رواية وقعت في عشقها الفصل الرابع 4 - بقلم الكاتبه الجديده

عند فهد. فهد كان حاطط إيده على وشه وملامحه الحزن. ناهد كانت قاعدة جنبه وبتطبطب عليه وبتكلمه. ناهد: فهد، أهدى. عصام هيتكلم معاها. فهد: دي دماغها ناشفة ومش هتسمع كلام حد يا ناهد. ناهد: بس هي بتخاف من عصام، يبقى ممكن تسمع كلامه. لو مردتش أنا هروح أكلمها. فهد بص لها بعيون مدمعة: طب يا أمي، بعد ما أميرة تقعد أكيد مش هتسكت وهتعمل حاجة. ناهد رغم إنها متعصبة منها، بس اتكلمت بهدوء: سيبها على الله يا حبيبي.

فهد: أنا بفكر أوديها الصعيد عند بيت العيلة، إيه رأيك؟ ناهد: لا يا فهد، هتقول إننا بنطردها بعد العمر ده كله. بلاش، ولو عملت حاجة تاني وديها. فهد اتنهد بهدوء وقال: تمام. ونام على السرير وهي نامت في حضنه. عند عصام. عصام كان بيقرب على أميرة ومرة واحدة مسك شعرها جامد. وهي صرخت وقال بعصبية: مالك يابت؟ مفيش حد همك ولا إيه؟ لااااا يا حلوة، فوقي كده. هطولي لسانك عليا أقطعولك، فاااااهمة؟

أميرة بصريخ: لا مش فاااهمة، وهطول لساني عليك وعلى... وقبل ما تكمل، كان قلم نزل على وشها منه. عصام بعصبية شديدة: يطول على كله إلا أنا يا روح أمك. أميرة بعياط وزعيق وهي بتضرب في صدره عشان يسيبها: متجبش سيرة أمي. وأنا أصلاً مش قاعدة هنا، فكده كده مش هتشوفني تاني. عصام بجنون: طيب يا أميرة، أقسم بالله ما أنتِ خارجة من هنا، حتى لو هحبسك. أميرة زقته جامد، بس هو سابها بمزاجه وقالت: همشي يا عصام، ومفيش حد هيقدر يمنعني.

وراحت ناحية الشنطة وقفلته. وراحت تفتح الباب، بس مفتحش. ولفت لعصام اللي بيبص لها ببرود. أميرة وابتدت تخاف لأن مفيش مكان تخرج منه. أميرة بخوف وتوتر: أنا عايزة المفتاح عشان أنزل، لو سمحت. عصام ببرود: مفيش مفاتيح. ويلا ادخلي، طلعي الهدوم من الشنطة وحطيها في مكانها، وإلا والله يا أميرة ما هيطلع عليكِ نهار. يلاااااا. أميرة اتخضت وقالت: بس اااا أنا حجزت الطيارة وهتطلع كمان خمس ساعات. عصام

وعيونه احمرت من الغضب: ومين بقا اللي حجز تذاكر طيران؟ أميرة بخوف: أنا. عصام: والله لأخلي نهارك أسود لو ما قولتي مين. أميرة برعب وارتباك: بصراحة، هو هووو ااااع... عصام بصريخ: اخلصيييي. أميرة وهي بتقول بسرعة: أنا قولت لعمر إني مسافرة، وهو حجز لي. عصام وهو يقرب منها ويشمر أكمام القميص، ومرة واحدة شدها من إيدها خلا ضهرها في صدره ولف إيديه على وسطها جامد وباسها من رقبتها بعنف وعض*ها.

أميرة بدموع وصراخ: اعااااااا. عصام، سيبني، أنت بتوجعني. عصام بعد عنها وقال بحده: معلش. دلوقتي، يلا روحي فضي الشنطة دي واتخمدي، فاااااهمة؟ أميرة بخوف: فاهمة. عصام فتح الباب وخرج، وكان ناوي يقفل الباب من برا، بس نسي وراح على أوضته ودخل الحمام ياخد شاور، بعد كده طلع نام. أميرة وهي تكلم نفسها بدموع: لا يا أميرة، اوعي تتراجعي. أنتِ هتسافري. متبصيش وراكي. هو مش شايفك، وكل يوم مع بنت شكل. لازم تمشي. لازم.

