رواية وجع لا ينسى الفصل الثاني والعشرون 22 - بقلم رحمه العواني

وفجأة اتفتح الباب ودخلت بكل أناقتها وشيكتها أسيل بابتسامة. "أنا آسفة على... واختفت الابتسامة واتجمدت مكانها أول ما شافته قاعد. فهد لنفسه: بطل تتخيلها يا فهد، دي مش هي. إيه هيجيبها هنا؟ حسام: دي الأستاذة أسيل، فرد مهم جداً في الشركة من بعدي. أول ما سمع الاسم اتأكد إنه مش بيتخيل. قام من الكرسي وقرب منها وكأنه كان بيتأكد من ملامحها، بيتاكد إنها هي، مش خيال.

أسيل كانت واقفة ومش قادرة تمنعه يقرب منها وعينيها على ملامحه الباهتة اللي مهما حصل عمرها ما شافت ملامحه كده. حسام كان مستغرب اللي بيحصل. آسر كان خايف صاحبه يتهور في أي وقت. فهد مكنش قادر يحدد مشاعره وحاسس إنه مش عارف يعبر عن المشاعر اللي جواه. ومن غير أي مقدمات أو تفسير، حضنها بكل قوته. الكل اتفاجأ، حتى هي، بس كانت محتاجة لوجوده جداً واتمنت لو تختفي جواه بعد الحضن ده. حسام بعصبية: إيه اللي بيحصل ده؟

آسر: فهد يبقى جوز أسيل. حسام بصدمة: جوزها؟ آسر: آه، ويارت نسبهم مع بعض شوية. طلع حسام وهو في منتهى الغضب اللي في الدنيا، وآسر طلع. وكل ده وهما مش حاسين بوجود حد. أسيل كانت بتفتكر كل حاجة عملها فيها واغتصابها ليها وكل حاجة حصلت. وفجأة زقته بكل قوتها. فهد بعد عنها بحركة مهزوزة. أسيل: إيه اللي جابك هنا؟ فهد: انتي هنا من امتى وسافرتي لوحدك إزاي عملتي كده؟ أسيل بعصبية: وانت مالك أصلاً أسافر لو مسافرش، ملكش فيه.

فهد: انتي لسه مراتي ولا نسيتي؟ أسيل: أنا بكره اليوم اللي كنت فيه مراتك، طلقني. فهد: أطلق بعد ما لقيتك؟ كنت الأولى أطلقك غيابي طول الفترة دي. أسيل بعصبية: أنا عايزة أطلق منك علشان فيه راجل في حياتي وعايزة أتزوجه. فهد بصدمة: نعم؟ راجل إيه يا روح أمك؟ أسيل: ما تحترم نفسك. فهد بعصبية: أظاهر انتي اللي محترمتيش وجودي طول الفترة اللي فاتت.

أسيل علشان تغيظه: أيوه دي حقيقة، ولما حبيت حبيت راجل بجد وهو حبني من قلبه، مش واحد غرّضه إنه ينتقم مني وبس. فهد مسك درعها جامد. "كل يوم كنت بموت عشانك وكنت بانب نفسي وبضربها مليون جزمة عشان اللي عملته فيكي، وفي الآخر انتي عمالة تحبي ومبسوطة بحياتك وأنا حياتي وقفت على اليوم اللي مشيتي فيه." كمل بعصبية وانهيار واضح من صوته: "الظاهر كده مش شكلك بس اللي اتغير يا أسيل وطبعك كمان، أظاهر كده أسيل اللي أعرفها ماتت خلاص."

أسيل ولاول مرة تشوفه في الحالة دي، أول مرة تشوف انهياره بالطريقة دي. "أيوه اتغيرت جداً وكل ده بسببك، انت بإيدك موت أسيل القديمة وحيّيت واحدة معندهاش مشاعر ولا يهمها حد، واحدة كرهتك وكرهت اليوم اللي شفتك فيه. خلي عندك دم وطلقني لأن مش عايزّاك." فهد بصّلها بقهر وعصبية: "انتي ط... وفجأة.