رواية وقعت في عشقها الفصل السادس عشر 16 - بقلم الكاتبه الجديده

وليد كان بينده على ندى، بس هي صرخت فيه. ندى بعصبية: عايز مني إيه؟ ابعد عني بقى يا أخي. وجت وهي بتعدي الطريق، عربية كانت جاية بسرعة كبيرة عليها. وليد بخوف: نددددددددى حااااااسبى! وجرى بسرعة نط عليها، وقعها بعيد عنها وهو فوقيها. ندى كانت مخبية وشها بإيديها وبتعيط. وليد قام وقف وقومها، وقال وهو بيحاوط وشها: ندى انتي كويسة؟ جرالك حاجة يا عمري؟ ندى زقته جامد وزعقت: لا مش كويسة. ملكش دعوة بيا تاني يا وليد.

وليد شالها على كتفه وهي بتصرخ وبتضربه في ضهرها. ندى: اعااااا سبني بقولك! فجأة شهقت لما ضربها على مؤخرتها وسكتت بصدمة. وليد ابتسم بخبث وحطها في العربية وركب ومشى. ندى بعصبية: انت إيه اللي عملته ده يا قليل الأدب انت؟ وليد ببرود: بلاش غلط بدل ما أقطع لسانك يا ندى. ندى سكتت لأنها مش قادرة تتكلم، وبصت من ناحية الشباك وسندت راسها. ووليد مراقب كل حركتها. عند عصام.

أميرة كانت في المطبخ بتعمل أكل، فجأة اتخضت لما عصام حضنها من ضهرها. أميرة بخضة وخجل: عصام خضتني وابعد عشان أعمل الأكل. عصام وهو بيبوس رقبتها: كملي يا قلبي. أميرة بخجل ووجع لما عضها: ااااه عصام لو سمحت كفاية كدا وابعد. عصام بعد وشالها ودخل الأوضة وووو. وبعد أسبوع. عصام رجع الفيلا هو وأميرة، وابتدت تروح الكلية. ورائد مش بيشوف حبيبته خالص وهيتجنن عليها. ووليد وندى كل يوم حبهم بيكبر لبعض ومش عايزين يعترفوا.

وفريدة ومجدة بيخططوا عشان يخربوا حياة عصام وأميرة. وحبيبة مبقتش تكلم ليلى ولا حد من ساعة ما سابوها ومشيوا، وقاعدة في البيت على طول. ليلى بتحاول تكلم حبيبة بأي طريقة بس هي مش قابلة. في يوم. عصام روح البيت وكانت أميرة مش موجودة. استغرب جدا وفضل يرن عليها بس مش بترد. فكر شوية وافتكر آخر مرة لما كان تليفونها مقفول، كانت عند صاحبها بتاخد درس. عيونه احمرت بغضب ونزل راح بالعربية وطلع العماره وخبط بقوة.

رعد جه فتح الباب، لاقى بوكس في وشه جامد لدرجة إن بقه اتعور. عصام دخل وهو بيزعق. عصام بعصبية: اميييييره تعالى هنا! أميرة جت بسرعة من الأوضة اللي أصحابها فيها بياخدوا درس. أميرة بخوف: عصام أ أنا ك ك كان لازم أجي الدرس لأن بناخد حاجات مهمة. عصام بعصبية: وأنا مش اتزفت قولت متجيش البيت ابن ال**** ده! أميرة دموعها نزلت بخوف. راح عصام شد أميرة بعصبية وبص لرعد بتحذير: على الله أشوفك جنب أميرة مرة تانية، فاهم.

رعد بصاله بغضب وعصام أخد أميرة ونزل وزقها في العربية. أمد ولف ركب وساقها بسرعة كبيرة لحد ما وصل البيت ونزل فتح الباب لأميرة. عصام بعصبية: اتفضلي انزلي. أميرة بدموع وخوف: عصام ارجوك اسمعني أنا روحت لعصام قاطع كلامها: بقولك انزلي. أميرة بخوف دخلت لجوا العربية وقالت: لا مش نازلة يا عصام. أهدى الأول. عصام شدها من شعرها نزلها غصب عنها ودخلها الفيلا وطلع أوضتهم ورمها في الأرض بعنف. عند فريدة.

