رواية وقعت في حب خادمتي الفصل التاسع 9 - بقلم فرح القصاص

يزن بيشيل الفوطة من على كتفه بعصبية وخنقة وبيرميها، بتيجي على سما بتدلق القهوة على إيديها. سما بألم وصويت: اااااااههه! يزن بيلتفت ورا بخضة من صويتها وبيلاقيها ماسكة إيدها وبتعيط، بيقرب منها وبيمسك إيدها براحة. سما بعياط وألم بتشد إيدها. يزن: سما مش وقته، وريني إيدك. سما بتتجاهله وبتروح الحمام وبتشغل عليها الماية الساقعة وكانت بتعيط من الألم. يزن بيروح يفتح الباب. يزن بصوت عالي: عزيززززههه! بعد ثواني بترد.

عزيزة: نعم يا يزن بيه. يزن: هاتي تلج بسرررعههه! عزيزة: حاضر. وبيدخل بيلاقيها لسه في الحمام ومشغلة الماية، بيدخلها. يزن: لسه بتحرقك؟ سما مبتردش عليه وما زالت بتعيط. يزن بيقفل الماية وبيمسك إيدها التانية يخرجها بره. سما بعياط وبتتشهق: س... سبني. يزن مبيردش عليها وبيقعّدها على السرير وبيمسك إيدها المحروقة. يزن ملامح وشه بتتغير لما بيشوف الحرق. يزن بفزع من شكل إيدها: إيه ده! أنتي جلدك اتشال؟ ده كله من فنجان قهوة!

سما وما زالت بتعيط: إيدي حساسة أوي، لو لسعة ممكن تكون بسيطة لأي حد بس عندي بتكون حرق كبير. وبتقاطعهم. عزيزة: يزن بيه، كمادات التلج. يزن: هاتي لعندي يا عزيزة. عزيزة بتقرب منهم تدي التلج. عزيزة بفزع: يلاهوي! إيه الحرق ده! يزن: اطلعي أنتي دلوقتي يا عزيزة مش وقته. عزيزة: حاضر يا بيه. وبتروح لعند الباب وقبل ما تخرج بتنظر وراها بتلاقي يزن مهتم بيها. عزيزة بغيرة: الدنيا حظوظ. وبتخرج وبتقفل الباب وراها.

يزن بيضع التلج على الحرق. سما بتسحب إيدها لأن الألم زاد. يزن: وجعك؟ سما بعياط: آه، حرقني أكتر. يزن بيمسك إيدها تاني وبيضع التلج: معلشي، هتحرقك في الأول بس. وبعد دقايق وهو واضع التلج على الحرق بيشيله. وبيقوم يجيب كريم وشاش. سما: أنت هتعمل إيه؟ يزن: هحطلك الكريم ده وهلف إيدك بالشاش عشان ميجيش عليها حاجة. سما: لأ، شكرًا، حلو أوي كده. يزن: ممكن تسكتي بجد ومتدخليش في حاجة. سما: دي إيدي على فكرة. يزن: ومين سبب الحرق؟

سما: أنت. يزن: بس، تبقي اسكتي لحد ما أعالج الحرق اللي سببته. سما بصوت منخفض: يا ريت لو كان على الحرق ده بس. يزن: بتقولي حاجة؟ سما: لأ. يزن بيضع الكريم على الحرق براحة عشان ما يوجعهاش. سما بتغمض عينيها من الوجع. يزن بيخلص وبيلف إيدها بشاش. يزن: بس خلاص خلصت. سما بتفتح عينيها: يعني خلاص؟ يزن بيهز راسه بمعنى (أيوه) سما بتقوم تقف: مع إنك سبب الحرق بس شكرًا. وبتروح لعند كوباية القهوة المكسورة وتلم الإزاز.

يزن بيقوم لعندها وبيقومها. يزن: أنتي بتعملي إيه؟ سما: بشيل الإزاز من على الأرض. يزن: أنتي عايزة تتعوري كمان يعني ولا إيه؟ مش كفاية الحرق! سيبي كل ده، أنا هنادي لعزيزة تجيب واحدة من الخدم يشيلوا وينظفوا. سما: عادي، مش هتفرق أنا هخلص بسرعة. يزن بنرفزة: أنا مش عايز أتعصب عليكي بجد. سما: خلاص مش هعمل حاجة. يزن: رايحة فين؟ سما: هروح أوضتي عشان أنام. يزن: اممم تمام. سما بتخرج من الأوضة.

ويزن بيشيل الإزاز من على الأرض وبيرميه. وبيروح لعند السرير بيرمي نفسه وفي ثواني كان نام من إرهاق الشغل طول اليوم. ***************************** أليس: داده عزيزة! عزيزة: نعم يا بنتي. أليس: تعالي معايا شوية، عايزاكي في موضوع مهم. عزيزة بتروح معاها. عزيزة: خير، في حاجة؟ أليس: هو في حاجة بين البنت اللي اسمها سما ويزن؟ عزيزة بتتوتر: ل... لي بتسألي السؤال ده؟ أليس: يعني عادي.

