رواية وقعت في عشق المنتقم الفصل الخامس عشر 15 - بقلم موني وسكر

وف نص الليل حس بيها بتتكلم، فكرها صحي. قام، لقاها بتخرف. حط إيده على دماغها، لقاها سخنة مولعة. قام فهد وعملها كمادات مايه سقعه طول الليل لحد ما اطمن إن حرارتها نزلت، ونام. صحت أسيل تاني يوم، لقت الفوطة اللي كان بيعمل بيها كمادات على دماغها. استغربت. وهو حس إنها قامت، ف صحي علطول. أسيل: صباح الخير. إيه الفوطة دي؟ فهد: كنتي سخنة امبارح، ف عملتلك كمادات مايه ساقعة. أسيل: بجد انت؟ يعني مقلتش مثلا "يلا خلينا نخلص".

فهد: يلا خلينا نخلص. أسيل: أنت رخيم على فكرة، ولو كنت عايز تقول كدا مكنتش عملتلي كمادات. دا دليل إنك كنت خايف عليا. فهد: براحة طيب، هتأكليني؟ أيوه كنت خايف عليكي. دي لو كانت قطة كنت خفت عليها. أسيل بضجر: بتشبهني بالقطة؟ فهد: قومي يا أسيل، خدي دش بارد وغيري هدومك عشان ننزل نفطر. ... أوباااااا! إحنا نسينا نكلم الست سعاد امبارح. فكريني يا حاااااجة.

أسيل: آة صح، نسيت. يا فهد ما أنا اتعورت ورجعت نمت. استنى هتصل بيها فيديو كول عشان هي وحشتني. فهد: ماشى. واتصلت أسيل بمامتها. أسيل: مامي وحشتيني أوي، عاملة إيه؟ سعاد: انتي كمان وحشتيني يا قلب ماما. طمنيني عليكي. أسيل: أنا الحمد لله كويسة. خدي فهد عايز يكلمك. فهد: الوازي حضرتك يا ست سعاد؟ سعاد: الحمد لله يا ابني، انت عامل إيه؟ فهد: الحمد للله بخيـر. إيه أخبار الواد آدم معاك؟ ليظهر آدم في الكادر.

آدم: عمالة تزغط فيا وكأنها بتزغط في دكر بط. فهد: ههههههههههعه، واضح. أسيل: انتو هتقولولي على أكل ماما. دا أنا كنت بحرق في الجيم كمية كالوريز بعد غدوه واحدة بـلخبط فيها وبـأكل بزمة، فاكرة يا ماما؟ وارجع أتخانق معاكي انتي بقا. سعاد ضحكت: آة فاكرة. فهد: هههههههههه إيه الذكريات الجميلة دي. المهم خلي بالك يا آدم من الست سعاد الفترة دي جامد. مفهوم؟ ولو في أي حاجة بلغني فوراً. آدم: حاضر، متقلقش. بس فيه حاجة ولا إيه؟

فهد: لا عادي. ما أنا على طول مركبك الهوسة. آدم: سايه جديد. فهد: على رايك. طيب غور يا فهد، أنت اتصلت ليه أصلا؟ آدم: بطمن يا رزل. فهد: تطمن على إيه؟ هخطف الست سعاد يعني وأساومك؟ آدم: يخربيت ظرفك. غور يااض، ده أنت رزل. فهد: سلام. آدم: سلام. ودخلت أسيل خدت دش ولبست فستان كت وديق وكان قصير. أسيل: يلا، أنا جاهزة. فهد: جاهزة إيه؟! أسيل: إيه، خلصت لبس. فهد: هو فين اللبس؟ أسيل: أهو الفستان.

