رواية وعد الجبل الفصل الثاني والأربعون 42 - بقلم منار همام

ميرال دخلت ورا يزيد أوضته عشان تتخانق معاه بعد اللي عمله مع تقى. دخلت ملقتش حد في الأوضة بس سمعت صوت من الحمام. ميرال قربت وأول ما قربت شافت يزيد بيستفرغ في الحوض وباين عليه التعب. ميرال جريت عليه بلهفة: يزيد… يزيد انت كويس في إيه مالك؟ يزيد رفع وشه بتعب: أنا مش كويس يا ميرال. ميرال برعب: ف... فيه دم في الحوض ا... انت؟ يزيد كان هيقع بس ميرال سندته وطلعت بيه وقعدته على السرير. ميرال بدموع: أنا هروح أقول لعمي.

يزيد مسك إيدها: لا يا ميرال متقوليش لحد أنا عايزك انتي. ميرال بصتله بتردد وحيرة. يزيد: أنا مش كويس وعايزك جنبي. ميرال قعدت جنبه وحركت إيده على شعره لحد ما نام. *** تاني يوم. يزيد وميرال فتحوا عيونهم بنوم لقوا نفسهم في حضن بعض. قاموا بخضة ويزيد عدل وشه الناحية التانية عشان ميرال تظبط نفسها. ميرال بتوتر: ا... أنا همشي قبل ما حد يصحا ويشوفنا. يزيد: استني دقيقة.

يزيد طلع علبة الدوا: ميرال هي دي الإزازة اللي تقى طلبت منك تجيبيها. ميرال مسكتها بين إيديها: أيوة هي. يزيد: متأكدة؟ ميرال: أيوة والله. يزيد سكت شوية. ميرال: همشي أنا. يزيد ابتسم: ميرال أنا نفسي في كيكة بشوكولاتة من اللي بتعمليها. عندياسين ضحك: بس إزاي قدرتي تبدلي الإزازات من غير ما حد يشوفك يا ستي دا كلهم كانوا ملمومين.

أم جبل بشر: لااا عيب ستك دي خبرة ومن زمان… ودلوقتي خالد مش طايق يزيد… ويزيد مفكر تقى هي اللي بتحط المخدر. ياسين بشر: لازم البيت ده يتفرق بأي طريقة.. طيب يا ستي دلوقتي افرض يزيد ورا الإزازة لميرال وقالها إذا كانت هي دي الإزازة ولا لأ. أم جبل: لا شغل دماغك كده أنا بدلت الغلاف بتاع العلب بس تقى مش هتعرف تفرقي. ياسين: بس اشمعنى يزيد يا ستي.

أم جبل بغل: من 30 سنة أبوك رفع إيده عليا بسبب خالد وحلفت من يومها مش هسكت غير لما خالد يعيش نفس اللي عشته من أول ما يزيد بدأ يكبر ويستوعب زرعت كره تقى فيه وهي بقا من غير ما تحس وقعتهم في بعض وخالد كذا مرة يرفع إيده على يزيد… ويزيد مفكر تقى هي السبب مستنيا اليوم اللي هيرفع فيه يزيد إيده على أبوه وبقا خدت بحقي. ياسين: قريب قريب. *** في بيت زياد في المطبخ. وليد: صباح الخير يا ست الكل… صباح الخير يا والدي.

ريهام بحب: صباح النور يا حبيبي. وليد: أساعدك في حاجة. زياد: أيوه اعملي شاي لحد ما أمك تجهز للأكل. وليد: حاضر. *** في أوضة البنات. رحاب فتحت عنيها بنوم: اللي بيضحك من غير سبب داس. سلمى ابتسمت بخجل: بس بقا. رحاب: والد ولا إيه. سلمى: من شوية كنت داخلة المطبخ أساعد أمك لقيت وليد واقف بيعمل شاي لعمي زياد.. عارفة وهو واقف طول بعرض كده على البوتاجاز بيعمل شاي يخرابي.

رحاب: البنات بتحب واحد هيبة عنده شركة رجل أعمال وأنا صحبتي بتحب أخويا عشان دخل المطبخ. سلمى: إيش فهمك انتي في الحب خليكي في دكتور الجامعة بتاعك وبعدين اللي ملوش خير في أهله ملوش خير في حد. رحاب: طاب ياختي قومي خلينا نفطر. *** في بيت خالد. ميرال بتدي طبق فيه كيكة لخالد: اتفضل يا عمي. خالد: تسلمي يا حبيبتي… حطيلي طبق لتقى. ميرال: أنا هطلع أوديلها وأودي ليزيد كمان. خالد: اممم ميستهلش على فكرة.

