رواية واصيتي الفصل التاسع 9 - بقلم نونا رامي

على السفرة، قال آدم بهدوء: "آه صحيح يا حمزة، مين الواد اللي اتخانقت معاه دا؟ لتشرق ملك وتسعل بقوة. آدم وهو يعطيها كوب الماء: "إنتي كويسة؟ ملك بابتسامة متوترة: "آه." حمزة وهو ينظر لملك بقوة: "مفيش، دا عيل من العيال السئيلة أنت عارفهم، رخم عليا وشدّينا مع بعض." ليومئ له آدم بهدوء. منة وهي تأخذ حقيبتها وتهم للنهوض: "يلا يا ملك عشان منتأخرش." ملك وهي تنهض: "أوك." منة بهدوء: "عايز حاجة يا أبيه؟ مازن بحدة:

"مش عايز مشاكل، والكلام موجه ليكو انتوا الاتنين." ملك بدوء: "حاضر يا أبيه، سلام." مازن بهدوء: "سلام." آدم بهدوء: "تعالوا هوصلكوا عشان حمزة مش رايح النهاردة." ملك بتوتر: "لا، مش عايزين نتعبك، إحنا هنركب عربيتنا." آدم بنبرة حازمة: "أنا مبستأذنكيش، أنا بعرّفك." منة بمرح: "أشطا، يلا بينا." ملك وقد احمر وجهها من الغيظ: "مغرور." آدم برفع حاجب: "بتقولي حاجة؟ ملك بابتسامة صفراء: "مبقولش." آدم باستفزاز:

"أحسن بردو، يلا قدامي على العربية." ليتوجهوا نحو السيارة ويركب آدم وبجانبه ملك ومنة في الخلف. ملك وهي توجه رأسها نحو منة: "الروج الخوخي معاكي؟ منة وهي تفتح حقيبتها: "أها جبته، خدي." لتأخذه ملك ولكن تتوقف على صوت آدم المكبوت: "إيه دا؟ وريني الروج دا كده." ملك باستغراب: "إشمعنى؟ آدم بخبث: "شكله حلو، وريهولي كده عشان لو كده أبقى أجيبلك منه." ملك وهي تعطيه له بفرحة: "بجد والله؟ شوف كده." آدم وهو يأخذه بغضب أخفاه ببراعة:

"آه، لونه حلو أوي وهيبقى جامد عليكي وهيليق على طقمك جدًا." ثم يكمل وهي يرميه من شباك السيارة: "بس للأسف مش هينفع تحطي منه." ملك بصدمة وغضب: "إيه اللي أنت هببته دا؟ آدم بغضب وهو يدوس على مكابح السيارة فتتوقف فجأة ويمسك ذراع ملك بقوة شديدة: "إنتي قولتي إيه؟ ملك بدموع وألم: "آآه، إيدي بتوجعني." منة بتوتر: "خلاص يا أبيه، هي متقصدش." آدم بصراخ جعل كلًا من الفتاتين ينتفضن رعبًا: "ردي عليا! ملك بخوف وبكاء

لم تستطع السيطرة عليه: "مش هقول كده تاني والله." آدم وهو يرخي قبضته من على يدها وهو يمسك عجلة القيادة مرة أخرى ويقول بهدوء منافٍ لغضبه منذ بعض ثواني: "يبقى أحسن بردو." ويتوجه نحو الجامعة. وينزل كلًا من منة وملك ويدخلان. منة بحزن: "خلاص يا ملك، اهدي." ملك بدموع: "إيدي بتوجعني أوي، بصي علمت والله." منة بضحك: "بس عسل أوي الواد آدم دا، فصلني لما رماه من الشباك هههههههه، وإنتي زي الهبلة مصدقاه ورايحة تديهوله." ملك بغيظ:

"إمشي من وشي عشان هخلي وشك شوارع." منة بامتضاض: "أستاذ شخة جاي علينا." ملك بغضب: "منة، قولتلك ميت مرة متقوليش كده على إسلام." منة وهي ترف شفتها العلوية: "يختي معرفش بتحبيه على إيه، جتِك وكسة." إسلام وهو يقترب عليهما وكان يهم لاحتضان ملك ولكن توقف على يد منة التي دفعته ليبتعد عن ملك وتقول برفع حاجب: "إيدك لتوحشك يا شبح، إحنا مش زي الأشكال اللي تعرفها." ملك بغضب: "منة! منة وهي تبتعد بغيظ:

"وأديني سيباكوا، أولعوا فـ بعض." إسلام بدهشة: "أنا مش عارف بتكرهني كده ليه." ملك بتوتر: "معلش يا حبيبي." إسلام بحدة: "مين دا يا ملك اللي كنتي قاعدة معاه؟ ملك بتوتر: "دا حمزة ابن عمي." إسلام يتساءل: "اللي كان في أمريكا؟ "آه." إسلام بغيظ: "ومين الشبح اللي جه في الآخر وخلص علينا كلنا دا؟ ملك بضحك: "دا آدم ابن عمي أخو حمزة." إسلام بغضب مكبوت: "إيده تقيلة أوي." ملك وهي تمسك اليد الذي مسكها منها آدم بغيظ: "أنت هتقولي؟

إسلام بهيام: "المهم إنتي وحشاني."