رواية وقعت في حب قاسي الفصل الرابع والعشرون 24 - بقلم اية سلمان

عند حور الساعة ١٢. حور وهي بتتنطط على السرير بفرحة: عااااااااا سابها سابها البومة أم أربعة وأربعين، أحسن والله ما كنت بحبها أصلاً. هييييييييه... لالا اهدي ي حور أحسن يفكروني اتجننت. رمت جسمها على السرير وهي فاتحة إيدها. حور بتفكير: لازم برضه أروح أشوف فهد بعد اللي حصل النهاردة ده. أيوا أنا هروح... بس لو طلع متعصب... لالا أنا هروح واللي يحصل يحصل بقى. قامت جري وراحت أوضة فهد وفتحت الباب من غير ما تخبط.

حور بخضة: ي لهوتي ي لهوتي. وقفلت الباب ووقفت وراه. حور بتوتر وإحراج: غبية غبيييييية، حد يفتح الباب من غير ما يخبط. منك لله ي حور ي بنت أم حور. أنا هروح أوضتي أحسن. كان سبب إحراجها فهد اللي ماكنش لابس حاجة غير فوطة ملفوفة على جسمه. لسه هتمشي لقت الباب بيتفتح وفهد شدها لجوة. حور بتوتر: ف فهد، والله ما كنت أعرف إنك إنك... فهد بخبث: إني مش لابس. حور بإحراج ووشها بقى أحمر خالص: آآه.

فهد مثل إنه متعصب: في حد يفتح الباب من غير ما يخبط؟ حور بخوف: و و الله ما كان قصدي. فهد بصوت عالي نسبياً: إزاااي تعملييي كده؟ حور بدموع وهي كاتمة شهقاتها: و و الله ما كان ق قصدي. (شهقة) فهد بضحك: ي لهوي اهدي بهزر بهزر، إنتي أسهل حاجة عندك العياط كده. حور خبطته على كتفه. حور بزعل: طيب أوعى بقا لو سمحت. فهد بحنية: أه كده تضربيني؟ حور ربعت إيدها: أوعى عشان بجد زعلانة منك وأوي أوي كمان. فهد بيضحك على شكلها: زعلانة إزاي؟

حور سرحت في ضحكته وشعره المبلول اللي نازل على عينه. فهد بخبث: إيه حلو أوي كده؟ حور بتوهان: أوي أوي. فهد بضحك: حووووور اصحي ي ماما عينك هتاكلني. حور خدت بالها من كلامه. حور بلوي بوز: والله إنت رخـم. أوعى. فهد بضحك: طيب خلاص خلاص. هههه كنتي جاية ليه؟ حور بتذكر: آآه كنت جاية أسألك إيه اللي حصل النهاردة ده. فهد باستغراب: إيه اللي حصل؟ حور: آآ أقصد إيه اللي خلاك تعمل كده مع ليليان؟ فهد بهدوء: متفكريش في الموضوع ده.

حور بفرحة حاولت تداريها: صعبت عليا أوي بجد. فهد بخبث: ي شيييخه. حور بتوتر: آآ أيوا طبعاً. فهد: أيوا أيوا مانا عارف. وبص لحور. فهد بهدوء: بكرة تقولي لباباكِ مش عايزة مصطفى. حور بغباء: دا ليه؟ فهد بغيرة: إيه عايزة تكملي الخطوبة ولا إيه؟ حور بتوتر: أنا مش عايزة أكسر قلبه. فهد بهدوء بعد عنها: يعني إيه؟ حور: ممكن نخليها لما نرجع من السفر لو سمحت ي فهد، على ما أكون فكرت بطريقة أقولهاله. فهد بص لها: تقوليها لمين ي طنط معلش؟

حور: لمصطفى. فهد قرب منها: إنتي تقولي قرارك لأبوكي وهو يوصله المعلومة وخلاص. قال تقوليله قال. وطول ما إحنا في الرحلة دي ملمحكيش بتتكلمي معاه. حور بابتسامة: حاضر. يلا هروح أنام بقى. فهد بوقاحة: بما إننا بكرة هنمشي سوا، ما تخليكي هنا. حور بصدمة من جرأته: يلا ي قليل الأدب ي اللي مش متربي. فهد ببراءة: أنا قصدي عشان منتأخرش بس إنتي اللي نيتك وحشة ي ريري. حور بغيظ: فهد قولتلك قبل كده مبحبش الاسم ده.

