رواية وقعت في حب خادمتي الفصل الثاني والعشرون 22 - بقلم فرح القصاص

بعد مرور سنة، سما كانت قاعدة وشايلة تميم، ولميس قاعدة جنبها. لميس: مامي. سما: نعم يا عيون مامي. لميس بطفولة: امتى بقى هيكبر تميم عشان نلعب سوا؟ سما بضحك: طيب ما تلعبي معاه دلوقتي. لميس: ما أنا لما أجي ألعب معاه بيعيط. ويدخل عليهم يزن. لميس بفرحة: باااابييي! وتجري عليه. يزن يشيلها: إيه ده مال ليلو؟ سما بضحكة رقيقة: عايزة تميم يكبر بسرعة عشان يلعب معاها. يزن: اممم، عشان كدا ليلو زعلانة. لميس تهز راسها بطفولة.

يزن يطلع إيده من ورا ظهره: طيب شفتِ بابا جاب لك إيه؟ لميس بفرحة: ده كله ليا؟ يزن: أيوا، كله ليكي. لميس: طيب وتميم؟ يزن: لما يكبر شوية هجيب له. لميس: بتحضنه! أنت أحلى بابي في الدنيا. يزن: وأنتِ أحلى ليلو عندي. لميس: أنا هروح أوريهم لأنكل ياسين وطنط قمر. يزن ينزلها: أوكي روحي بس متجريش. لميس وهي بتجري: حاضر.. حاضر. يزن: برضه بتجري. سما بضحك: من فرحتها بس. يزن يروح يقعد جنبها ويقبل رأسها ويقبل تميم.

سما: اتأخرت النهاردة ليه؟ يزن: كان ورايا كام حالة إسعافية. سما: امممم. يزن: مالك يا سما؟ سما: مفيش. يزن: لأ في، حد ضايقك أو زعلك؟ سما: لأ أبدًا، أنا جيت من الجامعة طلعت على أوضتي عشان تميم. يزن: أومال مالك؟ سما: بابا. يزن: عمي ماله؟ سما بدأت دموعها تنزل. يزن بقلق ويمسح دموعها: في إيه يا سما قلقتيني.

سما بعياط: أنت عارف إن بابا بقاله فترة تعبان وعملنا تحاليل وإشاعات ولما روحنا النهاردة للدكتور وشاف الإشاعات والتحاليل، طلع عنده، وشهقة، طلع عنده الكانسر. يزن بتفاجؤ: الكانسر؟ سما بعياط: أيوا وقالي حالته متأخرة أوي. يزن بيحضنها: طيب اهدي إن شاء الله هتتحل وعمي هيكون بخير. سما: بابا عايزاني أروح له بكرة. يزن: أصلًا مينفعش نسيبه لوحده، إحنا هنروح أنا وأنتِ ونجيبه هنا. سما: أنا بحبك أووي. يزن: وأنا كمان.

سما: هي الساعة كام؟ يزن: عشرة، ليه؟ سما: لميس مانمتش لسه ومدرستها... امسك كدا. يزن: أعمل له إيه؟ سما: نيمه عقبال ما أنا أنيم لميس. وتطلع من الأوضة. يزن: أنا ورايا شغل بدري فـ يلا نام ومتتعبش بابا معاك... ويبدأ يعيط. يزن: طيب بتعيط ليه دلوقتي، خلاص ما تنام أنا غلطان.. شششش. ويقوم ويفضل يهز فيه. يزن: أمك لبستني أنا الليلة، ماشي يا سما. **************************** ياسين: الله! جاب لك كل دول؟ لميس: أيوا. ياسين

يشيلها يقعدها على رجله: قولي لي بقى عملتِ إيه في المدرسة؟ لميس: ما عملتش حاجة، خدت الهوم وورك بتاعي وجيت، مامي ذاكرته معايا. والباب بيخبط. ياسين يقوم يفتح. سما: لميس عندك يا ياسين؟ ياسين: أيوا... لميس. لميس: نعم. سما: يلا يا لميس معاد النوم. لميس: حاضر.. جود نايت. ياسين بابتسامة: جود نايت. ولسه بيقفل الباب بيلاقي قمر قدامه. ياسين: كل ده بتعملي قهوة وكمان طلعتِ من غيرها؟ قمر ببرود: نفسي اتسدت مش عايزة حاجة.