شافت كل اللي حصل وجريت على أوضة ستيها. فريدة بفرحة: نينا نينا قومي شفتي إيه اللي حصل. مجده: إيه؟ فريدة حكتلها اللي حصل ومجدة فرحت أوي. مجده بخبث: دي لعبتك انتي بقى يا فريدة. بكرا ابقي ادلعى عليه عشان تعجبيه ويتجوزك. فريدة بخبث وفرحة: هعمل كدا يا نينا متقلقيش. في أوضة عند أميرة. أميرة خافت منه وقالت: عصام اسمعني. عصام قرب منها الغضب وقعد في الأرض قدامها: إيه اللي وداكي هناك؟ أنا مش بحرج عليكي متروحيش تاني مهما حصل.

أميرة مردتش، بس صرخت لما عصام ضربها بالقلم جامد. عصام بعصبية: ده عشان مش سمعتي كلامي وروحتي. وضربها قلم تاني وده عشان كنتي قاعدة معاه جوا. أميرة بانهيار: اااااه كفاية بقى سبني. وقامت وقفت ودخلت الحمام جري فضلت تعيط. وعصام غير هدومه بغضب وراح نام. بعد شوية أميرة لما مسمعتش صوت طلعت برا ونامت على حرف السرير. تاني يوم.

عصام نزل، قعد على السفرة بعد ما صبح عليهم وكان كله موجود. وبعديه أميرة نزلت وهي لابسة جيبة سودة، قميص أبيض مدخله في الجيبة وكوتش أبيض وشنطة بتاعت كلية سودة وعاملة شعرها كحكة. وكان شكلها كيوت أوي. أميرة: صباح الخير. الجميع الا فريدة ومجدة: صباح النور. أميرة بتبص لاقت فريدة قاعدة مكانها جمب عصام واتعصبت. ناهد: تعالي يا أميرة اقعدي جمبي. أميرة بصوت مخنوق حاولت تخليه عادي: لا يا خالتو أنا ماشية عشان ورايا محاضرة مهمة.

فهد: يا بنتي هي المحاضرة هتطير؟ تعالي الأول. أميرة بصت على فريدة اللي ولا كأنها قاعدة مكانها وعصام اللي مش مديها أي اهتمام وقالت: لا سلام. ولفت مشيت من غير ما تتكلم مع حد. عصام نفخ بضيق لأنه عارف إنها مش بتاكل غير معاه بليل وما أكلتش من امبارح. وخرج بس مكنتش موجودة. ركب عربيته ومشى راح الشركة. وأميرة راحت الكلية حضرت المحاضرات وروحت. وأول ما دخلت الفيلا كان الكل قاعد. مجده بكره: يا ترى زعلتي الواد في إيه يا نحس؟

عشان يقلب وشه ويقوم من على الأكل وراكي كدا. أميرة مردتش عليها وكملت طلوع. ومجدة اتعصبت وقالت: ليكي حق مترديش، مانتي قليلة ترباية. فريدة بمياصة: خلاص يا نينا سيبها. أنا لما عصام ييجي هخليه يهدى، ما هي أكيد منكده عليه عيشته. فهد بزعيق: فريدة يا تقعدي باحترامك ويا تمشي من هنا. ملكيش دعوة بحياة أميرة وعصام، فاهمة. فريدة بغيظ: فاهمة يا عمو. ناهد بطيبة: اطمني يا أميرة استريحي. وأنا هجيبلك غدا عشان تاكلي.

أميرة: لا يا خالتو تسلمي بس مش جعانة. وطلعت فوق. وأول ما دخلت رمت نفسها على السرير وانهارت في العياط لحد ما أغمى عليها. عصام في وقت متأخر وطلع دخل وقفل الباب. بيبص لاقى أميرة نايمة كدا بس طنش وراح الحمام أخد شور وطلع وصدره عري. استغرب إنها حتى محستش بيه. عصام ببرود: أميرة. مردتش. عصام بقلق راح ناحيتها وعدلها لاقاها مش بتفوق وفي آثار دموع على وشها. جاب برفان وشممه ليها. أميرة وهي بتفوق: ااااه دماغي.

عصام بلهفة: أميرتي انتي كويسة؟ أميرة فاقت وهي حاسة بصداع وبصتله. افتكرت امبارح لما ضربها، والصبح لما فريدة كانت قاعدة جنبه. الغيرة والغضب تملكوا منها. أميرة: طلقني. عصام بصالها بصدمة ممزوجة بعصبية. وفجأة.........