رواية وقعت في عشقها الفصل السابع عشر 17 - بقلم الكاتبه الجديده

أميرة فاقت وافتكرت امبارح لما ضربها بالقلم، والصبح لما كانت فريدة قاعدة مكانها جنبه. الغيرة والغضب امتلكوها. أميرة بغضب: طلقني. عصام اتصدم وبص عليها بعصبية وقال: افندم؟ عيدى كده اللي قولتي ده تاني. أميرة بخوف بس حاولت تخليه برود: بقولك طلقني يا عصام. عصام بعصبية شدها من شعرها: طلاق مش هطلق يا أميرة، ولو السيرة دي جت على لسانك مرة تانية هقطعها، فااااهم؟ أميرة عيطت وإيدها على شعرها وبتحاول تخفف

قبضة إيده وقالت بصريخ: لا مش فاهمة. عصام بهدوء مصطنع وساب شعرها: وانتي عايزة تطلقي ليه يا هانم؟ ها. أميرة بعياط وقهرة: يعني مش عارف ليه؟ طريقتك معايا بقت زي الزفت من ساعة ما رجعنا الفيلا امبارح ضربتني واتعصبت من غير أي سبب. وكملت بغيرة: والصبح اللي اسمها فريدة قاعدة جنبك وانت ولا هنا قاعد عادي، أي خلاص لما اتجوزنا مبقتش أنا فارقة معاك للدرجادي؟ لآ تكون عايزها هي كمان بعد ما أخدت اللي عايزه.

ولسه هتكمل، لاقت كف نزل على وشها بعنف. عصام بعصبية وعيونه احمرت: بالنسبة لامبارح، انتي شايفة إن أنا غلطان لما أكون محرج عليكي متروحيش عند الزفت تاني مهما كان السبب؟ وانتي كسرتي كلامي وروّحتي تاني. حاجة، فاكرني حيوان عشان آخد من اللي عايزه؟ طب ما أنا كنت ممكن آخده منك من غير جواز ومحدش كان قدر يفتح بوقه بكلمة واحدة. اسمعي يا بنت الناس، لغيت ما تتعدلي كده متتكلميش معايا، تمام؟

أميرة مردتش بس لسه بتعيط، وراحت نامت. وهو سابها ودخل الحمام، وبعد شوية طلع ونام على الكنبة. تاني يوم أميرة صحيت وملقتش عصام في الأوضة. وقامت وهي حاسة بدوخة وتعب. ولبست دريس أبيض طويل واسع من عند الأكمام وسابت شعرها ولبست كوتش أبيض. ونزلت لاقت مفيش حد. جت وهي طالعة خبطت في فريدة. فريدة بعصبية: انتي عمية؟ ما تبصي قدامك. أميرة بصوت عالي وعصبية: وليه انتي اللي تبصي قدامك بروح أمك. فريدة بغيظ وصريخ: روح أمي؟

انتي بتقوللي أنا كده يا زبالة؟ أميرة بعصبية: ما انتي تربية وسخة. وبعدين إيه البجاحة دي؟ اتكلمي عدل واحترمي إنك في بيتي ومش واحدة زيك اللي تقول عليا أنا زبالة. قولي لنفسك انتي كده. عصام وفهد ومجدة وناهد وكلهم كانوا قاعدين برا. فهد بجدية: عامل إيه في الشغل يا عصام؟ عصام: متقلقش، كله تمام يا حج.

فهد لسه هيتكلم سمعوا صوت عالي من جوا. عصام أول واحد جرى، لاقى أميرة ماسكة فريدة من شعرها وبتضرب فيها. راح ناحيتها بعصبية وفضل يشد فيها، بس هي بتفلت منه تاني. وشده من وسطها جامد عليه. أميرة وهي بتحاول تفلت وبتقول بعصبية: والله ما هسيبك يا حيوانة. عصام زعق: بس بقااااا مش عاااااايز أسمع صوت. مجده بغضب وحقد: انتي قد اللي عملتيه ده؟ أميرة ومبقتش قادرة تسكت: اااااه قده، ويانا يا هى في البيت ده، سااااامعة؟ مجده قربت منها