ياسين: في إيه يا قمر؟ قمر: مفيش، عايزة أنام. ياسين يمسكها من إيدها براحة: قمر مالك؟ أنتِ كنتِ نازلة مبسوطة وعادي إيه اللي حصل؟ قمر: سما كانت بتعمل إيه هنا؟ ياسين: وأنتِ ما شفتيش إن كان معاها لميس؟ قمر: ده مبرر؟ ياسين بدون فهم: هو في إيه؟ قمر: أنت ليه ما قلتليش إن سما كانت حبيبتك زمان وكنت عايز تتجوزها؟ لأ وكمان كنت بتكره أخوك بسببها. ياسين: أنتِ عرفتِ منين؟ قمر: مش مهم عرفت منين، أنت ما قلتليش ليه الحقيقة من الأول؟

ليه كدبت عليّ؟ ياسين: أنا ما كدبتش عليكي في حاجة، أنا قلتلك إني كنت بحب واحدة زمان وحكيت لك كل حاجة. قمر بزعيق: بس ما قلتش إنها سما. ياسين: وطي صوتك، الكل نايم. قمر بزعيق أكتر: لا يكون خايف حبيبة القلب تسمع ولا حاجة.. ياسين بتحذير: قمر أنا كل ده بكلمك بهدوء فـ عدي الليلة أحسن لك. قمر: آه قولي بقى إنك لسه بتحبها واتجوزتني عشان ما تلفتش نظر أخوك عليك. ياسين يضربها بالقلم. قمر وهي واضعة إيدها على خدها مكان الضربة.

قمر: أنت بتضربني عشانها؟ ياسين: أنا لو ما بحبكيش ما كنتش اتجوزتك أصلًا. ويفتح الباب وهو ماشي يقفله جامد بعصبية. قمر بعصبية: ماشي يا ست سما، كل ده بسببك أنتِ. ***************************** في الصباح سما بتدخل الأوضة بتلاقي يزن نايم وتميم نايم على صدره. سما تبتسم وبتروح لعندهم بتشيل تميم بهدوء وتحطه في سريره وبتقرب من يزن تصحيه. سما: يزن.. يزن. يزن بيفتح عينه براحة: سما. سما بضحك: أيوا أنا.

يزن: أنتِ جيتِ امتى ما حسيتش بيكي؟ سما: كنت بنيم لميس، نمت أنا جنبها. يزن: أيوا. سما: طيب يلا قوم اجهز عشان نروح لبابا. يزن: حاضر.. أنتِ صحيتِ لميس؟ سما: أيوا والشوفير خدها يوصلها.. يلا قوم أنت بس. يزن: بابا كان له وجهة نظر لما قالي مش هلاقي زيك. سما بابتسامة: عشان تعرف بس.. قوم بقى عشان ما نتأخرش. *************************** سما: هو بابا فين؟ الممرضة: في أوضته. سما: طيب هو كويس؟

الممرضة: أنا مش هكدب عليكي، حالته كل يوم بتسوء عن اليوم اللي قبله بس إنها حالته وحشة أوي. سما بعصبية: وأنتِ لازمتك إييي يعنيييي؟ يزن: اهدي يا سما هي أكيد مش فـ إيديها حاجة. الممرضة: أنا بعمل زي ما الدكتور قالي والله بس هي كانت حالته متأخرة أصلًا. سما بدموع: ابعدي كدا. وبتروح لأشرف. يزن: ما تضايقيش منها هي بس متوترة وكدا. الممرضة: لأ عادي ده مهما كان باباها. سما بعياط: بابا! وبتروح تحضنه.

أشرف بتعب: سما أنا كويس يا حبيبتي ما تخافيش. سما بعياط: أنا مش هسيبك هنا لوحدك، هتيجي معانا أنا ويزن البيت تقعد معايا. أشرف: لأ يا بنتي أنا مرتاح كدا. سما: مفيش لأ، هو أمر هتيجي معانا وخلص الكلام. أشرف: أنا عايز أموت هنا في بيتي. سما بعياط أكتر: ما تقولش كدا يا بابا أنت هتخف وتبقى كويس إن شاء الله.

أشرف: أنا عايز أقولك على سر كنت مخبيه عنك وكل ما أجي أقولك بتراجع تاني بس خلاص مينفعش أخبي تاني، أنا دلوقتي يعتبر ما فضليش كتير في الدنيا. سما بعياط: بابا ونبي ما تقول كدا. أشرف: اسمعيني بس يا سما بس أوعي تاخدي أي قرار فـ وقت عصبية. سما: قول يا بابا سمعاك. أشرف: مامتك ما ماتتش موتة طبيعية زي ما قلتلك، أنا كدبت عليكي. سما بدون فهم: قصدك إيه؟ يعني إيه كدبت عليّ؟ أومال ماما ماتت إزاي؟ أشرف: حكى لها اللي حصل.

سما بصدمة: يـ.. يزن السبب في موت ماما؟