رواية واصيتي الفصل الحادي عشر 11 - بقلم نونا رامي

إسلام بصدمة: _مازن! ملك وعينيها تدمع وتقول برعب: _هعمل إيه لو لو شافني؟ إسلام بتوتر: _اهدَي يا حبيبتي وحطي المنيو على وشك لحد ما اتصرف بسرعة. هو مين اللي معاه ده؟ لتضعه ملك على وجهها بسرعة وخوف: _ده ده آدم. إسلام بغل: _مركز معانا أوي. ملك ببكاء ورعب: _أنا أنا أنا خ خايفة يا إسلام. إسلام بتفكير: _اهدَي يا حبيبتي، بصي أنا هحط الجاكت عليكي وغطي راسك وآخدك في حضني ونروح على العربية بسرعة. ملك ببكاء:

_اعمل أي حاجة يا إسلام بس ميشوفونيش بالله عليك. لنهض إسلام ويضع المعطف خاصته على رأس ملك ويأخذها تحت يديه ويحتضنها ويذهب بها نحو السيارة وينطلق بسرعة. إسلام بانتصار: _الحمد لله محدش أخد باله. ملك بتعب: _تفتكر اللي أنا بعمله ده صح؟ ليسكت إسلام ويفكر قليلًا ويقول بعد فترة: _ما أنا قلتلك يا ملك أول ما أجهز هاجر أطلبك من مازن. ملك وهي تنظر له نظرة خاوية: _بقالك سنتين بتقول كده. إسلام بتوتر:

_صدقيني يا ملك، هو انتي مش واثقة فيا؟ ملك بلهفة: _لا طبعاً! بثق فيك. إسلام بخبث: _يبقى خلاص استني، وأنا في أقرب وقت هاجي أطلبك من مازن. ملك بحب: _وأنا واثقة فيك وهستناك يا إسلام. لينظر لها نظرة غريبة ويبتسم ويبدأ في القيادة، وبعد فترة تنزل ملك من السيارة وتتوجه نحو القصر. تدخل بفرحة وشرود ليقاطع شرودها صوت حمزة: _ملك! لتلف ملك وتجد حمزة يجلس على الكرسي وفي يده تفاحة: _ما تردي. ملك بتوتر: _أخبارك إيه يا حمزة؟

حمزة بابتسامة: _بخير الحمد لله. ملك بابتسامة متوترة: _يا رب دايماً. حمزة بتساؤل: _مين اللي أنا اتخانقت معاه ده يا ملك؟ ملك وهي تبتلع لعابها الجاف: _ده ده زميلي في السكشن. حمزة برفعة حاجب: _والله زميلك في السكشن هيقولك يا حبيبتي؟ ملك بتوتر شديد: _لا ما قالش حبيبتي. حمزة بسخرية: _إيه يا ملك هو أنا مكتوب على قفايا حمار ولا إيه؟

أنا آه بهزر وبضحك دايماً بس مش غبي وأقدر أعرف الواحد من نظراته كويس، وده نظراته مش نظرات صديق. ملك بتوتر وتلعثم: _لا ده صديقي، م مش أكتر. حمزة بجمود: _بصي يا ملك، مينفعش بنت من عيلة الأباصيري تصاحب شباب حتى لو في الكلية مفهوم؟ ملك بتوتر ولأول مرة تشعر ببعض الخوف من حمزة: م مفهوم. حمزة وهو يضع يده على شعرها ويقول بمرح: _شطورة. ملك بغيظ: _بكره الكلمة دي. حمزة بضحك: _طب شطورة. ملك وهي تركض نحوه: _والله لأعضك ها!

_اللي يلحقني يكسرني. ملك بضحك: _جبان. وتتجه نحو غرفة منة لتجدها مستغرقة في النوم ف تخرج وتتوجه نحو غرفتها لتفتحها لتشهق بخضة عندما رأت آدم يجلس على مكتبها ويفتح هاتفها.