامت وفصلت تدور عليه وخالد فقط أعصابه. ضر معاها وهو يتجنن. خالد غضب: "مش عارفة تاخدي بالك من عيل؟