والشرار بيطير من عينيها: وده اللي ناقص، انتي اللي تمشي اللي في البيت كمان؟ لا يا حلوة فوقي، فريدة مش هتمشي من هنا، ولو انتي عايزة تمشي امشي، محدش هيمسك فيكي. فهد بغضب: وانتي بردو يا أمي ملكيش إنك تتحكمي مين اللي هيمشي ومين هيقعد. البيت ده بيت أميرة واللي هي عايزاه هيتعمل غصب عن أي حد. عصام ببرود وساب أميرة: مفيش حد كلامه هيمشي، وفريدة ضيفة عندنا، مينفعش نمشيها، ولا إيه يا حج؟

فهد اتنهد: تمام، بس أقسم بالله لو حصل حاجة تاني زي اللي حصلت من شوية مش هيحصل خير أبداً، مفهوم؟ أميرة هزت راسها وفريدة كذلك، وهي بتبص لاميرة بغل. فهد بصرامة: انفضلوا يلا عشان نفطر. أميرة سرحت بحزن وغيره، وكل اللي في دماغها ليه عصام دافع عن فريدة؟ معقول بيحبها. فهد بصوت عالي: امييييرة. أميرة اتخضت: نعم يا عمو؟ في إيه؟ عصام بصلاها برفع حاجب وحس إن فيها حاجة مش مظبوطة. وفهد عاد كلامه: بقولك يلا عشان تفطري. أميرة

حست بدوخة تاني وقالت: تمام يا عمو، جايه اهو. فهد: تمام. ودخل الأوضة اللي فيها السفرة وقعد. أميرة حطت إيدها على دماغها، وماخدتش بالها من اللي بيرقبها بخوف عليها. اتحملت على نفسها وراحت السفرة. لاقت فريدة قاعدة مكانها، بصتلها بغضب وفريدة ابتسمت باستفزاز. وليد بمرح لما لقى الجو ابتدأ يتوتر: تعالي يا ميرو اقعدي جمبي، أصل بصراحة عايز أقولك حاجة.

أميرة ابتسمت وقعدت جنبه. وعلى اليمين ناهد وفهد على رأس السفرة، وعصام قدام أميرة. وليد وهو بيكلم ليلى: بت الجو تحسي إنه متوتر أوي النهارده، صح؟ ليلى بهمس: أيوا، بس تصدقي أنا فرحانة في فريدة أوووووي. وليد بضحك مكتوم: أحلى حاجة أميرة عملتها والله. فهد برفع حاجب: بتقولوا إيه يا واد انت وهي؟ وليد: مفيش حاجة يا بابا، بكلم أختي. ليلى: أيوا يا بابا، بيقولي إن أم وليد... حط إيده على بوقها بسرعة.

فهد بضحك: بيقولك إيه يا حبيبتي؟ شيل إيدك من على بوقها ياض. وليد بخوف مصطنع: هبقى أقولك بعدين يا حج، بس لو عايزني أقولك دلوقتي مفيش مشكلة. قالها وهو بيشاور بعنيه على فريدة وأميرة. فهد فهم إنهم بيتكلموا على اللي حصل وضحك بخفة: يلا سعاد حطي الأكل. أميرة أول ما سمعت رايحة الأكل، قرفت وحطت إيدها على بوقها وقامت جرى على الحمام. ناهد بخوف: أميرة إيه؟

عصام قام جرى وراها بسرعة ودخل الأوضة وفتح باب الحمام، لاقاها بتستفرغ. راح وقف وراها وسندها وضهرها بقى في صدره: أميرتي، انتي كويسة؟ أميرة بعد ما خلصت وغسلت وشها، ساندت بضهرها عليه. أميرة بتعب: اااه، كويسة. وبعدت عنه وطلعت، بس حسّت بدوخة ووقعت مابين إيديه فاقدة الوعي. عصام شالها حطها على السرير واتصل على دكتورة. كشفت عليها وطلعت قالت بابتسامة: ده شيء عادي جداً يحصل في الفترة دي. عصام بعدم فهم: فترة إيه؟

الدكتورة: فترة الحمل. ألف مبروك، المدام حامل. عصام فرح هو وبقية العيلة. ناهد بفرحة زغرطت: لولولولولولولولولولوي. فريدة اتغاظت وراحت أوضتها ومجدة راحت لها. فريدة بغيظ: شوفتي شوفتي، طلعت حامل. مجده بخبث: طب وماله؟ ماهو ده المطلوب يا موكوسة. فريدة بغل: إزاي؟ مجده بشر: هنخليها تسقط. ناهد بصدمة: انتوا بتقولوا إيه؟ فريدة ومجدة اترعبوا وبصوا وراهم وووو