رواية وهم شك ام يقين الفصل السابع 7 - بقلم سارة احمد

بعد ما تم القبض على العصابة بواسطة فادي، واكتشف عمران إن سبب تصميم إيمان إن فادي ومنار يجوا معاهم شهر عسلهم عشان إيمان تنفذ خطة فادي في القبض على تلك العصابة. والسبب إن إيمان كان لها صديقة في المعهد، وقد تورطت في ترويج المخدرات في المعهد، لكنها كانت عميلة للشرطة وكانت تسرب معلومات العصابة. وقد قُتلت بعد أن كُشفت، وكانت معها صور وفيديوهات تدين العصابة، وقد سبق وسلمتها لإيمان قبل موتها، وهذا سبب تعاون إيمان مع فادي.

يشطط عمران غضباً. عمران: أنا اللي غلطان إني رجعت تاني زي زمان أحلم وأحب وأكون على طبيعتي. بس أنا غلطان يا إيمان إني أثق فيكي. بس من الليلة أنا هرجع تاني زي زمان. وترك لها الغرفة وغادر وهو مضايق. يسير عمران على الشاطئ، مهموم، شارد، يتأمل البحر. تبكي إيمان بحزن. فضمها منار بخبث. منار: كفاية بقى يا إيمان. هتموتي نفسك من العياط. تخرج إيمان من حضنها وهي تبكي بحرقة وبشهقات متتالية.

إيمان: يا ريتني ما سمعت كلامك إني أخبي على عمران. أديّه زعل مني. منار بابتسامة لئيمة: متزعليش يا إيمان. انتي عملتي كده لمصلحته. إيمان: لا، أنا لازم أصلح. وخرجت لتصالح عمران. تقف منار في الشرفة وهي مبتسمة بسعادة ونصر. منار: معلش بقى يا إيمان. أنا كنت بقرب منك عشان أكسب ثقتك بس عشان تسمعي كلامي وأعرف إزاي أخلي عمران يكرهك. وضحكت بشر. إيمان ببكاء: سامحني يا عمران. والله ما كان قصدي أزعلك. تقترب منه حتى تضمه.

لكن عمران يدفعها بقوة فتسقط أرضاً. وتبكي. فينظر لها بقسوة. عمران: مش هسمحك يا إيمان إنك خونتي ثقتي وطلعتيني حمّار. وأنا أول ما هرجع مصر بكرة هطلقك. قال كده وقلبه يتمزق وجعاً وحزناً وروحه تنسحب منه، لكنه جمد قلبه. وتركها وتحرك خطوة، فسمع صوت شيء يُلقى في المياه. فيلتفت ليجد إيمان تحاول الانتحار. فيجري على المياه ويرمي نفسه وهو يصرخ: إيماننننن.