رواية وعد الجبل الفصل الحادي والثلاثون 31 - بقلم منار همام

وعد: خلاص بقا هي شوية كدا وهتهدى. جبل قاعد على السرير حاطط إيده بين راسه بحزن. جبل: مظنش. وعد: طب روح رضيها وهاتها. جبل: مش هترضى ترجع معايا، هسيبها تهدأ شوية. شوفيها كدا مشيت ولا لأ. وعد بصت عليه من الشباك: أيوه لسه ماشية أهي. جبل: سيبها شوية لحد ما تهدأ وهروح أجيبها. تعالي ننام. تاني يوم عند تقى وخالد. خالد بهمس: تقى.. تقى. تقى فتحت عينيها بنوم. خالد: صباح الخير. تقى فردت دراعه بنوم وردت عليه بابتسامة: صباح النور.

خالد لعب في شعرها: صاحية ريقين النهارده. تقى: أوي. خالد: قومي خديلك دش ونزلي شوفي يزيد وأنا هروح أشيل شوية غلة مع زياد. تقى مسكت إيده وبصتله برجاء: طب متخليك قاعد معايا وخلي زياد هو اللي يتابع الشغل ويزيد مع وعد. خالد اتنهد وطلع التليفون يتصل بجبل. خالد: إنت فين يا جبل. جبل على التليفون: في الزرعة مع زياد، متشلش هم. خالد: طب شوف المحصول يقطع بكام ودي زياد نصيبه ومتنساش تدخل الباقي المخزن. جبل: حاضر يا خالد.

خالد قفل معاه وبص لتقى: مبسوطين كدة. تقى ضحكت وتعَلقت في رقبته: أيوه أوي. خالد: يبقى الواد زعلان على أمه وأنا أقوله شوف الشغل. جاحده: تقى: لا إحنا متفقين هتأجل كل حاجة وتفضالي. خالد شالها: اهو فضيتلك. تقى: بتعمل إيه. خالد: هساعدك تستحمي عشان يبقى حاجة آخر دلع. تقى قربت وبسته على خده: بحبك طيب. زياد رجع بعد ما خلص الشغل بتاعه. ريام حطت ميه قدامه وقعدت جنبه. ريام: خلصت.

زياد: أيوه. وطلع فلوس من جيبه عدها وعطى ريهام مبلغ. زياد: خدي دول. ريام: ليه. زياد: في كل مرة هلم المحصول ليكي دول. ريام: أنا معايا. زياد: خديهم وانتِ ساكتة. ريام ضحكت: طب خد. ريام حطت في إيده اختبار حمل. زياد باستغراب: إيه ده. ريام: اختبار حمل. زياد باستفهام: حامل. ريام قربت منه بدلع: في الشهر التاني. زياد مرة واحدة شدها عليه وباسها بشغف. زياد: بحبك. ريام خبت وشها في رقبته: بحبك أوي يا زياد.

زياد بعدها عنه وحط إيده على بطنها. زياد: ولاد ولا بنات. ريام ضحكت: لا دا لسه صغير. بكره إن شاء الله نروح عند الدكتورة نطمن على صحته ونتابع مع الدكتورة. إنت عايز إيه بقا. زياد: بنت حلوة زيك كدا. ريام: وأنا عايزة ولد. زياد: عايز راحتها خالص ها. متتحركيش من مكانك. ريام بحب: حاضر. في المطبخ. تقى بهيام: خالد.. خالد دا حاجة تانية. وعد ضحكت: اتقلي شوية يخربيتك مش من ليلة ماشية تقولي فيه شعر.

تقى: وعليه حنية يخرابي. فكرت يزيد وإنتي بس اللي حنينة عليكم. وعد: هو حنين على الكل بس ما بيحبش يبين ده. تقى: وعليه واحدة. تقى كانت بتوديني عالم تاني. وعد: لا إنتي حالتك صعبة بجد. تقى: في واحدة تتجوز خالد ومتبقاش حالتها صعبة. وعد: طب يلا يا أختي خلينا نحط لهم الأكل. بعد مرور تلات سنين. ميرال بنت جبل قاعدة بتلعب. يزيد اللي بقا عنده تمان سنين قرب وخد منها اللعبة بعنف وهي عيطت.

