رواية وجع الحب الفصل العاشر 10 - بقلم شيماء منير

في المستشفى يارا كانت ماشية في إحدى الطرق. قابلت مروان اللي ظهرت ابتسامة على وشه. مروان: صباح الخير. يارا: صباح النور. مروان: عاملة إيه وأخبار شغلك؟ يارا: تمام. مروان: تمام.. شكلك ماشية. يارا: أيوه أنا كنت نبطشية بالليل ومروحة. مروان: تمام.. سلمي على انكل عثمان وطنط ومحمد. يارا بابتسامة: الله يسلمك. يارا اتحركت ماشية. مروان فضل يبص عليها لحد ما اختفت. _في القصر فتون كانت نازلة على السلم.

دورت بعيونها على شهيرة بس ماكنتش موجودة. فكرت تطلع تشوفها في الجنينة. وهي طالعة قابلت فريدة. فريدة بسخرية: ده ست الحسن والجمال نزلت يا ولاد. فتون وبتحاول تبتسم: صباح الخير يا طنط. فريدة: صباح إيه يا أختي ده الظهر أذن بقاله ساعتين. فتون ببرود عكس الغيظ اللي جواها: خلاص مساء الخير. فريدة: آه يا أختي مشوفتكيش بقالي يومين فكرتك فطستي وموتي ولا حاجة وارتحنا. فتون بصتلها بضيق وخرجت على الجنينة. كانت شهيرة قاعدة.

فتون وقعدت جمبها بضيق. شهيرة: قالتلك إيه أنا شايفها بتكلمي. فتون: بتدعي عليا أفطس وأموت. شهيرة: بعض الشر عنك.. سيبك منها هي الأيام دي مش طايقة نفسها. فتون: يعني هي ما ترتاحش غير لما يكون في غم. شهيرة: هي فريدة كده.. وبعدين هي حست إنك شاركتيها في ابنها ومازن بالذات أمه عنده أهم حاجة. خدي بالك من دا كويس. فتون بضيق: ماهو ده اللي مسكتني عليها لكن لو عليا نفسي أشوف شعرها في إيدي. شهيرة: طيب اسكتي هنا جاية.

فتون: هنا دي مفيش أطيب منها بجد معرفش بنت طنط فريدة إزاي. شهيرة: واخدة طيبة قلب أبوها.. مصطفى ده مفيش أطيب من قلبه. عارفة أما حصل الموقف أياه وكنا في الفيلا القديمة مكانش مطمنيني غير وجود عمك مصطفى وكنت خايفة من رد فعل مازن أكتر حمقي وعصبي زي أبوكي الله يرحمه. هنا وقربت منهم: أحلى مساء على ست فتون اللي واحشاني والله. فتون بابتسامة وقامت تسلم عليها: وانتي كمان والله يا قلبي. هنا وسلمت على شهيرة: إزيك يا طنط.

شهيرة: كويسة يا حبيبتي. فضلوا يتكلموا شوية. وبعد كدا الكل رجع من الشغل واتجمعوا على الغداء. مازن لاحظ إن فتون مش بتاكل. مازن لفتون اللي كانت قاعدة جنبه وقرب من ودانها: مش بتاكلي ليه؟ فتون بصوت هادي: باكل بس على قدي. مازن: لسه حاسة بوجع؟ فتون: لا أحسن بس مش عارفة حاسة إني مش جعانة. مازن بغزل وهو ينظر إلى شفتاها وبهمس: والله أنا اللي جعان. فتون وفهمت قصده ابتسمت بخجل.

شهيرة وكانت مبسوطة إن بنتها خلاص بدأت تتفق هي ومازن. عكس فريدة اللي تكلمت بامتعاض وسخرية. فريدة بابتسامة مزيفة: ما تسمعونا اللي بتقولوه يمكن نضحك معاكم بدل ما تضحكوا لوحدكم. فتون وعوجت بقها بضيق. مازن كان هيرد بس مصطفى كان أسرع. مصطفى بيبصلها بعتاب: مش لازم تعرفي يا فريدة. فريدة بضيق: إيه مصطفى هو أنت كل كلمة واقفلي فيه. مصطفى: لأن ده شئ ميخصناش. فريدة: ده ابن..

قاطعها كامل بحده وغضب: إحنا مش هناكل ولا إيه. أنا مش عايز أسمع صوت على الأكل. الكل أكل في صمت. خلص الغداء. الكل طلع على غرفته. _مساء. في غرفة مازن وفتون. فتون كانت حاطة راسها على صدر مازن. فتون واتكلمت: مازن كنت عايزة أقولك حاجة. مازن: قولي. فتون بتوتر ومازالت على وضعها: أنا بحبك.. مازن وابتسم بخفة: ما أنا عارف. فتون ورفعت راسها بضيق: يا سلام دا ردك. وبعدين عرفت منين؟ هو أنا قولتها قبل كده؟

مازن: مش لازم تقولي بلسانك، عيونك بتقول كل حاجة. ردت فتون وشعرت بالخجل. مازن: بقولك إيه قومي كدا عايزك. فتون: هنعمل إيه؟ مازن ووقفها قدام المراية. مازن: غمضي عيونك. فتون: ليه؟ مازن: غمضي بس. فتون وغمضت. مازن واتحرك: ما تفتحيش لحد ما أرجع. فتون: ماشي. مازن جاب حاجة ورجع. مازن وحضن فتون من وراه وحط حاجة قدام عيونها. مازن: افتحي عيونك.

