رواية وحش الصعيد الفصل الأربعون 40 - بقلم زهرة اللوتس الجزار

قمر بغيره وغضب: خطيبة مين ياعنيا؟ البنت: رعوتي. لين بهمس وهي في حضن رعد: مين الصاروخ دي؟ رعد بهمس: أمك لو سمعتك هتعلقك. لين: بس جامدة دي، مامي هتقطعها وتعمل منها كفتة. رعد ضحك: شكلها كده أمك متوحشة. لين بصوت عالي: مامي دي بتقول على بابي، اللي هو جوزك، خطيبها. ظبطيها. قمر بغيظ: سمعت ياروح أمك. البنت: رعوتي مين دي؟ لين بتوليع: يلهوي يامامي، بتقولوا رعوتي! لا دي دست على كرامتك خالص مالص. ولا عاملة ليكِ أي وجود.

جميلة: ولعيها أكتر ماهي مولعة ياشرارة. رعد كان قاعد بيضحك وبس. وتيم كان مبسوط إن لرعد حياة خاصة وهيبعد عن قمر. البنت كانت رايحة عند رعد. قمر مسكتها من شعرها. البنت بصريخ: آآآه! ابعدي إيدك عن شعري يا حيوانة. لين: يلهوي دي بتشتمك يامامي. هو مامي ماقلتلكيش إن الشتيمة وحشة وبتدخل النار؟ قمر وهي بتكسر البنت وبتشدها من شعرها وتهز في راسها: دي متربتش ياقلب مامي. وأنا هربيها، خطفت الرجالة دي.

ووقعت البنت على الأرض ونزلت عليها عض وضرب وشد شعرها، وكل ما يخطر على بالكم. لين كانت بتشجع قمر: ادي يامامي، أيوه في وشها وشدي شعرها اللي فرحانة بيه دي وعضيها عشان تعرف تبقا تلبس هدومها كلها كده. ماتشجعوا مامي. تيمو شجع معايا وتيتة. يلا نشجع مامي. تيا كانت جاية من بره سمعت صوت صريخ. دخلت جري شافت المنظر ولين بتشجع. راحت مشجعاها هي كمان.

رعد كان واقف فاتح بقه من المنظر، لأن قمر دشملتها على الآخر، ومن منظر بنته وهي بتشجع. تيم كان واقف بيضحك عليهم. كان منظرهم يفطس من الضحك. رعد راح شد قمر من على البنت. قمر كانت بترفس وعاوزة تنزل تكمل عليها. البنت قامت من على الأرض: ولله ماعرفك أنا أبقى مين. قمر بغيظ: مين ياخاطفة الرجالة؟ وسع يارعد أكمل عليها، في شعرتين مش مظبوطين خليني أظبطهم. رعد مكنش قادر يمسك قمر لأنها كانت بتتحرك كتير، وهو كان بيضحك.

رعد: خلاص بقى يا ديدا. وإنتي اهدي بقى. ديدا: لا لازم تعرف أنا أبقى مين الجربوعة دي. رعد اتضايق، والكل. قمر بغضب: أنا جربوعة؟ سيبني عليها أعرفها أنا مين. ديدا: مين يعني؟ حتة فلاحة. قمر: خلاص جابت آخرها. عضت رعد من إيديه. ونزلت عليها، بس المرة دي محدش حاش عنها. رعد مسك إيديه من الألم. لين وهي بتاكل لب: الله يرحمك، كنتي غلبانة. في الصعيد. كان أوس في أوضته قاعد. رودي دخلت: حبيبي، مامي عامل إيه؟

أوس: الحمد لله كويس، بس إيدي وجعاني. رودي بحنية باست إيده: لازم توجعك ياقلبي عشان مش نكسر ونحرم نعمل شقاوة تاني. أوس: فين إيده؟ رودي: إيده مع خالو تحت. أوس: عاوز أنزل، زهقت من الأوضة. رودي: بس كده، من عيوني. وشالته ونزلت بيه. تحت كانت سهر في المطبخ وهناء قاعدة، وأياد ومصطفى بيلعبوا سوا. رودي: هاي، إحنا جينا. هناء: وإيه نزلت لي؟ رودي: يشم هوا. أياد: أوس تعال نلعب.

