رواية وقعت في حب عاجز الفصل الحادي والعشرون 21 - بقلم ياسوو محمود

ميرا بدموع: كريم ممكن تحجزلي على أول طيارة نازلة مصر؟ ماما في العناية وبتتموت. كريم: ط... طب بطلي عياط وأنا هحجز وأجي معاكي. ميرا: ت... تمام، بسرعة والنبي لحد ما أجهز نفسي. وبالفعل، حجز كريم تذكرتين، واحدة له وواحدة لميرا. وبعد أربع ساعات، وصلت ميرا وكريم لمصر. في المستشفى، العائلة متجمعة عند غرفة هدى. الدكتور: هي هتفضل تحت الملاحظة 24 ساعة. آدم: تمام يا دكتور، شكراً.

كانت مي وقمر بيبكوا على حال هدى، فهي بمقام والدتهم ولا تستاهل اللي بيحصل فيها ده. ومحمد بيبكي بقهر على حال زوجته ورفيقة دربه، وقد إيه هما عاشوا أيام صعبة عشان يبقوا مع بعض رغم عدم موافقة أهلها. وضياء قاعد وباين عليه التعب وخاسس بطريقة فظيعة ومش بيروح جلسات العلاج بتاعه. ورعد بيهدي آدم. أحمد: اهدي يا آدم أنت ومحمد، إحنا عملنا اللي علينا وفضلنا ندور عليها، والباقي عند ربنا. وأكيد لما تعرف إن هدى تعبت هتيجي.

آدم: هتعرف منين يا عمي؟ رعد: أنا... وقاطعهم صوت ميرا الباكي وهي بتقول: ماما فين؟ صدمة حلت على الكل. ضياء: م... ميرا؟ انتي هنا؟ بجرى عليها وحضنها. ميرا وهي بتبعده عنها: ابعد عني، ماما فين؟ محمد بيشدها من ضياء وبيضربها بالقلم: انتي تخرسي خالص. لو حصل لهدى حاجة، صدقيني ما هسمحك وهفضل غضبان عليكي ليوم القيامة. لو ما كنتيش هربتي ما كانش كل ده حصل. ميرا بعياط: وغصب عني. وبتشاور على ضياء: هو...

هو السبب. هو اللي خلاني أعمل كده. آدم بغضب: ده مش مبرر يا ميرا. ميرا بغضب: لا مبرر. لما يجبرني إني أتزوجه يا إما يغتصبني ويخليني أنا اللي أطلب الجواز، يبقى مبرر. لما أهرب خوف منه يبقى مبرر. لما أعرف إن أهلي هما اللي وافقوا على ده يبقى مبرر. محمد: إحنا ما وافقناش يا ميرا على حاجة.

ميرا: ما تكذبش. في اليوم ده كان الشهود لابسين أقنعة، بس لفت نظري شخص لابس أسورة في إيده. عرفت إنه أنت يا آدم. الأسورة دي كانت أول هدية أجبهالك في عيد ميلادك، وأنت قلت عمرك ما هتشيلها من إيدك. رعد بصرامة: خلاص، بطلو كلام. وأنتي يا ميرا روحي شوفي طنط هدى، يمكن تفوق لما تسمع صوتك. وبالفعل، دخلت ميرا الغرفة وشافت هدى وفضلت جنبها ومسكت إيدها وفضلت تعيط وتحكي لها اللي حصل. في الخارج.

رعد: قمر، يلا أنتي ومي وبابا روحوا علشان الولاد وبابا عشان يستريح. قمر: حاضر. وبالفعل مشيوا. رعد: احم، آدم عايز أتكلم معاك، تعالى ننزل. آدم: تمام.