فهد: لا طبعاً مش هتنزلي كده، ده ضيق وعريان أوي. أسيل: نعم؟ وفيها إيه يعني؟ مفـيش حد تحت أصلا. فهد: وليد وعمتو أمل جـوا انهاردة. وبعدين بابا قاعد تحتي. لا ادخلي غيّري حالا. أسيل: يا فهد بعد ما لبست حرام، ده ابن عمتك يعني مش حد. فهد: لا يعني لا. لما نبقى نطلق أبقى البسي اللي تلبسيه. أسيل قربت منه ولفّت إيدها حوالين رقبتها. أسيل: طيب متقفلش وشك كدا، هغير وأعمل اللي انت عايزه. فهد: طب يلا بسرعة. أسيل: فك وشك الأول.

فهد: أهووو. أسيل: شطوررر يا روحي، مش هتأخر. ودخلت لبست بنطلون جينز وتيشرت بكم وشمرت الكم ولبست كوتشي. أسيل: ها، حلو كدا؟ فهد: معقول. يلا عشان مانتأخرش على الفطار. أسيل: ماشي، أما أشوف آخرتها معاك يا سي فهد. يلا. نزل فهد وأسيل. فهد: صباح الخير. أمينة: صباح النور يا حبيبي. إيه أخبار إيدك يا أسيل دلوقتي؟ أسيل: الحمد لله كويسة يا طنط. أمينة: الحمد لله. يلا عشان تفطروا. قعد فهد وأسيل على السفرة، والكل اتجمع على السفرة.

محمد: وليد وعمتك أمل جايين انهاردة عشان نقضي يوم على البحر. فاضي ولا هتخلع زي عوايدك؟ فهد: لا فاضي يا باشا، وراشق معاك. محمد: راشق؟! ده أنا اللي هرشق السكينة دي في نص دماغك. الكل: هههههههههههه. وقامت أسماء مسكت البراد بتاع الشاي وقربت ناحية فهد وبتصبله. أسيل اتغاظت. أسماء: 3 معالق سكر يا فهد، صح؟ أسيل: لا، انتي غلطانة يا أسماء. فهد بيحب يشرب شاي بمعلقتين سكر بس. وصبّت له. وبعدين راحت تعمله سندوتش.

أسماء: فهد بتحب البسطرمة، صح؟ فهد: أنا.... أسيل: أسماء يا حبيبتي، فهد مش بيحب البسطرمة. هاتي أنا هعمل لجوزي السندوتشات. أسيل: فهد، بتحب الرومي، صح؟ فهد: آه. أمينة مالت على محمد. أمينة: يا عيني يا ابني. محمد: شششش، اسكتي. ده أنا فرحان فيه، يستاهل. أسيل عملت له السندوتش. أسيل: اتفضل. فهد خد السندوتش وهو ماسك نفسه من الضحك بالعافية. فهد: شكراً. أسيل بغيظ: العفو.

محمد: يلا يا جماعة، خلصوا أكل واجهزوا عشان نلحق الشط قبل الزحمة. وطلع فهد وأسيل الأوضة. أسيل: فهد. فهد: ليه بتتكي على الدال ليه؟ أسيل: نعاااااااام. أسيل: هقتلها هاااااا، والله هقتلهااااا. فهد: اعقلي يا هبلة. مـفيش حاجة مستاهلة. اعتبريها طباخ البيت وبيعملي الفطار. عديهااااا يا اسيييييي. أسيل بعصبية: يعني إيه عديها؟ يعني إيه؟ هي بتتعامل معاك كدا ليه؟ ليه المياعة دي؟ وشدّت من التيشرت.

أسيل: فهدددد، أنا مش هسمح لواحدة تقربلك، أنت فاهممم. فهد: لييييه؟ ماضي عقد احتكار؟ أسيل: لا، ماضي عقد جواز يا خفيف. وده أسخم من عقد الاحتكار. فهد: أعوذ باللـه. اقعدي يا أسيل على ما أجيب النتيجة والفوطة وأرتب شنطة البحر بتاعتي. ربنا يهديكي. أسيل: طيب، عايزة مايوه. فهد: عند أم ترتـ... أسيل: يا فهد حرام، ده بحر يعني ألبس إيه؟ خلاص شوفلي حاجة ألبسها. مليش فيه. أنا عايزة أنزل المايه، ولازم مايوه. فهد: ليه تنزلي المايه؟