رودي شالته وبسته من خده: حبيبي أوس تعبان، مش هيعرف يلعب. أياد بطفولة: أوس تعبان؟ مصطفى: آه، قول له ألف سلامة. أياد: ألف سلامة. أياد عنده 3 سنين. أوس: الله يسلمك. مصطفى حط إيده على رجل أوس: ياريت نعقل ونبطل شقاوة. هناء: أوس شقي زي سيف أبوه، كان كدا وهو صغير. مصطفى بضحك: كان عاوز يعمل زي سبايدر مان ويمشي على الحيطة زيه. وجاب كرسي ونط على الحيطة ووقع يوميها. رودي بضحك: طيب ماتعي*بوش على أوس بقى. زيك يا شبل من هذا الأسد.

الكل فضلوا يضحكوا عليها. عند تيم في أوضته. تيم: أنا لازم ألاقي حد أتفق معاه. رعد شكله متغير خالص، وشكله كده هيبوظ لي كل حاجة عملتها. بس مين اللي هتفق معاه؟ وفضل رايح جاي. تيم بخبث: لقيتها. رن على حد. تيم: عاوز أقابل الوحش. تيم: اتصرف، عاوز أقابله في أقرب وقت. تيم: أوكي. وقفل. رعد هترجع مكان ما جيت. مع السلامة ياصاحبي. ههههه. عند فجر. واحد من رجالاته: في واحد يا وحش عاوز يقابلك. فجر باستغراب: مين؟

الراجل: بيقول اسمه تيم. فجر استغرب الاسم، لأنه حاسس إنه سمعه قبل كده. فجر: هو فين؟ الراجل: بره. فجر: هو عرف مكاننا منين؟ الراجل: بيقول في واحد عرفه. وهو جاي في أمان. فجر: دخلوه، خلينا نشوف عاوز إيه. بعد شوية تيم دخل. فجر كان لابس القناع. أول ماشافه افتكره. تيم: أنا تيم. فجر: اتشرفنا. خير؟ تيم: أنا قصدك في خدمة. فجر: نعم. تيم: عاوز أنتقم من حد. فجر: تنتقم؟ وإيه دخلني؟

تيم: عاوز مساعدتك. أنا عرفت إنك بتساعد اللي محتاج مساعدتك. فجر: تنتقم من مين؟ تيم بشر: من ابن خالتي رعد. فجر بصدمة: إيه؟ عاوز تنتقم من مين؟ تيم: عاوز أنتقم من ابن خالتي رعد. أنا قولت إيه. فجر: ليه عاوز تنتقم منه؟ تيم بشر: لأنه أخد مني حبيبتي. ودلوقتي راجع عشان ياخدها بعد ما قربت منها. فجر: مين هي؟ تيم: هو أنا ينفع ما أجاوبش؟ فجر: لا، لازم عشان إني لما بسأل اللي قدامي لازم يجاوب، لأني الوحش.

تيم: خلاص حبيبتي اسمها قمر. فجر بصدمة: دي مراته. تيم بشك: وإنت عرفت منين؟ فجر: نسيت إني وحش الصعيد، يعني عارف كل صغيرة وكبيرة في الصعيد. تيم: أوكي. يعني موافق؟ فجر: سيبني أفكر، لأني منتقمش من حد قبل كده. تيم: أوكي. خد وقتك. وده الكارت بتاعي. سلام. ومشي تيم. فجر بصدمة ودموع: يا حبيبتي يا قمر. ده شيطان عاوز يفرق بينك وبين جوزك. أكيد الواد ده اللي ورا الفرق الحاصل ده كله. فجر: وحياتك عندي لمعرفه الأدب بيكون إزاي.