فهد باستفزاز: ليه ي ريري دا اسم جميل. حور بزهق: فهههههد قولتلك متقولش الاسم دااااا. إيه ريري دي؟ فهد بضحك: هههه خلاص خلاص. ما قايله. حور: أحسن. يلا تصبح على خير. فهد: وإنتي من أهلي ❤️. الساعة ٥ الفجر. حور بصوت عالي: فااااااااااااااااهد! فهد بخضة: ف إيه ي ستار ي رب. حور بضحك: هههههه هموت مقادرة هههههه يلهوتي ههههه شكلك مسخرة ههههههه. آه آه بطني همووووت بجد منك. فهد خبطها بالمخدة: ي شيخة أبو شكلك. في حد يصحّي حد كده؟

حور وهي هتغمى عليها من الضحك: ياني همووووت ههههه مشوفتش شكلك. لالا بجد إيه دا هههههه اتخضيتي ي بيضة؟ فهد بغضب: إيه ي بيضة دي؟ اتلمي. حور وهي بتحاول تمسك ضحكتها: احم خ خلاص آسفة. ههههههههه لالا آسفة بجد مش قادرة. فهد قام وقف فجأة: حور امشي من وشي دلوقتي أحسنلك. حور بعند حطت إيدها في جنبها: لا مش همشي. فهد بخبث: خلاص هغير قدامك. حور بصدمة وخجل: آه ي اللي متختشيش ي ثافل. أنا طالعة. وطلعت بره.

بعد ساعة كانوا على باب الڤيلا. حور عمالة تبص في الساعة: أوووف هو فين كل دا؟ فهد بتساؤل: هو إيه؟ حور: الباص. فهد: ما هو مش هييجي. حور باستغراب: إيه دا ليه؟ أمال هنروح إزاي؟ فهد: بعربيتي. أنا اتكلمت مع الدكتور بتاعك وقولتله إننا هنروح بعربيتي. حور: طيب يلا. ركبوا واتحركوا. حور بطفولة: فهد اقف اقف. فهد: ف إيه؟ حور: فهد بالله عليك عايزة غزل بنات من ده. فهد: حاضر. حور: من الأحمر مش الأبيض. فهد بضحك: حاضر.

نزل جاب لها و كمل طريقه، وخلال ٤ ساعات وصلوا للفندق اللي هيقعدوا فيه. مصطفى شافها راح لها. مصطفى: مبترديش على مكالماتي ليه ي حور؟ حور لسه هتتكلم قاطعها فهد. فهد ببرود: ترد عليك ليه؟ مصطفى ببرود مماثل: عشان خطيبها. فهد بسخرية: هو إنت متعرفش إن الخطوبة دي هتتفركش؟ مصطفى بصدمة: نعم؟ إنت بتقوووول إيه؟ فهد: آه والله. مصطفى بغضب: الكلام ال بيقوله ده صح ي حوووووور. فهد حط حور ورا ضهره: ملكش كلام معاها، كلامك معايا أنا.

مصطفى بغضب: إنت مااااااالك إنت؟ إنت تبقييييي ميييييين؟ دييييي خطيييييبتي. وحاول يشد حور. حور بخضة: فهد لا! فهد ضربه بالبوكس و اتكلم ببرود: إياك تفكر تلمسها أو تبصلها حتى. فاهم؟ ومسك حور ومشي بيها لغاية الريسبشن، وعرف أوضة حور فين وأخد أوضة جنبها. وطلعوا فوق يرتاحوا من السفر. عند مصطفى تحت كان بيتكلم في الفون.

مصطفى بحقد: كان عندك حق لما اتصلتي عليا وقولتيلي إنها بتضحك عليا. أنا معاكي في كل اللي هتعمليه. المهم حور تبقى ملكي. ليليان بخبث: أوعدك هتبقى ملكك بس إنت نفذ اللي هقولهولك. مصطفى: قولي. ليليان: ********.