رواية وقعت في عشقها الفصل الخامس 5 - بقلم الكاتبه الجديده

فتحت الباب دخلت راحت خبطت في حد. بتبص لقت عصام قدامها، بصتله بصدمة ممزوجة بخوف. وهو بغضب وجهه لا يبشر بالخير. أميرة بخوف: إيه اللي جابك هنا؟ عصام بهدوء: نانا بعد إذنك هاخد أميرة خمسة وجاي. نانا: تمام يا حبيبي، وعلى ما تيجوا هكون جهزت الأكل. عصام شدها من إيدها جامد وهي بتضربه. وأول ما طلعوا أميرة صرخت: سيب إيدي. عصام اتعصب وشالها لما لقاها مش راضية تمشي. وراح في حتة بعيدة عن البيت.

والدنيا كانت تلج من كل حتة ومفيش بني آدم. وقف فجأة شدها من شعرها بعنف وقال: مش مكفيكي إنك سبتي البيت، لأ وكمان ابتديتي تدوري على حل. شعرك يا روح أمك. أميرة بعياط وخوف: آآآآه شعري يا عصام، وأنت مالكش إنك تدخل في حياتي. عصام بعصبية: لا ليا، لما ألاقي بنت عمي ماشية مع واحد ابن وسخة. من حقي أكسر راسها. بكرة الصبح جهزي هدومك عشان هنمشي نرجع مصر، فاهمة.

أميرة بعياط وهي بترد: والله مش مشيت مع حد، ده هو جابني من المطار هنا وبعد كده خرجنا. وهو راح فندق وهيرجع بكرة، وأنا مش همشي يا عصام، أنا قولت إني هكمل دراسة هنا. عصام بزعيق: مفيش دراسة هنا يا أميرة، هترجعي معايا بكرة، مفيش كلام تاني. أميرة فكرت لو خلاته يقعد معاها هنا لو أسبوع يمكن تخليه يحبها. وقالت برقة وهي تلف إيدها حوالين رقبته: طب إيه رأيك يا عصام نقعد أسبوع، ووعد هرجع معاك. عصام ساب شعرها وشدها

من وسطها وقال برفع حاجب: لا يا أميرة، هنرجع بكرة، وبعدين إنتي قد الحركة دي. أميرة ببرائة: أرجوك يا عصام، هو أسبوع واحد. عصام: لا. أميرة برجاء: عشان خاطري. عصام اتنهد وقال: تمام، أسبوع واحد بس وهنمشي، تمام. أميرة بفرحة إن حبيبها هيقعد معاها: آآآآآخيراً. وراحت رمت نفسها في حضنه وكملت: أنا بحبك أوي يا عصام. عصام الكلمة سحرته وشدد على حضنها جامد ومردش. أميرة بهمس جنب ونه وخجل: عصام، ممكن طلب؟ عصام: أكيد، قولي.

أميرة بكسوف: هعمل حاجة متزعلش مني، تمام. عصام بابتسامة وهو يلاحظ كسوفها من احمرار وشها: تمام. أميرة بعدت وبصت في عينيه وقربت من شفايفه. وهو سرحان فيها. فجأة باست*ه. ولما لقت مفيش تجاوب معاها، كانت لسه هتبعد راح شدها من شعرها وباس*ها بعنف وجنون. وهي تجاوبت معاه. وهي لما لاقت أنه بدأ يتحس*س جسم*ها بعدت وقالت بخجل: احم، يلا يا عصام عشان نانا أكيد مستنيانا. عصام وهو يقرب منها: ليه، تعالي نقعد شوية تاني مع بعض. أميرة

وهي تمشي بسرعة وبتضحك: لا، ويلا بقى عشان نانا. واه، اعمل حسابك إننا هنتفسح بكرة. عصام ضحك وراح وراها ووصلوا. وكانت نانا جهزت الأكل وقعدوا في جو عائلي مرح ودافئ. في فيلا فهد الدمنهوري: مجده: إنما بنت أهلها معرفوش يربوها. فهد: أمي، بقولك إيه، أنا مش ناقص، اسكتي بالله عليكي. ناهد بعصبية: هو إنتي مش عارفة تجيبى مشاكل منين. وبعدين أهي مشيت، عايزة إيه تاني. مجده: هعوز إيه يعني، إنتو مفيش حد شاف إزاي كلمتني.

فهد: عشان غلطي في أهلها، وكلنا عارفين أميرة بتتعصب إزاي لما حد يجيب سيرتهم بطريقة وحشة. رائد: نينا، ينفع سؤال؟ مجده بعصبية: عايز إيه؟ رائد: هو مش أهلها اللي إنتي بتتكلمي عليهم دول أبوها يبقا ابنك، ولا إيه؟ ناهد وفهد وليلى وكلهم بصوا لها ومستنين الرد. مجده بغضب وحقد قالت: الكل بص لها بصدمة وغضب من اللي قالته. فجأة فهد قام وقف ووووو.