عند الأفعى. البنت: إنت قدام رجالتك الأفعى. محدش يعرف عني. الأفعى: ماشي. وبعدين؟ البنت: بعدين دي أنا بدأتها وبعت حد يراقب المكان ليا كويس. الأفعى: إمتى دا؟ أنا قاعد معاكي من زمان. البنت بضحك: ههههه. هو إنت مفكر إني من دلوقتي؟ نوو. أنا بعت من زمان. ههههه. الأفعى: ضحكتك بتوتر. بس أوكي. ناوية على إيه؟ البنت بشر: كل خير. بليل. كان قاعد رعد ولين بيتفرجوا على فيلم رعب. وقمر كانت قاعدة معاهم وخايفة، وكانت ماسكة في لين.

ديدا كانت قاعدة معاهم وبتلعب في الفون بتاعها. وكانت قريبة أوي من رعد. رعد كان كل شوية يبوس لين ويحضنها أكتر، لأنها كانت قاعدة في حضنه. يعني رعد قاعد في النص بين قمر وديدا، ولين في حضنه. قمر بخوف: لين خليكي محترمة واقلبي الفيلم دا. لين: مامي، جمدي قلبك كده. وبعدين دا فيلم عادي مش رعب أوي. قمر بخوف: هو في أكتر من كده رعب؟ دا الراجل بياكل دماغ اللي قدامه. اقلبي ونبي. لين: نووو. وبعدين أنا مش معايا الريموت.

قمر: أمال مع مين؟ لين: مع بابي. قمر: رعد اقلب. رعد بص لها بطرف عينه ومردش، بس بص لين. قمر جات حتة في الفيلم مرعبة. مسكت في التيشيرت بتاع رعد واستخبت وراه. وصرخت. ديدا بتافف: إيه التخلف دا؟ أنا طالعة فوق. باي ياراعوتي. وبستُه من خده. قمر اتغاظت وكانت رجليها بتضربها، بس لين مسكتها. لين: مامي، البت معادش فيها حتة سليمة. ابقي اضربيها بكرة بقى. رعد كان كاتم ضحكته عليهم، وشد ديدا وبسها من خدها: باي ياقلبي.

قمر دموعها نزلت وقامت طلعت على أوضتها. لين بضيق: دي مامي بتعيط. رعد بجمود: وإذا؟ كملي الفيلم. لين بصت له: لا. وقامت راحت ورا قمر. رعد فضل لوحده. قفل التليفزيون وقعد رجع دماغه لورا وغمض عينه بضيق. شوية وطلع. عند قمر كانت قاعدة على السرير وبتعيط. جريت عليها لين وحضنتها وطبطبت عليها. لين بحزن: معلش يا مامي، معلش. متعيطيش عشان خاطري. قمر بدموع حضنتها: مبعيطش ياقلبي، مبعيطش. وكانت بتعيط بدموع بس من غير صوت.

قمر مسحت دموعها: تعالي ننام. وحضنتها وناموا. شويه ورعد طلع وفتح الباب. لقهم نايمين الاتنين. ابتسم عليهم وراح غير هدومه ونام جنبهم. بس صوت شهقات قمر كان سمعه. اتضايق من نفسه أكتر ونام. عند فجر. راح للوحش وعرفوا بطلب تيم. الوحش: وافق يا فجر. الوحش: لازم قدام جه لحد هنا يبقى وراه مصيبة وخايف منه. وخايف إن رعد يكون عارفها. فا لازم نعرف إيه هي وننقذ أختك وجوزها منها. فجر: ماشي. فجر رن على تيم. تيم: كنت عارف إنك هترن عليا.

فجر بجمود: موافق بس بشرط. تيم: إيه هو الشرط؟ فجر: الشرط وووو.