رواية وعد الريان الفصل السابع عشر 17 - بقلم منه السيد

ريان ووعد دخلوا وفجأة وعد حست بدوخة. ريان: وعد انتي كويسة؟ وعد هزت راسها بتعب بمعنى آه. ريان خدها وقعد على الكنبة اللي في مكتبه. وعد جت تقعد وقعت عليه. ريان بخضة: وعد انتي كويسة؟ وعد بدوخة: آه ياحبيبي ماتقلقش. ميار دخلت المكتب مرة واحدة. ميار بغيظ ونار الغيرة هتاكلها: هو انتوا مش ليكوا بيت؟ وعد مع إنها تعبانة حبت تضايقها أكتر. لفت إيديها حوالين ريان وقربت منه وقالت: هو انت محدش قالك تخبط قبل ما تدخلي.

ميار جت تمشي وعد وقفتها. وعد بدلع: ماتنسيش تقفلي الباب وراكِ. دا كله وريان في دنيا تانية سرحان فيها هي وبس. ميار طلعت بغيظ وهي هتولع كده. وعد: إيه باصصلي كده ليه؟ ريان بتوهان: ها. وعد بتوتر: ريان سيبني علشان محدش يد. وقاطع كلامها قبلة من ريان تعبر عن حبه. وعد بعدت عنه وخدودها احمرت. وعد بكسوف: انت مش وراك اجتماع؟ ريان مسك إيديها: يلا ياحبيبتي. وعد ببسمة: يلا ياروحي.

دخلوا قاعة الاجتماع وكل الأنظار عليهم، كانوا قمرات أوي. بس وعد كانت متوترة وقلبها مقبوض. ريان بالإنجليزية طبعًا: مرحبًا سيد لوكاس. لوكاس: مرحبًا بك ياسيد ريان. وعد كانت مركزة معاه ومع صوته وحست إنها تعرفه. وبعد حديث طويل. لوكاس: حسنًا اتفقنا. ريان وهو بيسلم عليه: اتفقنا. مشوا ووعد كانت مركزة عليه. ريان: وعد انتي كويسة؟ وعد: أنا حاسة إني أعرفه. ريان: قصدك لوكاس؟ وعد: آه. استنى استنى. دا نفس الصوت.

بس ريان حط إيده على بقها بسرعة. ريان: هششش. أيوه هو دا وهما دول اللي أنا قولتلك عليهم. وعد بصدمة: بجد! ريان: آه بجد. ريان ووعد طلعوا وريان راح يتكلم مع شخص. ووعد كانت ماشية في الشركة وهي ماشية خبطت في شخص. وعد: آسفة. : معذرةً صغيرتي. وعد: لأ عادي. بس انت بتتكلم عربي؟ : آه أنا أتحدث اللغة العربية. وعد: تمام. وسابته ومشيت وهو ضحك بخبث ومشي. وعد راحت لريان. وعد: يلا ياريان.

ريان حس بتعبها: انتي كويسة ياوعد أنا حاسك تعبانة تيجي نروح للدكتور. وعد بتعب: لا ياحبيبي أنا كويسة. ريان: طيب يلا علشان تروحي ترتاحي. وعد: تمام. الليل جه وعمر جه وياسين وشهد بردوا اتجمعوا عند ريان. وبعد الترحيب والسلامات قعدوا مع بعض في الصالون. عمر: بص بقا أنا عايز أخطب أختك يوم الخميس الجاي. ريان: اممم وبعدين. عمر: ولا قابلين. قولت إيه. ريان: على خيرت الله. وبدأت السعادة تدخل حياتهم تاني بس ياترى هتدوم.

عدت الأيام والليالي وريان ووعد علاقتهم بتقوى. وياسين وشهد مبيبطلوش خناق ومناقرة. ونور وعمر اللي حبهم بيزيد كل يوم عن اللي قبله. وييجي اليوم الموعود يوم خطوبة عمر ونور. البنات طبعًا بيجهزوا وريان وياسين وعمر مع بعض والكل بيجهز والفرحة مالية القصر. الساعة جت 8 وعمر وريان وياسين كانوا لابسين زي بعض. كانوا لابسين بدل سوداء وقمصان بيضاء وفاتحين أول زرارين. كانوا قمرات أوي. أما بقا عن أميرات الليلة.

