رواية وعد الريان الفصل العاشر 10 - بقلم منه السيد

ريان مشى قدام شوية وشاف حد واقف على السلم. السلم كان بيتهز. وفجأة... وعد وقعت من على السلم. وعد ااااااه وعد وقعت وهي مغمضة عينيها ومش راضية تفتحها. ريان هتفضلي مغمضة عيونك كده كتير؟ وعد فتحت عينيها بالراحة، لاقت نفسها بين إيدين ريان وهو شايلها. فضلوا بصين لبعض لفترة. وعد احم... نزلني. ريان بتوهان ها!! وعد بتوتر نزلني. ريان انتبه على نفسه ونزلها. ريان احم... انتي بتعملي إيه هنا؟ وعد بتوتر كنت بجيب ملف. ريان امممم...

انتي كويسة؟ وعد آه. ريان تمام. وعد أنا عايزة أسأل سؤال. ريان اسأل. وعد يعني ربنا قدرك وعملت ده كله ومش قادر تركب لمبة تنور المكان؟ ريان بضحك قولتلهم كذا مرة بس مش مهم، حسابهم معايا بعدين. وعد طيب يلا دور معايا على الملف. ريان برفعة حاجب نعم!! انت عايزني أنا ريان أدور على الملف؟ وعد آه، ومش تدور ليه؟ ريان أنا طالع. وعد بخوف احيه... الحق، الفون فصل. ريان أعمل إيه يعني؟ عادي. وعد بخوف عادي إيه؟ أنا عندي فوبيا من الضلمة.

ريان طيب اهدي، أنا هطلع وهخلي حد ييجي يركب أنوار هنا، وبعدين ابقي دوري براحتك. ريان وهو ماشي، وعد مسكت في دراعه بخوف. ريان ابتسم ومشي. في الخارج... ميار رجعت. ميار إيدا مين قفل الباب؟ لسه هتخبط وتزق الباب، لاقت ياسين في وشها. ياسين آنسة ميار... إزيك؟ ميار ببرود كويسة. ياسين هو انتي محتاجة حاجة من جوه؟ ميار شيء مش يخصك. ياسين في نفسه يلعن أبو برودك يا شيخة. ياسين تمام، أنا كنت حابب أساعد. ميار هو ريان فين؟ ياسين

في مكتبه. ميار تمام. وسابته ومشيت. ياسين إيه الرخامة دي. شهد معاك حق. ياسين أول مرة نتفق على حاجة أهوه. شهد كويس... عمر فين؟ ياسين في المكتب، وأنا فهمت السكرتيرة كل حاجة. شهد ربنا يستر. ياسين يارب... أول مرة تعملي حاجة عدلة. شهد ابتسمت بخبث وافتكرت اللي حصل. فلاش باااااااك.... شهد معدية وسمعت ميار وهي بتكلم الموظفين. ياسين قفشتك... بتتصنتي عليهم ليه؟ شهد هششش... تعالى معايا وأنا هفهمك. ياسين جيت أهوه، احكي. شهد

البت اللي اسمها ميار الباردة دي عايزة تاخد ريان الأرشيف، وخلت الموظف يكسر كالون الباب علشان أول ما ريان يدخل الباب يتقفل ومش يفتح بسهولة، عايزة تستفرد بيه. ياسين ومين سمعك والله، ولا أنا بطيقها. المهم هنعمل إيه؟ عمر أنا هقولكوا. شهد انت سمعت؟ عمر آه، وأنا كمان مبحبش اللي اسمها ميار دي. ياسين وإيه هي الفكرة؟ عمر

أنتي يا شهد هتقولي لوعد تروح تجيب ملف من الأرشيف، واتحججي بأي حجة. وبعد ما تدخل الأرشيف، ريان هييجي وهيفكر ميار جوه وهيدخل. وأول ما يدخل الموظف هيقفل الباب. وأول ما ميار تيجي انتي هتعملي أي حاجة علشان ما تدخليش وهتقولها إن ريان في مكتبه. ياسين سؤال... اشمعنى وعد؟ عمر علشان أنا ملاحظ حب ريان لوعد وهو مش عايز يقول، وشهد كمان ملاحظة كده، فهنحاول نقربهم من بعض. ياسين آه تصدق، وأنا كمان ملاحظ... طب سؤال كمان. عمر اسأل.

ياسين هتطفشي ميار إزاي من على الباب؟ عمر سيبوها عليا. ياسين وشهد كمان سؤال. عمر بنفاذ صبر اسألوا. ياسين وشهد مع بعض طيب افرض ميار راحت لريان المكتب؟ وبصوا لبعض وضحكوا. عمر أنا هروح أقعد مكان ريان وهلف الكرسي. وانت كلم السكرتيرة وخليها تمنع ميار تدخل المكتب، وفهمها أنت بقى. ياسين بغمزة مش قليل أنت برضوا يا عمر. عمر يابني عيب عليك... يلا كل واحد ينفذ مهمته. نهاية الفلاش باااك..... في الداخل...... ريان أي يفتح الباب.

