رواية وعد الريان الفصل الرابع عشر 14 - بقلم منه السيد

ريان: عندي ليكي خبر مهم. نور: قول، شوقتني... ريان: في عريس متقدملك، وأنا شايف إنه كويس. عمر بص لريان بصدمة ومش عارف يتكلم. ريان لاحظ ده. ريان: ها، قولتي إيه؟ نور بحزن: اللي انت شايفه، أنا معاك فيه. ريان: تمام، هو هييجي يتقدم رسمي النهارده الساعة 9، جهزي. نور بحزن: ماشي. وقفل، وبعدها انفجرت من العياط. وعد كانت معدية وشافتها، دخلتلها بسرعة. وعد: مالك يانور، في إيه؟ نور حضنتها جامد وفضلت تعيط. وعد فضلت تهدي فيها.

وعد: احكيلي، في إيه؟ نور: في عريس متقدم لي، وريان وافق عليه. وعد بمكر: طيب، وإنتي إيه اللي مزعلك؟ انتي بتحبي حد تاني مثلاً؟ نور بتوتر: لا، هحب مين يعني. وعد رفعت وشها ليها وقالتلها بحب: نور، إحنا أخوات صح؟ نور بتأكيد: أيوه طبعاً. وعد: طب وفي اتنين أخوات يخبوا حاجة على بعض؟ نور: لا. وعد: طب قوليلي... انتي بتحبي عمر؟ نور بحزن: بحبه، بس قولي بعشقه، أنا عمري ما حبيت في حياتي قدّه. وعد: طب ومش اتقدم لك ليه؟

نور: مش عارفة، بس ممكن يكون عشان خسر عيلته وخايف ياخد خطوة. وعد: طب هو اعترفلك بحبه؟ نور: أنا مش متأكدة إذا كان بيحبني ولا لأ. وعد: بيحبك. نور: إنتي عرفتي إزاي؟ وعد: باين في عينيه. نور بدموع: طب وأنا هعمل إيه؟ ريان خلاص وافق، والعريس هييجي يتقدم النهارده الساعة تسعة. وعد بمكر: وإنتي هتستسلمين؟ نور بدموع: ريان ميعرفش حاجة، وأنا مش عارفة أعمل إيه. وعد خدتها في حضنها وطبطبت عليها، وافتكرت حاجة. فلاش باك.

وعد: رينو حبيبي، سرحان في إيه؟ وعد: رياااان... رياااااان. ريان بفزع: في إيه، مين مات؟ وعد بضحك: لا مافيش حد مات، بس كنت سرحان في إيه؟ ريان: انتي مش ملاحظة حاجة؟ وعد باستغراب: ملاحظة إيه؟ ريان: نظرات عمر ونور كدا، مش ملاحظاها؟ وعد: لا، ملاحظاها، وعيونهم مليانة حب، ويمكن عشق. ريان وهو بيشدها ويقعدها على رجله: اممم... وإنتي ياترى عرفتي منين؟ وعد بدلع: أصل أنا بفهم لغة العيون. ريان وهو بيقربها منه أكتر: بجد؟

طب قوليلي عيني بتقول إيه؟ وعد قربت منه وهمست جنب ودانه وقالت: بتقول يلا ننام عشان نقدر نقوم الصبح. وقامت تجري. ريان مسك إيديها بسرعة وقام ووقف وحضنها من ورا. ريان: طيب وموضوع نور وعمر؟ وعد: أنا عندي فكرة. ريان: قولي يا وعدي. وعد: وعدي! ريان: اممم... وعد: انتي وعدي أنا. ريان: وعد الريان. وعد بحب وعشق: بحبك. ريان: وأنا بعشقك. وعد: أقولك بقا على الفكرة؟ ريان: قولي.

وعد: انت هتقول إن فيه عريس جاي يتقدم لنور، وهتكلمها في الفون تقولها، ويكون عمر معاك... وهيبان من تعابير وشه إذا كان بيحبها ولا لأ، وأنا كذلك. ريان: اممم، وبعدين؟ وعد: أكيد عمر مش هيستحمل وهيرن عليها وكدا يعني، ومش بعيد يتقابلوا. ريان: طيب افرض طلعوا مش بيحبوا بعض؟ وعد: بقولك بيعشقوا بعض. ريان: أشطا، ماشي. وعد: أشطا يا معلم. ريان: والله انتي لو بتكلمي بتاع كشري مش هتقولي كدا.

وعد وهي تحاوط وشه بإيديها: أحلى بياع كشري في الدنيا يا ناس. ريان بغمزة: طب إيه؟ وعد: ألعب باليه. ريان: نامي يا وعد، نامي، ربنا يهديكي. وفاقت من شرودها على صوت نور. نور: وعد... وعد: سرحانة في إيه؟ وعد: هااا... لا لا أنا معاكي. طيب بصي أنا هقوم أشوف حاجة وراجعالك. نور: ماشي. عند ريان. ريان: مالك يا عمر، فيه إيه؟ عمر بعصبية: مين اللي جاي يتقدملي؟ ريان بخبث: أنا عازمك النهاردة، وتبقا تشوف، مش هتصدق والله هو مين.

عمر بعصبية: مش جاي. وسابه ومشي. ريان ابتسم بخبث واتصل على وعد. ريان: الأوا يا وعدي. وعد: الخطة ماشية تمام. ريان: أه، لسه طالع من عندي وهو عفاريت الدنيا بتتنطط قدام وشه. وعد بضحك: عشان لما أقولك على حاجة تصدقهالي. ريان: ماشي ياستي. سلام يا روحي. عند عمر. طلع من الشركة بعصبية وركب عربيته وساق بجنون. ووقف في مكان تقريبا مفيهوش حد، وقريب من قصر ريان. واتصل على نور. عمر: الأوا. نور: نعم. عمر: عايز أقابلك.