تقى اتنهدت وخدت طبقين وطلعت. فوق. يزيد قاعد على السرير. ميرال: اممم مش قاعد معاهم تحت ليه. يزيد اتنهد: ما إنتى عارفة محدش طايقني فيهم. ميرال: ما هما معاهم حق الصراحة يا يزيد انت بتعمل معاهم كده ليه. يزيد: أنا تعبان يا تونا تعبان و محدش فهمني. ميرال سكتت بحزن. يزيد: كل ده ليا أمال خليتي إيه للي تحتي. ميرال: لا ما أنا عاملة تلات صواني ويارب يكفوا. يزيد: ومين دافع حقهم. ميرال: جبتهم من فلوسي عادي. يزيد طلع

المحفظة من الدرج بتاعه: ما تدفعيش حاجة من جيبك بعد كده أنا اللي طلبت تعمليلي يبقى أنا اللي أدفع. ميرال: بس أنا معايا فلوس. يزيد: امسكي وبلاش صداع. ميرال خدت الفلوس منه. يزيد: الطبق ده لتقى. ميرال: أيوة. يزيد: هاتى أوديهولها أنا. ميرال بفرحة: أهوي. يزيد خبطت على باب أوضة تقى. تقى بتعب: ادخلي يا ميرال. يزيد: أنا يزيد مش ميرال. تقى: ادخل. يزيد دخل بهدوء: أخبارك إيه دلوقتي أحسن. تقى ابتسمت بحب: الحمد لله أحسن بكتير.

يزيد: ميرال بعتالك ده. تقى خدته منه. يزيد بهدوء: هو انتي كنتي باعتة تقى تجيبي أي من الصيدلية. تقى بتوتر: ح... حاجة يعني. يزيد طلع الإزازة: حاجة زي دي يعني. تقى بستغراب: إيه ده. يزيد: والله مش عارفة برضه لإزازة دي فيها إيه. تقى: لا أنا أول مرة أشوف اسم الحاجة دي أصلا. يزيد: إزاي وميرال قالت إنك بعتيها تجيبي إزازة دي. تقى: أيوة أنا بعتها تجيب إزازة زي دي بس لا دي اسمها مختلف. يزيد: أمال كنتي بعتاها تجيبي إيه.

تقى: إزازة دوا عادية. يزيد علثمصام: انتي بقالك فترة مش بتتصلي ولا بعتي فلوس ده أنا موقف كل شغلي عليكي. أم جبل بضيق: أوووف حصلت مشكلة هنا ولازم أهتم بيها. وليد دخل عليها: في حاجة يا ستي. أم جبل: طاب بقولك إيه اقفل وأنا ص واحد تبعي يكلمك وتتفقوا على كل حاجة. الشخص: والفلوس يا مدام. أم جبل: هبعتهالك. الشخص: تمام. أم جبل قفلت مع الشخص: في حوار كده عايزك تخلصهولي يا ياسين. ياسين: من عنيا يا ستي خير.

أم جبل: في واحد كنت مكلفاه يعمل مشكلة لآدم ابن خالد ومقدرتش أكمل معاه هتشوف انت المشكلة دي هفهمك كل حاجة ووصلت لفين وانت كما وبذكائك ممكن توصل المشكلة دي لخلاف بين خالد وزياد. ياسين: احكيلي وركزي على الدنيا ومتشليش هم انتي. *** بيت زياد. وليد: الشاي يا بابا. زياد: تسلم. هنا دخلت رحاب وسلمى. رحاب: بقا دكتور طول بعرض بيمشي يهد لأرض واقف في المطبخ يعمل شاي. ريهام بضيق: الله وأكبر الله وأكبر خمسة في عينيكي.

وليد: أيوة يا ماما خمسة عشان رحاب دي عينها وحشة. زياد: صباح النور. ريهام بحب: صباح النور يا حبيبتي… تعالي يا رحاب حطي الفطار لابوكي وأخوكي وأنا هجهز لي. وليد: طاب ليا يا ماما أنا أناكل كلنا سوا. زياد قام: تعالي يا زفت معايا. زياد طلع ووليد وراه وقعدوا في الصالة. رحاب جابتلهم الفطار. رحاب: حاجة تاني يا بابا. زياد: لا يا حبيبتي روحي افطري. وليد: طاب وليه البهدلة دي ما كلنا قعدنا كلنا سوا.

زياد: الكلام ده مش عندنا ومش أصولنا يا وليد لما يبقى فيه حرمة غريبة في البيت المفروض انت تسيب البيت خالص عشان هي تاخد راحتها. وليد: احم ماشي يا حج. *** قدام بيت سارة على الفون: أيوه أهو لسه واصل. شخص: أو إوعى حب ليه ينسيكي انت جايه تعملي إيه. سارة اتنهدت: أنا عارفة كويس يا أم جبل…