تقى: ليه يا حبيبي سيبها تلعب بيها وأنا هخلي خالد يجبلك واحدة غيرها. يزيد بص لها بغصب: ملكيش دعوة. وجرى على فوق قابل أخوه آدم اللي عنده سنتين في أوضته. يزيد بعصبية: بتعمل إيه في أوضتي. أنا مش قلتلك متدخلش هنا. آدم بص له بدموع وفتح في العياط. خالد دخل على الصوت واتكلم بعصبية خصوصًا إنه شافه وهو بيزعق. ميرال بنت جبل: يزيد. يزيد: متخلهوش يدخل أوضتي تاني وميخدش لعبي. خالد: إنت عيل قليل الأدب ومتربتش.

خالد كان لسه هيضربه بس تقى دخلت. تقى: علشان خاطري يا خالد. خالد سابهم ومشي. تقى نزلت لمستوى يزيد: مالك يا يزيد إنت مكنتش كدا. يزيد: ابعدي عني أنا بكرهك. تقى الدموع اتجمعت في عينيها وطلعت على برا جري. ودخلت أوضتها هي وخالد وترمت في حضنه. خالد حرك إيده على شعرها بحنية: خلاص متزعليش منه دا عيل. تقى: أنا مش عارفة ماله كان بيحبني أوي وهو صغير. دا أنا بحبه أكتر من آدم وعمري ما فرقت بينهم.

خالد: معلش دا عشان لسه صغير. بكرة يكبر وبعدين بتعيطي من دلوقتي. اجمدي دا لسه فيه اتنين تاني. تقى ابتسمت وهي بتمسح دموعها: اتنين تاني إيه هو أنا قادرة على دول. خالد باسها على راسها وخدها: يا لهوي دا لسه فيه اتنين واتنين وكتير ووو. بعد مرور 22 سنة. ميرال بنت جبل كانت في البيت التاني اللي بناه خالد لشباب تقعد فيه بتجيب لأمها حاجة من الشقة الخاصة بأخوها في البيت. سمعت صوت بنت طالع من أوضة يزيد.

في الأول خافت تروح يزعق فيها. اتقدمت بتوتر وبصت من الجزء المفتوح من الباب. شهقت بصدمة لما شافت يزيد مع البنت دي. وفضلت متنحة شوية وبعدين استوعبت نفسها وجريت على البيت التاني. ميرال دخلت البيت جري ودخلت أوضته. بس قبل ما تدخل لمحتها تقى. تقى دخلت وراها وقعدت جنبه. تقى: في إيه يا بنتي. ميرال بتوتر: م.. مفيش. تقى بحدة: ميرال. ميرال: ك.. كنت في البيت التاني بجيب حاجة وشفت يزيد.. م. معاها بنت.. و.. وبيضربها.. و. كمان.

فاطمة سكتت ومرضيتش تكمل. تقى: فهمتك. تقى لسه هتكمل بس يزيد فتح الباب ودخل ببرود. تقى اتأكدت من كلام ميرال لما شافت جرح في رقبته. يزيد ببرود: عايز أكل. وقفل الباب. تقى رجعت تبص لميرال: معلش يا ميرال متقوليش لعمك خالد على حاجة من اللي شفتيها وأنا هتصرف. ماشي يا حبيبتي. ميرال: ماشي يا مرات عمي. تقى طلعت وميرال اتجهت الحمام تغسل وشها. ميرال شهقت ورجعت لورا. يزيد ببرود: غطي شعرك.

ميرال استوعبت نفسها وغطت شعرها بسرعة وهو قام وقرب منها لحد ما وقف قدامها. يزيد ميل عليها: مفكراني مش شفتكِش يعني وإنتي واقفة ورا الباب. فاطمة بتوتر: ا.. أنا. يزيد رفع حاجبه: خايفة ليه هو أنا لسه عملت حاجة.