رواية وعد الريان الفصل الحادي عشر 11 - بقلم منه السيد

ريان اتنهد وقال: أنا مجمعكوا كلكم علشان أنا قررت أتجوز. الكل بفرحة: بجد؟ سعاد: ألف مبروك ياحبيبي. ريان: مش عايزين تعرفوا مين العروسة؟ سعاد باستغراب: مين؟ ميار دخلت وعلى وشها ابتسامة النصر. ريان: ميار. ميار راحت ومسكت إيده. صدمة نزلت على الكل. سعاد: ريان إنت متأكد من قرارك؟ ريان ببرود: ااه والخطوبة بكرة وكتب الكتاب بعد أسبوع، هو والفرح. سعاد بحزن: ماشي يابني.

وعد حبست دموعها بالعافية وقامت. وهي قايمة ميار مسكتها من إيدها. ميار: مفيش مبروك؟ وعد بصت ليها وبعدين بصت لريان وبصتلها تاني. وعد: مبروك. وراحت شادة إيديها ومشت. ميار: طيب ياحبيبي أنا همشي علشان ورايا تجهيزات كتير. ريان ببرود: باي. سعاد قامت بهدوء وراحت على أوضتها من غير ما تتكلم. عمر: ريان إنت متأكد؟ ميار ولا شبهك ولا تليق بيك. ريان ببرود: ليه بقا؟ ماهي بنت عمي. عمر: ميار مش لايقة عليك ومتستهلكش ياريان، افهم بقا.

ياسين: هو إنت مش كنت مش عايز تتجوز وبتكره الستات؟ حبيتهم مرة واحدة كده؟ هي حاجة حلوة إنك تتجوز، بس يوم ما تتجوز تتجوز ميار ياريان. ريان ببرود: أنا مش عارف إنتوا مالكوا ومالها، هو إنتوا اللي هتتجوزا ولا أنا؟ عمر: إنت حر، بس هقولك حاجة. سيب قلبك هو اللي يختار مش عقلك. إنت فتحت قلبك بس مخلتوش يلحق يختار وقفلت عليه تاني، سيب نفسك ياريان مش تمشي قلبك وراك، امشي إنت ورا قلبك. سلام. ياسين: كلام عمر صح. وأنا كمان ماشي. سلام.

شهد: عن إذنكم أنا همشي. أسماء: عن إذنكم. وقامت دخلت أوضتها. ومعدش فيه غير نور وريان. ريان: إيه مش هتقولي حاجة إنتي كمان؟ نور: هقول إيه؟

أنا عارفة إنك مبتحبش ميار ولا عمرك هتحبها، إنت بتحب واحدة تانية وإنت عارف أنا قصدي مين وده باين أوي في عينيك. مش معنى إن اللي حصل معاك ده يكرهك في كل الستات، صوابعك مش زي بعضها، زي ما فيه الوحش فيه الحلو. ومتفكرش بكده، إنت هترتاح وهترتاحها، بالعكس إنت هتتعب وهي كمان هتتعب. سيب قلبك يختار وادي نفسك فرصة. أنا قولت اللي عندي وإنت حر. عن إذنك أنا طالع أوضتي.

وسابت ريان واقف في دوامة مش عارف يفكر، ولأول مرة ريان ميكونش عارف ياخد قرار. عند وعد في أوضتها. قافلة الباب عليها بالمفتاح وقاعدة على الأرض وضامة رجليها وساندة على الباب وعمالة تعيط وبتكلم نفسها. وعد بعياط: إيه حبتيه وكنتي مفكرة إنه بيحبك؟ هههههههه أنا اللي طلعت هبلة وحبيته. أيوه حبيته وعشقتة. اااااه يا وجع قلبي. يااااارب أنا ليه بيحصل معايا كده؟

أبويا بعد عني واختي الوحيدة معرفش هي فين وبعدت عني، والشخص الوحيد اللي قلبي بيدق له مبيطلعش بيحبني وهيخطب. اااااه. يااااارب يارب إنت العالم بحالي. يارب أنا تعبت أوي والله مش قادرة أبقى قوية أكتر من كده، مش قااادرة خلاص تعبت. والله مامعترضة على حكمك بس خلاص مش قادرة. ماسكة نفسي وبرسم البسمة على وشي عشان أمي اللي معدش ليا غيرها، بس خلاص مش قادرة. قلبي وجعني أوي. هو أنا عملت حاجة وحشة في حياتي عشان يحصلي كل ده؟

بعد عياط كتير. قامت واتوضت ولبست إسدال وصّلت وفضلت ساجدة كتير وبتعيط وبتدعي. بعد مرور وقت قامت وغيرت هدومها ونامت على السرير وبتفكر وبتعيط ومش عارفة تنام. وبعد مرور وقت طويل قدرت تنام. وفي صباح يوم جديد مليئ بالأحداث والمفاجأت. وعد صحيت وقامت خدت شاور واتوضت وصلّت فرضها ولبست هدومها ونزلت. لقتهم قاعدين على السفرة. سعاد: يلا يا وعد عشان تاكلي. وعد ببسمة حزينة: لا مش عايزة أكل، مش جعانة. أنا هطلع أشم شوية هوا.

ريان بجدية: وعد اعملي حسابك إنتي اللي هتكوني مسؤولة عن تزيين القصر النهاردة. وعد بابتسامة حزينة: تمام، وألف مبروك مرة تانية. ريان اكتفى إنه يهز راسه. وعد طلعت ودموعها نزلت من غير ما تحس. أسماء: عن إذنكم. وسابتهم وقامت. سعاد: الحمد لله. وقامت. نور: خديني معاكي ياماما. ريان اتنهد وقام هو كمان طلع أوضته. وبعد ساعة الناس اللي هتعلق الزينة إجت ووعد راحت عشان تشرف عليهم.