الباب مش راضي يفتح. وعد في إيه؟ ريان مش عارف. ريان خبط على الباب ومفيش حد رد. ريان وبعدين؟ وعد تعالى نقعد شوية علشان أنا مش قادرة. وشوية وهما هيفتحوا. ريان بقلق طيب انتي كويسة؟ وعد آه... بس دايخة شوية. ريان طيب دقيقة هشوف كرسي تقعدي عليه وهدور على لمبة هنا تنور المكان. ريان راح جابلها كرسي والحمد لله لقى لمبة وركبها وجاب كرسي وقعد جنبه. ريان كويسة دلوقتي؟ وعد الحمد لله... عايزة اسألك سؤال. ريان اسأل. وعد

أنت هتعمل إيه مع عمي وعبدالله؟ ريان هعلمهم الأدب علشان يعرفوا هما بيلعبوا مع مين الأول، وبعدين هعرفهم إن الله حق. وعد طيب هقولك حاجة ومش تتعصب. ريان لا. وعد هو أنا لسه قولت حاجة؟ ريان مش هخرجهم. وعد ليه... خلاص كده أنا مسامحاهم، كفاية عليهم كده. ريان بحدة قولت لأ... هنتكلم في الموضوع ده بعدين. وعد بتذمر طفولي ماشي. ريان ضحك عليها وسكت. وعد حطت إيديها على راسها. ريان بقلق وعد انتي كويسة؟ وعد هزت رأسها بمعنى آه. ريان

متأكدة؟ وعد آه. وعد قامت وقفت وفجأة...... في الخارج..... ميار داخلة مكتب ريان. السكرتيرة سوري يا فندم، ريان باشا منبه عليا مدخلش حد. ميار انتي مجنونة؟ ازاي تمنعيني كده؟ انتي متعرفيش أنا مين ولا إيه؟ السكرتيرة سوري يا فندم، بس لو خالفت أوامره هيطردني. ميار بصت على المكتب لاقت الكرسي ملفوف الناحية التانية. بصت بغيظ ومشيت. بقلم منة السيد..... وهي ماشية شافت الموظف. الموظف هو حضرتك خرجتي إزاي؟ ميار أنا مدخلتش أصلاً.

الموظف أصل ريان بيه دخل وأنا قفلت الباب، فكرت حضرتك دخلت. ميار إزاي ريان قاعد جوه؟ الموظف مش عارف، بس أنا متأكد من كلامي. عند عمر..... عمر المهمة تمت بنجاح. ياسين حصل. شهد طيب ووعد وريان هنسيبهم كده؟ عمر شوية وهنخرجهم. شهد تمام. ميار كانت واقفة وسمعاهم. ميار والله لهوريكوا وهنتقم منكم واحد واحد. عند وعد وريان..... وعد قامت وفجأة وقعت وريان مسكها في آخر لحظة. ريان وعد ردي عليا.... وعد...

قام حطها على الكرسي وقعد يخبط على الباب. ميار اهدي ياحبيبي، هنفتح الباب أهو. ريان بصوت عالي بسرعة. وبالفعل فتحوا الباب والكل كان متجمع. ريان خرج وهو شايل وعد وميار واقفة هتولع والكل عمال يتهامس ويتكلموا عليهم. ريان أخدها على مكتبه وأول ما فتح عمر وشهد وياسين وقفوا وجريوا عليه. وهو قعد يفوق فيها لحد ما فاقت. شهد بلهفة وعد انتي كويسة ياحبيبتي؟ وعد آه الحمد لله. ريان بجدية

عمر، أنا هاخد وعد أروحها وأنت خلي بالك من الشغل. عمر تمام. وبالفعل ريان شال وعد غصب عنها، وهيا كانت مخبية وشها فيه من نظرات الناس، وميار مشيت وهي متغاظة وهتولع منهم. ريان وصل القصر وطلع وعد أوضتها وسابها ترتاح. ودخل أوضته. ريان بيكلم نفسه..... ريان خلاص كده، أنا لازم آخد قرار والنهاردة. ريان اتصل على عمر وياسين وطلب منهم ييجوا عنده القصر الساعة 8 بالليل، وقال لوالدته.

الساعة جت 8 وعمر وياسين، وشهد اللي جت معاهم علشان تشوف وعد وتطمن عليها، والكل قعد. عمر وياسين ووعد وأسماء وسعاد ونور وشهد، ومنتظرين قرار ريان. ريان أي عليهم ووقف قدامهم. سعاد إيه يابني القرار المهم اللي انت أخدته ومجمعنا كلنا كده؟ خير إن شاء الله. ريان اتنهد وقال. ريان أنا مجمعكوا كلكم علشان أنا قررت...