رواية وقعت في حب قاسي الفصل الثامن والعشرون 28 - بقلم اية سلمان

الدكتور: بس الانسة اللي جت معاه للأسف الضربة كانت شديدة عليها وده أدى لدخولها في غيبوبة. محمد بصدمة ورجع لورا: إيه؟ غيبوبة؟ سيف بحزن: طيب هي ممكن تفوق منها إمتى؟ الدكتور بأسف: للأسف دي حاجة مش بإيدينا، الله أعلم، ممكن أسبوع، ممكن شهر أو سنين كمان. نور بعياط: آه يا بنتي، يا ريتني ما سافرتك ولا خليتك تبعدي عن عيني. محمد قرب من نور المنهارة وضامها: اهدي، إن شاء الله هتبقى كويسة.

نور بصت لسيف: كله بسبب فهد، هو اللي عرضها للخطر، ده مش مسامحاه، مش هسامحه أبداً. مليكة بغضب: تقصدي إيه يا نور؟ الحق عليه إنه كان عايز يخلي باله منها. نور بزعيق: ياااااارييييته ما راااااح، أكيد عمل كده قصدًا، راح معاها قصدًا عشان العملية تتم، لولاه كانت بنتي زمانها بخير دلوقتي. مليكة بحزن من كلام نور: أنا مش هتكلم معاكي دلوقتي عشان الحالة اللي إنتي فيها. نور بقهر: وانتي هتعرفي حالتي إزاي؟

وابنك دلوقتي كويس، بس بنتي أنا اللي بين إيدين ربنا دلوقتي. مليكة مقدرتش تقف أكتر من كده، فقامت بسرعة وراح وراها سيف. دارين بحزن: ما كانش يصح تقولي كده يا نور، إنتي عارفة مليكة. نور: بقولك إيه يا دارين؟ لو هتدافعي عنها يبقى تسكتي أحسن. فيروز بصت لأياد اللي ساكت من بدري، وقربت منه. فيروز بحنية: إن شاء الله هتبقى بخير يا حبيبي. أياد بعد عنها. فيروز باستغراب: أياد، مالك؟ أياد ببرود: مفيش.

قام من جنبها ومشي، بس فيروز راحت وراه ومسكت إيده. أياد ببرود: سيبي إيدي يا فيروز. فيروز بدموع: أياد، إنت بتعمل معايا كده ليه؟ أياد: بقولك سيبي إيدي. فيروز حضنته: أياد، أنا عارفة إنك مدايق، بس أنا ذنبي إيه؟ أياد زقها وبصلها نظرة مفهمتهاش: ذنبك إنك أخت اللي كان السبب في الحالة اللي عيلتي وصلت لها، وأختي اللي بين الحياة والموت. فيروز قربت منه تاني. أياد بهدوء: فيروز، خليكي مكانك، متقربليش.

فيروز كانت مصدومة من رد فعل أياد اللي بيعشقها. أياد مشي وكان نازل من ع السلم. فيروز جريت وراه: اياااااااد، اياااااااد، استني بقولك. أياد مرضيش يبص وراه. فيروز بزعيق: ايااااد، بقولك ااااااااااااااااااه. أياد بص وراه، لقى فيروز قاعدة ع السلم وماسكة بطنها. أياد بخوف جري عليها: روز، روز، مالك؟ إنتي كويسة؟ فيروز بوجع: آآآآه، بطني بتتقطع، ااااااااااااااه، مش قادرة. أياد بص لقى وشها أصفر وعرقت جامد.

أياد بخوف شالها بسرعة: دكتوووورة، دكتوووورة بسرعةههه. جت دكتورة وأخدتها ودخلوها وكشفت عليها. الدكتورة بقلق: دي حالة ولادة. أياد بخوف: بس، بس، ده لسه بدري، دي في السابع. فيروز بوجع: اااااه، اعملوا أي حاجة بس خلصووووني، همووووت، ااااه ي ماماااااا. الدكتورة: للأسف لازم تولد ولادة مبكرة، أنا هقولهم يحضروا أوضة العمليات. خرجت الدكتورة، وأياد جري ع فيروز. فيروز بعياط وألم: مش قادرة ي ايااد، اااه، ه هموت من الوجع.

أياد وهو بيمسح عرقها: بعد الشر، بصي ابننا أو بنتنا مستعجلين ييجوا ع الدنيا، شوية وهنشوفهم. فيروز بدموع: أنا عايزة مامااا، اااه، عايزا ماما. أياد: أنا هندهلهم، مش هاغيب. فيروز مسكت إيده: لالا، متسبنيش، امممم، اتصل عليهم. أياد مسك تليفونه واتصل ع سيف. سيف: الو، أيوه يا أياد، حصل حاجة؟ أياد بقلق: عمي، في فيروز بتولد. سيف بصدمة: إيييه؟ مليكة بخوف: حصل إيه؟ سيف: طيب قولي إنتوا ف أوضة كام... طيب جايين أهو، سلام.

مليكة بخوف: ف إيه؟ سيف: فيروزة بتولد، تعالي نروح لها يلا بسرعة. طلعوا بسرعة وراحوا ل فيروز. أياد اتصل ع محمد، بس نور مرضيتش تنزل، ف محمد فضل معاها، وإسلام ودارين راحوا ل فيروزة. فيروز بوجع: حد يخلصني، هموووووت. مليكة بقلق: اهدي ي روحي، اهدي، هتقومي بالسلامة إن شاء الله. جت الدكتورة وأخدت فيروز، اللي أصرت إن أياد يدخل معاها. بعد ساعة سمعوا صوت بيبي، بعدها بشوية خرج أياد وهو شايل البيبي. كلهم جريوا عليه.

مليكة بقلق: فيروز عاملة إيه؟ أياد بابتسامة: متقلقيش، كويسة أوي، هتروح الأوضة دلوقتي، بصوا جابت ولد زي القمر إزاي. مليكة بفرح: ربنا يحميه، قمر فعلًا. قاطع كلامهم وفرحتهم...