وبصت على الساعة، لقتها 8، وناقص ساعة ونص على الطيارة. استنت شوية وخرجت على طراطيف صوابعها وراحت أوضة عصام. لقيته نايم. بصت عليه قد إيه هيوحشها لما تمشي. بعد كده رجعت أخدت الشنطة ونزلت براحة. وأول ما خرجت من الفيلا، طلعت تجري بسرعة. ركبت عربيتها والبواب معاها عشان يرجع العربية تاني. لحد ما توصل المطار. وصلت، وكانت الطيارة فضلها ربع ساعة. راحت ركبت، والطيارة طلعت. وبعد 7 ساعات، وصلت لندن أخيراً. عند عصام.

صحى من النوم. وبعد شوية فاق وراح يشوفها. لاقاها مش موجودة. خبط على الحمام، مفيش حد رد. بص في الدولاب، ملقاش فيه لبس بتاعها خالص. والشنطة مش في الأوضة. نزل بسرعة وقال بصوت عالي: امييييره. وطلع برا، لاقى البواب قاعد. راح له: مشوفتش أميرة يا عم عبده؟ عم عبده: آه، دي سافرت الصبح. وأنا اللي وصلتها المطار. عصام بصدمة: إيه؟ سافرت؟ عم عبده: أيوا يا بيه. عصام بص له بعصبية: وأنت مش قولتي لي ليه قبل ما تمشي هااا؟

عم عبده: هي قالت لي، عصام بيقولك تعالا وصلني المطار يا باشا. عصام دخل الفيلا، لاقى كل اللي في البيت واقفين مخضوضين. فهد بحده: إيه يا عصام؟ وبتزعق ليه على الصبح؟ عصام: أميرة مشيت يا بابا. كلهم اتصدموا، إلا مجدة اللي فرحت جداً. مجدة بطريقة مستفزة: إيه بجد؟ يلا، في ستين داهية. عصام: مجدة هاااانم، أنا مش عايز أتعصب عليكِ عشان أنتِ ست كبيرة، فمتخلينيش أزعلك. فهد بحده: أمي، بعد إذنك متقوليش عليها كدا تاني.

مجدة بصت له بغيظ وسكتت. عصام بعصبية: أقسم بالله، هوريها إزاي تمشي من غير ما تعرف حد. إني مخلي أيامها سودا على دماغها. وطلع اتصل، حجز طيارة خاصة، وطلع أخد هدومه ومشي. سافر ليها. وبعد كام ساعة وصل. وركب عربية وراح على البيت. وكانت نانا اللي موجودة. عصام بهدوء: ازيك يا نانا؟ عاملة إيه يا قلبي؟ نانا بفرحة: عصام حبيبي، وحشتني أوي. وحضنته. عصام بابتسامة: وأنتِ كمان يا ست الكل.

نانا بزعل: اخص عليك. أنا لو كنت وحشتك بجد، كنت تيجي تطمن على نانا يا حيوان. عصام ضحك: حقك عليا يا قلبي. أنا غلطان، بس والله كان عندي شغل كتير. وكمل مابين أسنانه: أمال فين أميرة؟ نانا: أميرة خرجت يا حبيبي. أصلها بعد ما جت، في واحد جه بعدها اسمه اسمه، آه اسمه عمر تقريباً. واخدها وراحوا يتمشوا. عصام بغيرة وعصبية: وأنتِ بتسبيها تخرج مع أي حد يا نانا؟

نانا لسه هتتكلم، الباب اتفتح ودخلت أميرة. وشهقت لما خبطت فيه. بتبص، لقت عصام قدامها. بصت له بخوف وووو