والكل بيجهز وكلهم مش موافقين بس يعملوا إيه مش بإيديهم حاجة. وعد: حط دي هنا. وعلق دي هناك. واحد من اللي شغالين وهو باين عليه صغير: لو سمحتي ممكن تعلقي دي عشان ورايا شغل كتير جدا ومش هلحق أعمله والمعلم هيزعقلي. وعد بابتسامة: ماشي، روح إنت وأنا هعملها. الولد: شكراً جدا. وسابها ومشي. وعد طلعت عالسلم وعلقتها. وبعد ما خلصت إجت تنزل اختل توازنها ووقعت، بس وقعت بين إيد ريان. فضلت بصاله بحزن وهو كمان فضل باصلها. وعد: نزلني.

ريان نزلها بهدوء وسابها ومشي. وهي طلعت أوضتها وقعدت تعيط. وفي حد فتح الباب ودخل وهي مسحت دموعها بسرعة. وعد: ماما تعالي ياحبيبتي، عايزة حاجة؟ أسماء: بتحبيه؟ وعد ببسمة حزينة: بحب مين؟ المهم إحنا هنرجع بيتنا النهاردة بعد الحفلة عشان منضايقهم. أسماء بحزن: ماشي يابنتي. وعد سابتها وقامت خرجت. والساعة إجت 8 والكل جهز وميار ووالدها ومامتها إجوا والكل إجا وكان فيه ناس كتير.

ووعد كانت قاعدة في أوضتها بتعيط. قامت وغسلت وشها ولبست دريس باللون الموڤ وكان شكلوا حلو جدا ولبست حجابها وكوتش أبيض عالي وكانت قمر أوي. وفتحت باب الأوضة وريان فتح باب الأوضة هو كمان وفضل باصص ليها من شدة جمالها. وهي بصتله بحزن ونزلت. وهو كمان نزل. وكل الموجودين كانوا مفكرين إن وعد هي العروسة. وعد راحتلهم وهما واقفين مع بعض. وعد ببسمة حزينة: مبروك. ميار بدلع: الله يبارك فيكي عقبالكم.

وعد ابتسمت بحزن وسابت القصر كله ومشيت. وإجا وقت إنهم يلبسوا بعض الخواتم أو الشبكة. ريان مسك الخاتم اللي هيلبسوا لميار وفضل واقف مكانه. وللحظة مسك إيد ميار وحط في إيديها الخاتم. ريان: أنا مش هتجوزك. أسف مش هقدر. وسابهم وخرج وجري على عربيته. وأميار كانت في صدمة والكل عمال يتكلم. عمر: أظن كل حاجة وضحت، يلا شكراً على حضوركم بس مفيش خطوبة، مع السلامة. الكل خرج وهما مش فاهمين حاجة. وميار خرجت بغضب وعصبية.

مجدي والد ميار بعصبية: قول لصاحبك إنه أنا مش هسكتله على اللي حصل. رشا والدة ميار: يلا يامجدي كفاية كدا. إنت عارف من الأول إن ميار وريان مش لبعض. مجدي بغضب: اخرسي خالص ويلا نمشي. رشا بحزن: حاضر. وبالفعل مشيوا. وعمر وياسين وشهد وسعاد ونور كانوا سعداء جدا. أسماء بقلق: وعد راحت فين؟ عمر ببسمة: متقلقيش ريان هيجيبها. نروح بقا عند وعد. وعد ماشية في الطريق ودموعها نازلة بصمت. وفجأة سمعت صوت حد هي تعرفه. ريان: وعد.

وعد بصت بصدمة: ريان إنت بتعمل إيه هنا؟ إنت إزاي تسيب خطيبتك كده؟ ريان: أنا مش خطيبها أصلا. وعد بعدم فهم: إزاي؟ ريان: يعني أنا مش بحبها ومش هتجوزها. وعد: ليه بس؟ هي بتحبك وبعدين لو إنت مش بتحبها عملت دا كله ليه؟ يعني عن إذن. ريان مسك إيديها بسرعة. ريان: وعد. أنا بحبك. وعد وقفت بصدمة ومش عارفة تعمل إيه، جسمها كله اتجمد. وعد بصدمة: بتحبني أنا؟

ريان: ااه بحبك إنتي وبعشقك كمان. إمتى وإزاي بقا معرفش، بس كل اللي أعرفه إني بحبك يا وعد، بحبك إنتي وبس. إنتي اللي قدرتي تفتحي قلبي تاني بعد ماكنت مقرر إني مفتحهوش أبدا. بس إنتي غيرتي كل حياتي وملكتي قلبي من أول مرة شوفتك فيها. أنا بحبك من أول مرة شوفتك فيها. معرفش عملتي فيا إيه. مع الكل ببقى قاسي وجد جداً، معاكي إنتي بتحول 180 درجة. إنتي ملكي أنا وبس يا وعد وأنا ملكك إنتي وبس. بحبك. قولتي إيه؟

وعد بدموع: وأنا كمان بحبك وبعشقك. إنت ملكت قلبي من أول لحظة شوفتك فيها. بعشقك ومعرفش أعيش من غيرك لحظة. ريان قرب منها ومسح دموعها. وراح جاي حضنها جامد أوي وهي كمان حضنته وفضلوا كده لفترة. وبعديها وعد طلعت من حضنه. وعد: أنا عايزة أسألك سؤال.