ليه؟ لما نرجع القاهرة أبقى انزلي البيسين براحتك، مش همنعك. لكن بحر وتنزلي والهدوم تبل وتلزق والجو ده لا يا أسيل، انسي. أسيل: تمام، خلاص مش هنزل. بس أنت كمان متنزلش المايه. ما هو متقلعش التيشرت وأسماء تفضل تبص عليك. لو نزلت هنزل. منزلتش مش هنزل. فهد: هههههههههه، يعني المشكلة في أسماء. خلاص يا ستي، قبل ما أنزل هغمّي عينيها. حلو كدا؟ يلا أسيل، أبويا هيشتمنا كمان شوية. أسيل: طيب، بس بردو مش هتنزل.

فهد: لما نبقى نوصل الأول، نبقى نتخانق هنزل ولا لأ. أسيل: ماشي. ودخلت أسيل لبست فستان طويل عشان فهد ميزعقش، ولبست كوتشي. محطتش إلا روج. طلعت. أسيل: محترم اهو عشان متتكلمش. فهد: ماشي يا ستي. أنا ساكت أهو. أسيل: ماشي، يلا نركب العربية الكبيرة بتاعة باباه. محمد: فاكر يا فهد، قولتيلي إيه يوم ما جبنا العربية دي؟ فهد: مش فاكر حاجة خالص. أمينة: هههههههه، رجعت في كلامك. فهد: مش أوي يعني. محمد: بصوا، كفاية عليكوا واحد.

فهد: لا ياباشا، ده ستة زي ما اتفقنا. محمد: يالهواااااي، ستة مرة واحدة. وده مين اللي هيصرف عليهم وعلى أبوهم دول؟ فهد: ولا أعرفك. أسيل بغباء: ستة إيه؟ أسماء: عيال. أسيل: ستة عيال مين اللي يجيبهم! عمتو: انتي يا حبيبتي. فهد مال على ودنها: فاكرة عقد الاحتكار اللي كنت ماضيه؟ وقتها حبي نفسخه ولا نكمل على بركة اللـه؟ أسيل بصتله جامد، وبعدين حطت وشها في الأرض من الكسوف. أسيل بهمس: أنت قليل الأدب. فهد: والله غرضي شريف.

محمد: إيه مش سامعنلكوا حس؟ أمينة: اسكت، شكلهم بيجيبوا الداستـ... الكل: هههههههههه. أسيل كانت مكسوفة جداً، وفهد قعد يضحك. ووصلوا البحر، وأسيل حاولت تنسى الموقف. أسماء: فهد، مش يلا بقا ننزل المايه عشان تعلمني العوم؟ أسيل: عوم إيه؟ لا، فهد قايل مش هينزل المايه، ولا إيه يا فهد؟ فهد: أنا هنزل المايه آه، لكن مش هعلم حد العوم. أسيل: هتنزل المايه؟ تمام، وأنا كمان نازلة المايه. يلا بينا. فهد: اتؤزعي هنا، قولت مفيش مايه.

أسيل: الله، وهو إشمعنى أنت يعني؟ أنا قلتلك في البيت يا فهد، هتنزل المايه هنزل. أمينة: فيه إيه يا ولاد، صوتكم عالي ليه؟ فهد: اترزعي بدل ما أشخر لك وشك. قولا واحدا يا ماما، أسيل مش هتنزل المايه. أسيل: هو إيه اللي مش هنزل المايه؟ تحكم وخلاص يعني؟ أمينة: بسسس خلاص. روح يا فهد، تعالي معايا يا أسيل يا حبيبتي، نتمشى وسيبيه دلوقتي. أسيل: يا طنط بس.... أمينة: تعالي بس يا بنتي، الله يهديكي. أسيل: حاضـر.