نور أميرة الحفلة كانت لابسة فستان باللون الأفويرت منفوش وشوز كعب والحجاب بتاعها. وكانت حاطة ميك أب خفيف وكانت قمر أوي. أما عن أميرتنا وعد: كانت لابسة فستان باللون الموڤ الغامق منفوش وحجابها وشوز كعب بردوا. وكانت جميلة جدًا. كأنها حورية من الجنة. أما عن أميرتنا شهد: كانت لابسة فستان باللون الأحمر منفوش وحجابها وشوز كعب بردوا. وكانت قمراية أوي بجد. وريان وعمر وياسين كانوا واقفين عند نهاية السلم.

ووعد ونور وشهد نزلوا وكل واحد استقبل حبيبته وعشيقة. وطبعًا ياسين صمم إنه يقرأ فاتحة. وبعد ما والد شهد ينزل يبقا يحددوا كل حاجة. بدأت الحفلة وعمر ونور لبسوا بعض الخواتم وبدأوا يرقصوا. وكان الجو جميل أوي وكلوا فرحة وسعادة. عدى اليوم بسلام وانتهت الحفلة والكل كان فرحان ومبسوطين. وفي يوم وعد كانت عند ريان في الشركة. ريان ووعد قاعدين في المكتب. وعد بملل: ريان هو لسه كتير أنا زهقت. ريان وهو مركز على الورق اللي في إيده: آه.

وعد: طيب أنا زهقت. ريان: تحبي تروحي. وعد بملل: ماشي. ريان وهو مركز في الورق: تمام خلي عم محمد يوصلك ومش تمشي من غير حراسة. وعد: ماشي. وراحت قايمة باسة من خده وماشية بسرعة. ريان ابتسم بحب ورجع يشتغل تاني. عند وعد نزلت من الشركة وركبت العربية ومعاها عربيات حراسة. وبعد حوالي ربع ساعة عربيات الحراسة بدأت تختفي. ووعد لاحظت ده. وعد بقلق: هي فين عربيات الحراسة يا عمو محمد؟ محمد: مش عارف يا مدام وعد.

وفجأة طلعت عربيات سوداء وكانت بتلحقهم. وعد بخوف: هو فيه إيه؟ محمد اتصل على ريان. ريان: خير يا عم محمد؟ محمد بتوتر: الو ياريان بيه. عربيات الحراسة اختفت مرة واحدة وفي عربيات سوداء بتلاحقنا. ريان قام مفزوع: إيه انت بتقول إيه. وعد كويسة؟ وعد خدت الفون. وعد بخوف: ريان أنا بحبك أوي. ريان بقلق: وعد انتي هتبقي كويسة متخافيش. عم محمد حاول تبعد بأي طريقة اتصرف.

وبدون مقدمات عربية وقفت قدامهم ونزلوا منها ناس حاطين أقنعة على وشوشهم. وضربوا محمد على راسه ووعد اللي كانت بتصوت. وريان اللي كان سايق العربية بجنون والمكالمة لسه شغالة. وخدروا وعد وحطوها في العربية. ريان وصل لقى محمد مرمي على الأرض سايح في دمه ووعد مش موجودة. الخوف كان متملك منه جدًا. دور على موبايل محمد مش لاقيه والمكالمة لسه شغالة. بعت رسالة لياسين وياسين جاله بسرعة وطلب الإسعاف وراحوا على مركز الشرطة.

ريان: حدد الموقع. ياسين: هما في طريقهم لأمريكا. ريان خبط بإيده على المكتب بغضب: ياولاد ال. ياسين: اهدى ياريان إحنا هنوصلهم وهي هتكون كويسة صدقني. ريان: أهدى إزاي أهدى إزاي. بعد مرور ساعات. في مكان زي مستودع كبير. وعد بتبدأ تفوق وتلاقي نفسها في أوضة. وبعدين دخل شخص عليها ومسكها من دراعها ووداها مكان تاني. بس كان فيه بنات هناك ومن ضمنهم اللي وعد شافت صورهم. وعد دخلت وبصت على البنات.

بس فجأة شافت اللي عمرها ما كانت تتخيله.