رواية وقعت في عشقها الفصل السادس 6 - بقلم الكاتبه الجديده

مجده: لا مش ابني ولا أعرفه، وأحسن حاجة إن ربنا أخده، وإلا أنا اللي كنت هقتله. الكل اتصدم وبصوا لها بغضب. فهد قام وقف بغضب وقال بصرامة: أمي، انتي اتخطيتي كل الحدود، وأقسم لك بالله كلمة تانية على أخويا هبعتك الصعيد تكملي بقية حياتك فيها، وساعتها ولا هتكوني أمي ولا أعرفك. مجده بصدمة: انت بتقول إيه يا فهد؟ عايز تبعت أمك وتتخلى عنها عشان حتة بنت وأهلها؟

فهد بزعيق: وأهلها اللي انتي بتقولي عليهم دول يبقوا عيلتي، والله يرحمهم، وصوني على بنتهم اللي انتي بتكرهيها ومش عارف إيه سبب الكره ده، فا بلاش تخليني أعمل كدا يا أمي. مجده بغضب: طب وإيه فايدة أمي؟ آه طبعاً، هقول إيه غير إني معرفتش أربي. فهد بتهديد وماسك أعصابه بالعافية: بعد إذنك، كفاية كلام، وزي ما قولتلك لو حاولتِ تعملي حاجة تاني، انسى إن عندك ابن، وأنا هنسى إن عندي أم، وهبعتك الصعيد ومش هتشوفيني تاني.

مجده بعصبية لنفسها: البنت دي لحسن عقلهم كلهم، مفيش ولا واحد طايق ليا كلمة، طب تمام، بس اللي يزعل في الآخر. وسابتهم وطلعت. رائد بص لهم ببرود وقال: بعد إذنكم، أنا ماشي. ناهد: تمام يا حبيبي، خلي بالك من نفسك. رائد مشي، ركب عربيته، وتلفونه رن. كانت حبيبته، رد عليها. رائد بحب: حبيبت قلبي، عاملة إيه؟ حبيبة بكسوف: تمام الحمد لله، وانت؟ رائد: بخير طول ما انتي بخير. حبيبة: هو انت خارج النهارده مع البنت اللي اسمها لين؟

رائد: آه يا حبيبتي، أصل النهارده فاضي ومفيش حاجة أعملها، قولت أروح أخرج معاها شوية. حبيبة بدموع وغيره: تمام يا رائد، سلام. رائد بلهفة: مالك؟ انتي بتعيطي؟ حبيبة بصوت مخنوق: لا مفيش حاجة، أنا هقفل. رائد بحدة: حبيبة، مالك؟ قولت. حبيبة بصوت عالي: مش بعيط يا رائد، اسكت بقا. رائد بغضب: والله يا حبيبة لو ما قولتيلي مالك لأجي ليكي البيت، وانتي حرة. حبيبة مردتش عليه، وقفت في وشه،

وفضلت تعيط وتكلم نفسها: بيقولها كدا من غير ما يرعى مشاعري، رايح أخرج معاها عشان فاضي النهارده، طب وأنا، أنا إيه في حياته؟ معقول أكون واحدة والسلام بيتسلى بيها وبعد كدا يرميها؟ ودفنت وشها تحت المخدة وفضلت تعيط بانهيار، وباب البلكونة اتفتح ودخل رائد، بس هي ماخدتش بالها لأنها سدة ودانها. رائد بص لها بغضب وخضة، وقفل البلكونة وراح ناحيتها، وفجأة. عند أميرة، تاني يوم.

أميرة لبست بنطلون جينز أبيض وتشيرت بكم شتوي أسود وشاكيت أحمر وبوت أحمر، وسابت شعرها، وطلعت من أوضتها، راحت على أوضة عصام، وفتحت ودخلت. أميرة وهي سرحانة فيه وهو نايم، واتكلمت بعشق: يااااه يا عصام، لو تحس بعشقي ليك مش هتتخيل بعشقك قد إيه. وكملت وهي بتصحيه: عصام، يلا عشان نفسحني يابني، قووم يلاااااا. عصام بنوم: تمام يا أميرة، تمام، جاي اهو. أميرة بصوت عالي جنب ودانه: عاااااااااام. عصام بخضة: إيه؟ في إيه؟

أميرة بضحك: هههههه، مفيش حاجة، هههههه، بس يلا عشان نفسحني. عصام بص لها بغضب: أقسم بالله يا أميرة ما هسيبك النهارده. أميرة بخوف وضحك: أهدى بس يا عصومي، بلاش عصبية، لاحسن يجرالك حاجة. عصام قام وكان عاري الصدر، وهي اتكسفت جامد، وكانت هتجري على برا، بس ملحقتش تطلع، وكانت شدها من أيديها ورميها على السرير، ونام جنبها وحضنها وقال: عايزة تتفسحي فين يا آخرة صبري؟ أميرة وهي بتحط أيديها

على صدره وبتبص في عينيه: أي حتة هتوديني فيها هتكون حلوة. عصام بص لها فجأة، قرب منها وقرصها من وسطها، وهي صرخت واتكلم: أميرة، بلاش تعملي حركات زي دي، لأن ممكن يحصل حاجة نندم عليها إحنا الاتنين. أميرة بخجل ووجع: احم، أنا عملت إيه يا عصام؟ الله.

عصام قرب منها بجنون ولسه هيبوسها، راح تلفونه رن، بعد عنها، وهي بصت بصدفة وهي نايمة جنبه، لقت اسم بنت اسمها جيجي، الغيرة عمتها، وكانت هتاخد الفون من إيده، بس شدها، وقعت عليه، فضلت تضربه في صدره عشان تاخد الفون. عصام وهو يتكلم: أيوا يا جيجي، قولتلك أنا مسافر، ولما أنزل مصر هجيلك. أميرة عشان تسكته وميعرفش يرد عليها، راحت مسكت وشه وقربت من شفايفه وبوسته بعنف، وأخدت الفون من إيده، رمته على الأرض اتكسر.