فتون وفتحت عيونها واتفاجئت من اللي شافته. موبايل تاتش وكان لونه موف اللون اللي بتحبه ومش بس كدا شكله حديث وجديد. فتون بدهشة: إيه ده؟ مازن ولفها ليه وبقى وشها في وشه: ده موبايل أنا جبته هدية مني ليكي. فتون: بجد؟ مازن: آه والله أنا عارف إنك نفسك فيه وكمان جبتلك خط. فتون ابتسمت بفرح وجاءت تمسك الموبايل. مازن ضغط عليه. فتون بصتله بتساؤل. مازن: انتي عارفة أنا بعمل إيه دلوقتي؟

أنا بحط ثقتي كراجل كلها فيكي. اسمعي كويس أنا مش بفتح في قديم بس لازم تسمعي الكلام ده مني. فتون وابتلعت غصة في حلقها. مازن وكمل: جدي هو اللي كان صادر أمر إنك متشليش موبايل وأنا دلوقتي بعمل عكس اللي هو قاله ده عشان واثق فيكي. وكوني عارفة إن أي شئ يسئ ليكي فهو يسئ ليا أنا كمان حتى لو بسيط. فتون: حاضر.

مازن: وحاجة أخيرة وبعيدها ليكي للمرة المليون. ملكيش دعوة بالمشاكل اللي بين ماما وطنط شهيرة. أمي يا فتون غالية عندي أوي مش هسمح بكلمة صغيرة عنها وحشة. ولو دا حصل وقتها هتشوفي مني الوش اللي أنا مش عايز تشوفيه. فتون: ماشي حاضر بس والله أنا..... مازن قاطعها: أنا قولت مبفتحش حوارات. فتون: ماشي. مازن: تعالي بقا أما أفرجهالك من جواه. فتون بسعادة: ماشي. _تاني يوم في المستشفى. مروان وشاف يارا. مروان: صباح الخير.

يارا: صباح النور. مروان: عاملة إيه؟ يارا: تمام الحمد لله. وانت؟ مروان: تمام. مروان بتردد: كنت عايز أكلمك في موضوع. يارا: خير؟ اتفضلي. مروان: يارا أنا معجب بيكي. يارا وبصتله بخجل. مروان: وكنت عايز يعني أدخل البيت من بابه. فكنت عايز أعرف ردك. يارا ابتسمت بخجل وبصت لبعيد. مروان: ردي لو سمحتي متسكتيش. يارا بسرعة: عادي ممكن تكلم بابا.. عن إذنك. يارا واتحركت بسرعة. مروان وابتسم بفرح. يارا مشيت وموبايلها رن.

بصت لقت رقم غريب. يارا: الو. فتون: أيوه يايويويو. يارا: مين؟ فتون: نسيتي صوتي؟ لا أنا زعلانة. يارا: مين بجد؟ فتون: أنا فتون يا بنتي. يارا بدهشة: أيوه فتون. رقم مين ده؟ فتون بسعادة: ده رقمي. يارا: بجد؟ فتون: أيوه مازن جابلي موبايل هدية وفيه خط وكل حاجة. يارا بسعادة: مبروك يا روحي. فتون: الله يبارك فيكي. واحشاني. يارا: وانتي كمان والله... _بعد ساعات في القصر. فتون نزلت قبل مازن ما يرجع.

فريدة أما شافت معاها الموبايل اتضايقت بس متكلمتش. كانوا بيتغدوا ومروان اتكلم. مروان: بعد إذنك يا جدي أنا كنت عايز أتكلم مع حضرتك في موضوع. الكل بص لمروان بتركيز. كامل: خير يا ابني؟ مروان: احم أنا قررت أخطب. كامل: ومين؟ الخطوة متأخرة أصلا. مصطفى: وعندك حد معين؟ مروان: آه يارا بنت انكل عثمان. الكل اتفاجئ ما عدا فتون اللي كانت يارا قالت لها. حتى شهيرة اتفاجأت. فريدة وقفت بغضب: وملقتيش غير دي. دول ز.. بالهم. مصطفى

بغضب وبيبص لشهيرة بإحراج: فريدة مينفعش كدا. فتون كانت هتقوم بغضب. مازن ضغط على إيدها وبصلها بتحذير. اتعدلت في قعدتها وكانت بتهز رجليها بغضب. شهيرة وقامت واقفت: هما مين اللي زبالة يا فريدة؟ ما تاخدي بالك من كلامك ولاحظي إنك بتتكلمي على أخويا وبنته. فريدة: آه ما هي لفت على ابني في المستشفى. شهيرة: ليه يا حبيبتي؟ دي دكتورة وأي حد يتمناها. هتلف على ابنك ليه؟ وثانيا هي ملهاش في الكلام ده.

فريدة بسخرية: آه ملهاش. ما عمتها عملتها زمان دي بالوراثة يا حبيبتي. مروان: ماما مفيش داعي للكلام ده دلوقتي. كامل: خلاص خلصتوا انتي وهي؟ ومليش احترام للكبير اللي قاعد؟ أنا في مقدرتي دلوقتي أخرجكم بره القصر ده انتوا الاتنين وارتاح منكم. كل ما تكبروا بتخيبوا. كامل وكمل بغصب: كله يروح على أوضة. أنا مش عايز أشوف حد هنا قدامي غير مروان. الكل قام وطلع على أوضة. انتهت الحلقة. توقعاتكم. نكمل الحلقة الجاية.