رواية واصيتي الفصل العاشر 10 - بقلم نونا رامي

إسلام بهيام: وحشاني يا قلب حبيبك. ملك بخجل: وأنت كمان. منه بعبوس: إيه وجع البطن ده؟ أنا رايحة الكافيتريا، خلصي وتعالي. ملك بتنهد: تمام. إسلام بحب وهو يمسك يدها: عاملة إيه يا روحي؟ ملك بخجل وتوتر: إسلام، قلت لك كذا مرة ممنوع اللمس. إسلام وهو يبعد يده عنها: خلاص أهو، يلا عشان المحاضرة بتاعتك هتبدأ، هستناكي في الكافيتريا. ملك بحب: ماشي يا حبيبي، أنا هاجي معاك آخد منه ونروح على المحاضرة. إسلام بحب: أشطا، يلا.

منه وهي تنظر نحو ملك وإسلام بعدم رضا وتقول باقتضاب وابتسامة صفراء: شرفت. إسلام وهو ينهض بإحراج: طيب هستناكي هنا يا ملك. ملك بتوتر وإحراج: تمام. منه وهي تنهض بغضب: ملك، لو مبطلتيش القرف ده وبعدتي عن الواد أنا هقول لأبيه مازن. ملك بغضب هي الأخرى: أنتي بتهدديني ولا إيه؟ منه بغضب وصراخ: آه بهددك ومش هسيبك تضيعي نفسك. ملك بصراخ وانفعال: ملكيش دعوة، أنتي فاهمة؟ منه بدموع وغضب: آه فاهمة يا ملك، أنا ماشية. ملك بغضب:

أحسن برضه. لتتوجه منه نحو السيارة وتركب بغضب وحزن وتتوجه نحو القصر. وبعد مدة تنزل من السيارة بدموع وتمشي بخطوات أشبه للركض وتتوجه نحو القصر. حمزة باستغراب: منه استني، مالك؟ لتركض منه نحو غرفتها وتغلق الباب بالمفتاح وتتوجه نحو سريرها. *** عند مازن وآدم في الشركة. آدم بتركيز: إزاي يعني أوراق المناقصة اتسربت؟ ده كده في خاين هنا في الشركة. مازن بغموض: هجيبه، بس ساعتها مش هرحمه. آدم بذكاء وسخرية: هه مفكرينا هنخسر.

مازن بسخرية أيضًا: سيبهم يحلموا. آدم باستغراب: طب ما نكشفهم، مستني إيه؟ مازن بغموض وابتسامة جانبية: خلينا نتسلى. آدم بابتسامة غامضة: وماله، منتسلاش ليه؟ *** في الجامعة. تخرج ملك من المدرج وتتوجه نحو الكافيتريا وتبحث بعينيها عن إسلام حتى وقعت عيناها عليه وتتوجه نحوه بابتسامة وتجلس بجانبه. إسلام بحب: وحشتيني الشوية دول. ملك بخجل: إيه ده لحقت؟ إسلام بهيام: آه لحقت. ملك بخجل وهي تمسك حقيبتها: أنا لازم أروح.

إسلام وهو يمسك يدها بلهفة: لا، أنا عازمك النهاردة على الغداء. ملك بتوتر وهي تسحب يدها: لا لا مش هينفع عشان لو اتأخرت أبيه هيزعق لي. إسلام بعناد: لا يعني لا، هتيجي معايا ومتخافيش مش هنتأخر. ملك بتوتر وتحذير: ط طيب بس مش هنتأخر. إسلام بفرحة: مش هنتأخر. ليتوجهون نحو المطعم ويدخلون. إسلام وهو يسحب كرسي ملك للخلف: اقعدي يا حبيبتي. ملك بابتسامة وحب: تسلم لي. ليبتسم لها إسلام ويذهب نحو كرسيه ويجلس ويطلب الطعام.

ويبدأون في تناول الطعام. ملك وقد احمر وجهها وفزغت عيناها فجأة وهي تنظر لنقطة معينة. إسلام بقلق: مالك يا حبيبتي؟ لتظل ملك تنظر لتلك النقطة برعب وسكوت غريب. إسلام وهو يلف رأسه وينظر نحو الجهة التي تنظر فيها ملك باستغراب ليصدم ويقول بخوف: مازن!