رواية وقع اسير عشقها الفصل الثالث عشر 13 - بقلم اسماء شمس

عند ميرا... أدهم دخل الأوضة وقفل الباب بقوة ونادم على ميرا بقوة لدرجة أفزعتها وقعدت تعيط كتير. راح أدهم ضرب ميرا بالقلم. وشدها من شعرها. وفضل يضرب فيها كتير لدرجة إن بقها نزف من كتر الضرب. وتركها أدهم وطلع بره الأوضة، بل بره القصر كله. ميرا كانت منهاره، مش مصدقة إن أدهم عمل معاها كده. ميرا لنفسها: ليه يعمل كده معايا أنا؟ ليه بعد ما يقولي بحبك يعمل فيا كده؟

أكيد ده كله علشان ضربت الست رنا. بس أدهم مش هيعمل كده من غير سبب، أنا عارفة. أكيد أدهم مجبور يعمل كده. وقامت دخلت الحمام وغسلت وشها، واتوضت وطلعت. وقعدت تصلي كتير وتعيط وتستنجد ربها، لدرجة إنها أغمى عليها مكانها على المصلية وهي بتصلي. في مكان منعزل عن العالم... أوقف أدهم عربيته هناك وفضل يضرب بالبوكس

على العربية ويعيط ويقول: يا رب يا رب بقا حرام، أنا مش عارف أعمل إيه. أنا تعبت. تعبت بجد. مش كفاية رنا حرمتني من الأطفال علشان أنانيتها. ودلوقتي عايزة تموت الوحيدة اللي حست بيا وبتحبني لدرجة الجنون. واللي برضه الوحيدة اللي قلبي حبها بجد، ليه كده.

ومسح دموعه: أنا مش هسمحلها تأذي ميرا بأي طريقة، لو حتى أنا هأذي ميرا شوية بس مش هسمح لرنا وأخوها الزبالة اللي عايز مراتي ياخد منها اللي عايزوا ويقتلها. أنا هحميها. ولو اضطريت إني أضحي بحياتي عشانها. وركب عربيته مرة تانية ورجع القصر. وكان الوقت اتأخر ومحدش صاحي، كان الكل نام. طلع أوضته وفتحها واتصدم. لما لقى ميرا مغمى عليها على المصلية. جرى عليها وشالها وحطها على السرير وقعد يفوقها.

أدهم: ميرا ياقلبي سامحيني، أنا آسف. معلش لازم أعمل معاكي كده علشان رنا كانت بتتصنت علينا. لازم الفترة الجاية أعمل كده عشان أحميكي. استحمليني ياقلب أدهم. وحياتك متكرهيني. وأنا وغلاوتك عندي هجيبلك حقك من كل واحد عايز يأذيكي ومش هخلي حد يلمسك طول ما أنا جنبك. ده كله ميرا صاحية وسامعة كل حاجة. بس معرفتش أدهم إنها صاحية ومثلت إنها مغمى عليها تاني. ونام أدهم جنب ميرا وأثر العياط باين عليه.

ميرا لنفسها: أنا اتأكدت الوقت إن أدهم عمل كده بسبب إيه. اعمل اللي عايزه فيا أدهم، أنا واثقة إنك مش هتسمح لحاجة تأذيني خالص. ورنا الكلب وأخوها عايزين يخلصوا مني، ماشى يارنا يانا يا انتي. وأنا كمان بقا هخليكي تصدقي إني كرهت أدهم. بس وحياتك يارنا هندمك على كل أذية آذيتيها لأدهم في يوم ولو بكلمة واحدة بس. ونامت هي التانية. عند رنا واسر...

رنا بفرحة: اسر أنا شفت أدهم وهو بيضرب ميرا بحشية. أكيد أدهم عمل كل ده عشان ميرا اتجرت ورفعت إيديها عليا. أنا عارفة إن أدهم لسه بيحبني. مش حتة العيلة اللي تاخد أدهم مني. أنا أدهم بيحبني أنا وبس. وهيفضل يحبني على طول. اسر: بجد عمل كده؟ طيب كده شغلنا هيبقا أسهل. نفرق بينهم الأول. وبعد كده نعمل اللي إحنا عايزينه فيها. وبكده لو قتلناها الشك كله هيبقا في أدهم. وإحنا مش هيبقا لينا أي دخل في الموضوع.

رنا بخبث: أيوا بالظبط كده هو ده اللي هنعمله. وضحكت بشر: دماغك سم زي أختك يااض يا اسرر. اسر: طبعاً. بس متنسنيش في الفلوس بقا. ده حتى إنتي كده هتضربي عصفورين في بحجر واحد. وهو هتخلصي من ميرا وكماان أدهم. وكده هتاخدي فلوسه كلها. وطبعاً مش هتنسي أخوكي مش كده ولا إيه.

رنا بحقد: طبعاً مش هنساك. بس إحنا إيه لازمتها نخلص من أدهم. ولا أقولك مبقاش مهم أدهم ليا. طالما هاخد فلوسه يبقا اتكل على الله. أهم حاجة عندي الفلوووس. وبعد كده الكل يولع. اسر: جدعة كده فتحي دماغك. وكانت الصدمة من نصيب أدم اللي سمع كل حاجة. وسمع مرات أخوه هي وأخوها عايزين يقتلوا أخوه ومراته. وده كله عشان الفلوس وبس. عشان طمعهم هما الاتنين. وحلف إنه ميسمحش لحد يأذي أخوه ومراته. ولو كانت التمن يدفع حياته ويحميهم.

وذهب أدم إلى أدهم سريعاً ليخبره بما سمع من رنا وأخوها الذين يشبهون الشياطين. فهم طماعين مخادعين. وراح لأدهم وخبط على الباب. وأدهم بعد شوية فتحله. أدهم: خير يا أدم في حاجة ولا إيه. أدم: تعالي معايا يا أدهم في حاجة مهمة لازم أقولهالك الوقت قبل بكرة. لازم تعرف إيه اللي بيحصل من وراك. وخدوا أدهم ودخل المكتب. أدهم: قول يا أدم في إيه وإيه اللي بيحصل من ورايا وأنا مش عارف.

أدم: ميرا وأسر عايزين يفرقوكوا انتوا وميرا. وفي الآخر يقتلوا ميرا ويلبسوك انت القضية كلها. وحكاله كل حاجة سمعها. أدهم ببرود: بس أنا عارف ده كله. أدم بصدمة: عارف وساكت. أدهم: أيوا عارف. بس مش ساكت. أنا هندمهم على كل حاجة. وهمسكهم بالجرم المشهود كمان. بس انت ولا ليك أي دخل بيهم. متخليهمش يحسوا بحاجة. ولا يحسوا إننا عارفين أي حاجة خالص. أدم: متقلقش محدش هيعرف حاجة. أدهم: ولا تقوول لسيل يا أدم تمام.

أدم: متقلقش مش هقولها. أنا عارف سيل طيبة وممكن تقع بالكلام. متقلقش انت بس. ربنا معاك ياخويا. احمي ميرا على قد ما تقدر يا أدهم. لأنهم عايزين يخلصوا منها الأول. ومش هيسيبوها في حالها. انت عارفهم دول شياطين. كل همهم الفلوووس وبس. ولا أسر الكلب اللي بيبصلها بشهوة وقرف. أدهم: سيبوهولي. ده أنا هروق عليه على الآخر عشان يبص لمراتي مرة تانية بالمنظر ده. أدهم: يلا نروح ننام الوقت عشان محدش يحس بحاجة خالص.

أدم: يلا تصبح على خير. وحضنوا وكل واحد فيهم دخل أوضته.