رواية واصيتي الفصل التاسع عشر 19 - بقلم نونا رامي

الطبيب بتوتر وخوف: "مازن بيه، هي عقلها رجع عشر سنين لورا." مازن بصدمة وذهول: "أنت اتجننت ولا إيه؟ الطبيب بتعرق ورعب: "لا يا فندم، دا من الضغط على رأسها بعد العملية." مازن وهو يمسكه من تلابيب ملابسه: "لا دا اتجننت رسمي خلاص." منه بصراخ من الداخل: "بابيييي! مازن وهو يدخل بسرعة وفزع: "إيه؟ في إيه؟ منه ببكاء: "عايزة تديني دواه طعمه وحش يا بابي." مازن بغضب: "بلاش لعب عيال، وبعدين بابي مين؟ منه بصراخ وبكاء:

"عااااا، ما تزعقليش يا بابي! مازن وهو يذهب نحوها ويأخذها بين أحضانه ويمسح على رأسها بحنو: "طب باااس خلاص، ما تعيطيش." منه وهي تنظر له وما زالت في أحضانه وعيناها ما زال فيها دموع وأنفها أحمر وشفتاها حمراء منتفخة من البكاء: "ومش هتخليها تديني الدوا الوحش؟ ليسرح بها مازن للحظة ثم يستفيق بسرعة ويقول بحنو: "يا حبيبتي لازم تاخدي الدوا عشان تخفي وتخرجي من هنا." منه بعبوس طفولي: "بس دا طعمه وحش." مازن وهي يضعها على السرير:

"لا هتاخديه، وهجيبلك شوكولاتة تاكليها بعده والطعم الوحش هيروح." منه ببراءة: "ماشي." ليعطيها مازن الدواء بحنو وهدوء ويفتح لها الشوكولاتة. لتأكلها منه ليغفل مازن بجانبها على السرير. منه ببكاء وهي ترفع يدها: "عاااا، بابي! مازن وهو يستيقظ بفزع: "إيه؟ في إيه؟ منه ببكاء وهي تشير ليديها وفمها: "إيدي اتوسخت وبوقي اتلحوس." ليكتم مازن غضبه ويقبض على يده بغضب شديد: "ماشي يا حبيبتي، ثواني."

ليحضر مازن المناديل ويتوجه نحوها ويمسح لها يدها وفمها بحرص شديد، فما زالت الإبر والسلوك موصلة بيدها. منه وهي تقبله على خده وتقول ببراءة: "شكرًا يا بابي." ليتصنم جسده بصدمة شديدة وينتفض فجأة: "أحم، اقعدي." آدم وملك وحمزة وهم يدخلون: "يا هلا." منه بفرحة: "هييييه، أصحابي! لينظر لها الجميع بتعجب. ليضرب مازن بيده على وجهه بضيق: "تعالوا هفهمكم." ليقص عليهم ما قاله الطبيب، لينظر الجميع له بصدمة.

حمزة وهو يتوجه نحو منه ويجلس على الكرسي المجاور لسريرها: "عاملة إيه دلوقتي يا حبيبتي؟ منه وهي تنط لأحضانه وتقول ببراءة: "وحشتني يا حموزي." مازن بغضب شديد وصراخ: "مننننه! منه وهي تنتفض برعب وتخرج من أحضان حمزة بسرعة: "ن ن نعم يا بابي؟ ليتوجه نحوها مازن بغضب ليمسكه آدم ويقول بتوتر: "اهدى يا مازن، دي يعتبر طفلة، بالراحة عليها." ليهدأ مازن قليلًا ويتوجه نحوها ويمسكها من يدها بحنو:

"منه، مينفعش نحضن كده عشان كده عيب، مفهوم؟ منه ببراءة: "ولا حتى أنت يا بابي؟ مازن بتوتر: "أحم، لا أنا عادي." حمزة بانفعال: "نعم يا عنيا؟ واشمعنا أنت؟ لينظر له مازن نظرة حارقة. حمزة بخوف وتوتر: "بهزر معاك، ما تبقاش قفوش كده." ملك وهي تذهب نحو منه وتحتضنها: "بتمثلي حلو أوي." منه بتوتر: "ها؟ ملك بخبث: "مش عليا يا بت." منه بتوتر: "اسكتي الله يفضحك."