رواية وحش الصعيد الفصل الحادي والثلاثون 31 - بقلم زهرة اللوتس الجزار

دخل عليهم سيف... احم احم. قمر اتكسفت واستخبت في رعد. رعد بغيظ: هو ده وقته؟ عاوز إيه يا سيف؟ سيف بضحك: جاي أشوف كان القاكم هنا، كملوا براحتكم، بقول يعني كأني مش موجود. قمر جريت على البيت ورعد بص عليه بغيظ ومشي وراها. سيف وهو بيملس على رقبته: هههه، والله مجانين. *** جوه، قمر دخلت جري وطلعت على أوضتها. هناء نادت عليها بس مردتش. وشوية وجه رعد وراها بيجري. جميلة: رعد! رعد برضه مردش وطلع جري. هناء وجميلة باستغراب: مالهم دول؟ سيف بضحك: مالهمش. هناء: وهما لحقوا يتخانقوا؟ سيف: لا ماتخفيش، هما مش متخانقين. جميلة: امال بيجروا ليه؟ سيف بضحك: بيعملوا سباق. هناء: أنا مش مستريحة لضحكك ده. سيف: وه، يعني ما أضحكش يعني؟ سهر بفضول: في إيه؟ سيف بضحك: أمي بتقولي مش مستريحة لضحكك ده. سهر: بصراحة معاها حق، أنت ما بتضحكش كده غير لما بتكون عامل عاملة. سيف: دايماً ظالمني. وسابهم ومشي. هناء: يا سهر، أنا مش مستريحة لجوزك، أوعى تكوني عارفة ومش معرفاني. سهر: والله معرف حاجة. جميلة: استهدوا بالله كده، إن شاء الله مفيش حاجة. *** عند الوحش. فجر: مش الهدف اللي نزل ده واحد تاني. الوحش: واحد تاني كيف؟ فجر: واحد باين عليه مهم، لأنه كان حواليه رجالة كتير. الوحش: عاوز أعرف مين ده بأسرع وقت. فجر: أمرك يا وحش. الوحش: فجر استنى. فجر: نعم؟ الوحش: سيف عامل إيه؟ فجر باستغراب: بخير، وكان فرحه امبارح، بس بتسأل لي؟ الوحش: هنحتاجه قريب جداً، مش بس هو ومصطفى ورعد، الفترة الجاية هنحتاج الكل فيها. فجر بقلق: ليه بتقول كده؟ الوحش: إحنا داخلين على حرب ولازم نستعد ليها كويس أوي. فجر: أمرك يا وحش. ومشي. *** عند قمر، دخلت أوضتها وكانت مكسوفة أوي وبتوعد لرعد. رعد دخل وراها. قمر بغيظ: ينفع الوضع اللي سيف شافنا فيه ده؟ رعد مسك إيديها واتكلم ببرود: إنتي مراتي. قمر بغيظ: يا برودك يا أخي. رعد بغمزة: أنا مش أخوكي، أنا جوزك. وبعدين إنتي مش كنتي زعلانة؟ تعالي بقى أصالِحك وبعدين... *** عند سيف. كان قاعد بيلعب في الفون بتاعه، دخلت سهر، بصت له ورجعت تلعب تاني. سهر قعدت جنبه: سيفو. سيف مردش. سهر: وه، يعني زعلان؟ 😒 سيف: آه. سهر: طيب أصالِحك إزاي؟ سيف: سيبيني لوحدي. سهر: لا، وريّني بتعمل إيه. سيف: لا. سهر: يعني بتكلم واحدة غيري؟ ماشي يا سيف. سيف: امممم، وبعدين أنا حافظ الأسطوانة دي. سهر بغيظ: أسطوانة! سيف: آه، هاتي اللي بعده، عاوزة إيه؟ سهر: عاوزاك تكلمني. سيف بخبث: وإيه المقابل؟ سهر: مقابل؟ مقابل إيه؟ سيف: عشان أكلمك. سهر: اللي أنت عاوزه. سيف بمكر: اللي أنا عاوزه؟ فكري تاني. سهر: أنا معاك، مفكرش، أنا بس بنفذ. سيف: طيب تعالي، وبعدين... *** عند الهدف. راجل: الباشا وصل. مجهول: تمام كده، جهزتوا كل حاجة لاستقباله؟ الراجل: آه، كل حاجة جاهزة. جهزولي العربية عشان أروح أستقبله بنفسي. الراجل: ماشي. ومشي. المجهول: أخيراً الدنيا هتقوم وكل *هياخد جزاته. *** بليل كانوا نايمين. رعد فون رن. قمر: شوف مين. رعد: سيبك منه، نامي نامي. رن الفون تاني. قمر هزت رعد: فوق، أو اقفل الزفت ده. رعد قام ورد من غير ما يبص: الو. المتصل: Hi. رعد بص في الفون باستغراب، لقى رقم دولي (الحوار مترجم). رعد: هاي. المتصل: كيفك يا رعد؟ رعد: بخير، مين معايا؟ المتصل: ما إنت ما بتسألش، أكيد نسيت الصوت. رعد: أنا حاسس إن الصوت أنا عارفه. المتصل: والله معقول، نسيت ابن خالتك؟ رعد بفرحة: تيم، عامل إيه؟ وحشتني أوي. تيم: إنت أكتر والله، عاملين إيه؟ خالتو والمجنونة عاملين إيه؟ رعد: الحمد لله، كلنا بخير، نازل إمتى؟ تيم: قريب إن شاء الله. رعد: إن شاء الله. تيم: شكلك كنت نايم، أنا أطير بقى عشان تكمل نوم، باي. رعد: باي. وقفل. قمر كانت بتبص عليه: مين؟ رعد: دا تيم. قمر: والله تيم؟ تيم مين؟ أنا عرفته كده. رعد: تيم ابن خالتي وصاحبي، مسافر بره هو واخته وراجعين إن شاء الله، فبيعرفني وكده. قمر: امممم، ماشي. وفضلت تبص عليه. رعد: مالك بتبصي كده ليه؟ قمر: لا، باين عليك فرحان قوي. رعد: أوي أوي أوي. قمر بغيره: عشان أخته نازلة صح؟ كنت بتحبها شكلك كده. رعد: امممم، أنا محبتش غير بنت واحدة. قمر بغيره: وهي مين بقى؟ رعد بمكر: هي غيرانة دلوقتي. قمر: بقيت كده. رعد: امممم. قمر: رجعت نامت تاني، اطفي النور يا رعد وانخمدي. رعد: بت، في واحدة بتقول لجوزها انخمدي؟ قمر: آه، ونام بقى. رعد: أنا مشفتش رودي ومصطفى من الصبح. قمر: آه، عشان مصطفى كان بيولد المهره، ورودي طلعت وراه ومنزلوش من ساعتها، حتى الأكل طلع لهم فوق. رعد: بيولد المهره إزاي؟ هو مش بشري؟ قمر بضحك: سيف أجبره إنه يولدها، لأن الدكتور يحيي مش موجود في الصعيد، ولو كانت فضلت كانت هي واللي في بطنها ماتوا. وهو كان كله دم، وساعة ما شفنا كده اتخضينا كلنا، ورودي طلعت وراه وبس، ما شفناهمش من ساعتها. رعد حضنها: تصبحي على خير يا قمري. قمر: وانت من أهله. وناموا الاتنين. *** عند الأفعى. مجهول: أهلاً بالأفعى، نورت مصر. الأفعى: إيه أخبار العملية يا يحيي؟ يحيي: هتتسلم في معادها، بس... الأفعى: بس إيه؟ يحيي: إني خايف من الوحش ورجالته. الأفعى: إنت من رجالة الأفعى، ورجالة الأفعى ما بيخافوش، إنت فاهم، وإلا... يحيي بخوف: فاهم، بلاش الـ... الأفعى: تقدر تمشي. يحيي: بس... الأفعى: ما بعتش كلامي، اتفضل. مشي يحيي وهو خايف من شر الأفعى، وعارف إنه بإشارة منه يقضي عليه بيها. *** الصبح. في المطبخ، كانت رودي وقمر وسهر بيحضروا الفطار. سهر بخبث: مالك يا رودي؟ كنتي نزلتيش امبارح ليه إنتي وأخويا؟ رودي بخجل: روحي اسألي أخوكي. قمر بمكر: ما إحنا بنسألك، مش بنسأل أخويا، إحنا بنات زي بعض. رودي: لا مش قايله، واللي عاوزه تعرف تروح تسأل مصطفى، أنا مليش دعوة. وخرجت جري. قمر وسهر قعدوا يضحكوا عليها. *** بره، كانت رودي بتجري، خبطت في مصطفى. مصطفى: بتجري ليه؟ هتتعوري. رودي بخجل: من سهر وقمر. مصطفى برفع حاجب: ليه؟ عملولك إيه؟ رودي بتوتر: كانوا بسألوا ما نزلناش تاني ليه امبارح. مصطفى بضحك: وهما مالهم؟ رودي: معرفش بقى. مصطفى: تعالي معايا. وأخدها وراحوا على المطبخ. مصطفى: اللي عاوز حاجة تيجي تسألني أنا، مش رودي. وبعدين ماهي زيكم، ولا ليكم آه وليها لا؟ سهر وقمر كانوا مكسوفين. سهر: إحنا بنهزر معاها يا أخويا. مصطفى: المرة الجاية تعاليلي أنا. قمر بفضول: طيب، كنتوا بتعملوا إيه؟ ما نزلتمش ليه؟ مصطفى بخبث: خلي رعد يقولك هو أحسن. وقرب منها وهمس في ودنها: بلاش الاستبطال، إنتوا ليكوا أوضة. قمر وشها بقى أحمر خالص من كتر الكسوف. ولسهر: ابقوا وطوا صوتكم، البيت فيه شغلين. مصطفى كتمهم الاتنين وهو خرج، غمز لرودي. وكملوا الفطار. *** على السفرة. رعد: لازم نسافر انهاردة، جهزوا نفسكم. هناء: ليه يا ولدي؟ ما تفضلوا كمان يومين. رعد: عندي شغل، وبعدين تيم جاي بكرة ولازم أستقبله. رودي بفرحة: تيم؟ رعد: اممم. جميلة: ياه، أخيراً هشوف الولد ده، وحشني أوي. مصطفى باستغراب: مين تيم ده؟ رودي: وأنا أسافر معاكم؟ إيه رأيك يا مصطفى؟ مصطفى: معيش مانع. رعد... ماشي جهزوا نفسكم عشان نمشي

❤❤❤❤❤

كانو فب العربيات بعد ماودعوا هل البيت

رعد وووويتبع

❤❤❤❤❤

روايه وحش الصعيد ❤❤❤❤❤❤❤

❤❤❤❤

للكاتبه زهره اللوتس الجزار