نور: وأنا مش عايزة أقابلك. عمر: عشان خاطري نص ساعة بس، أنا جنب القصر بتاعكم. نور: تمام. وبالفعل راحتله. وعد ابتسمت واتصلت على ريان وقالتله، وكانوا فرحانين. نور وصلت عند عمر. نور: خير. عمر: انتي موافقة على العريس اللي متقدم لك دا؟ نور ببرود: ومش أوافق ليه؟ أخويا موافق، وأنا كمان، وأكيد كويس عشان ريان وافق عليه. عمر بعصبية: وإنتي مش هتتجوزيه يانور، وأنا بقولك لأ. نور بعصبية: وانت مالك متعصب ليه كدا يعني؟

وايه يعني لو اتجوزت ولا مش اتجوزت، محموق كدا ليه؟ عمر مسكها من كتافها بعصبية: عشان بحبك، افهمي بقا، بحبك. نور بصدمة: بتحبني زي ما أنا بحبك؟ عمر: أه، بحبك يانور، وإنتي مش هتبقي لحد غيري، فاهمة؟ نور بدموع: وأنا مش موافقة على العريس اللي متقدم، بس ريان وافق، وأنا مش عارفة أعمل إيه. عمر مسح دموعها وحضنها وقالها: انتي ليا أنا وبس، ومش هسيبك لحد غيري. وطلعها من حضنه وقالها: أنا همشي دلوقتي. نور مشيت وهو كمان مشي.

في شركة المهدي. عمر دخل على ريان. ريان: إيه، مشيت مرة واحدة من الشركة ليه؟ عمر: أنا طالب إيد نور. ريان: اممم. عمر: إيه... وافق، ربنا يخلي لك عيالك يا شيخ. ريان: هما فين، أنا مش شايفهم. عمر: ريان، أنا بتكلم جد. ريان قام وحط إيده في جيب البنطلون وقرب منه. ريان بابتسامة: وأنا موافق. عمر بفرحة وهو مش مصدق، راح جاي حضنه. ريان: مبروك.

عمر: الله يبارك فيك، وأنا أوعدك إني عمري ما هجرحها أبداً ولا هازعلها مني، ولا هخلي دمعة واحدة تنزل من عينيه. ريان بابتسامة: وأنا واثق من كدا. عمر: وهتعمل إيه في العريس اللي جاي؟ ريان: عريس مين؟ عمر: اللي جاي يتقدم لنور النهارده. ريان برفعة حاجب: محصلش، مين قال كدا؟ عمر: ريان، انت هتستعبط؟ ريان: أنا مش قولتلك. عمر: مش قولتلي إيه؟ ريان: ماهوا مافيش عريس أصلاً، ودي كانت خطة مني أنا ووعد، ونجحت.

عمر بدهشة: يا ولاد اللعيبة. ريان بضحك: إيه رأيك؟ عمر: دا انتوا عديتوا رامز جلال. ريان بضحك: مستنيك النهاردة تيجي تتقدم رسمي. عمر: ماشي، بس مش تعرفوا نور حاجة، عايزها مفاجأة. ريان بضحك: وماله. وبالفعل جه الليل، وعمر جه، ونور قاعدة بتعيط في أوضتها. وعد: يلا يانور ياحبيبتي، العريس قاعد تحت. نور بدموع: أنا مش هتجوز حد. وعد: طيب انزلي شوفي، وبعدين قولي رأيك. نور بعياط: ماشي. وعد أخدتها ونزلوا. وأول ما شافت عمر انصدمت.

نور: عمر، انت بتعمل إيه هنا؟ عمر: أصل أنا العريس. نور بصت بصدمة، لاقت الكل بيضحك وفرحان ومبسوطين. نور راحت جاية معيطة. عمر قام وراح لها. عمر: مالك بتعيطي ليه؟ نور: يعني دا كان مقلب منكم، وأنا الهبلة المغفلة وصدقت. ريان: على فكرة دي فكرتي أنا ووعد، كنا عايزين نشوفكم بتحبوا بعض ولا لأ. عمر: وأنا لما عرفت حبيت أعملك مفاجأة. ريان: عالعموم، عمر طالب إيدك، إنتي موافقة؟ نور: اللي انت شايفه.

ريان: هو أنا اللي هتجوزوا، انتي اللي هتعيشي معاه، والقرار ليكي انتي. نور بخجل: أه موافقة. ريان: على خيرت الله، يبقا نقرأ الفاتحة. وبالفعل قرأوا الفاتحة، وحددوا كتب الكتاب الأسبوع الجاي، والفرح بعد سنة، وخلاص اتفقوا على كل حاجة. عمر: ممكن يا عمي آخد نور نخرج شوية ونيجي؟ ريان: ماشي، بس هي ساعة، فاهمين؟ عمر: معلش. ريان: طيب، تبقا تتأخر وهتشوف هعمل فيك إيه. وبالفعل مشيوا، والكل قعدوا شوية يتكلموا. عند نور وعمر.

راحوا على مطعم شيك جدا وقعدوا. نور: بقا بتضحك عليا. عمر مسك إيديها وباسها. عمر: آسف، بس كنت حابب أعملك مفاجأة. نور: وأحلى مفاجأة. عمر: بحبك. نور: وأنا كمان. عمر: وإنتي كمان إيه؟ نور بخجل: بحبك. نسيبهم شوية ونرجع عند ريان ووعد. ريان ووعد طالعين السلم، وسمعوا صوت بيقول: ريان. ريان وقف مكانه متحركش، هو عارف الصوت دا كويس، أيوه عارفه، ومستحيل ينساه.