عزيزة: لأ، مفيش حاجة بينهم مجرد واحدة بتشتغل والبيه بتاعها بس. أليس بشك: متأكدة يا داده؟ قوليلي الصراحة. عزيزة: لو في حاجة هقولك يا بنتي، بس أكيد ورا السؤال ده حاجة. أليس: أصل لقيتها لسه نازلة من عنده دلوقتي، وهي كانت من بدري فوق، وساعة موت ياسين الله يرحمه كانوا حاضنين بعض، فقولت أكيد في حاجة بينهم. عزيزة: اممم لأ والله معرفش حاجة، بس أنتي شكلك غيرانة ولا إيه؟ أليس بارتباك: لأ طبعًا أغير إيه ومن مين أصلًا من خدامة.

عزيزة: أنتي لسه بتحبي يزن بيه؟ أليس: أنا منستهوش عشان أبقى لسه بحبه يا داده. عزيزة بتبتسم بخبث: يعني عايزة تخليه يحبك وتقربي منه؟ أليس عينيها بتلمع وبتبتسم: بجد يا داده؟ عزيزة: بجد أوي كمان، أثقي فيا وهخليكي الهانم بتاعت البيه. أليس بفرحة بتحضنها: يا رب يا داده يا رب. عزيزة بتبتسم بحقد وخبث. ******************************في الصباح. سما كانت واقفة في المطبخ بتحضر الفطار وبتحاول تعمل الحاجة بإيد واحدة عشان الحرق.

أنس كان بيفرك عينه: صباح الخير يا داده. سما بضحكة بسيطة: صباح النور. أنس بابتسامة: سما... ما خدتش بالي إنك أنتي، فكرتك داده عزيزة. سما وهي مشغولة في تحضير الأكل: دي تاني مرة. أنس: أيوه ما أنا خدت بالي بس آخر مرة خلاص. سما بابتسامة: كنت عايز حاجة أعملهالك؟ أنس: أيوه كنت عايز داده عزيزة تعملي إسبرسو. سما: اصبر عليا دقيقة بس وهعملهالك. أنس: خدي راحتك. وبيلحظ إيدها. أنس: إيدك مالها؟ سما وبتعمله الإسبرسو: حرق بسيط.

أنس باندهاش: حرق؟ سما: أيوه بس بسيط يعني عادي. أنس: طب مش تخلي بالك من نفسك. سما: هبقى أنتبه بعدين. وكانت بتدور على حاجة. أنس: بتدوري على إيه؟ سما: خلاص لقيتها بس فوق. أنس: هي إيه؟ سما: القهوة. وبتتطاول تجيبها. أنس: استني أنا هجيبهالك. سما: لأ خلاص عرفت أجيبها. وبتتطاول أكتر وبتحركها ناحيتها وكان هيقع عليها. أنس: سمااا! بيشدها من إيدها لعنده وكانت قريبة منه. أنس: أنتي كويسة؟ سما بتبعد على طول: أيوه... أنا آسفة بجد.

أنس: بتعتذري على حاجة؟ سما: هروح أجيب قهوة من المخزن وهعملهالك على طول. أنس: لأ لأ خلاص خليكي، المهم إنك كويسة. سما: بجد شكرًا يا أنس بيه. أنس بابتسامة: بلاش بيه دي، قوليلي أنس على طول. سما: إزاي يا بيه مينفعش. أنس: بيه تاني؟ ومينفعش ليه أنا مش عايزك تقوليلي يا بيه دي. سما: طب أقولك إيه؟ أستاذ؟ أنس: لأ برضه، قوليلي أنس بس. سما بابتسامة: خلاص ماشي يا أنس. أنس بابتسامة إعجاب: طالعة منك حلو أوي.

سما بابتسامة بسيطة: شكرًا. وكانت بتنظر حواليها بتلمح يزن واقف على باب المطبخ وناظر ليهم بعصبية لدرجة سما خافت من نظرته. سما بتوتر: يزن بيه. أنس بيلف ورا. أنس: يزن أنت واقف كده ليه؟ يزن مبيردش عليه وبيوجه كلامه لسما. يزن: تعالي ورايا. سما: طيب هفطر حامد بيه عشان ياخد علاجه وهاجي ورا. يزن بشخط: قولتلك تعالي ورايا. سما: حاضر. أنس بيروح لعنده: أنت بتزعقلها ليه يا يزن؟

البنت بتقولك هتفطر عمي عشان ياخد علاجه، عملت إيه يعني؟ يزن: وأنت بتدافع عنها ليه؟ أنس: عشان أنا شايف إنها ما غلطتش عشان تشخط فيها وتزعقلها كده. يزن بعصبية وبيضع إيده على كتفه: لو سمحت يا أنس متدخلش في أي حاجة تخصني. أنس: وسما تخصك؟ يزن بانفعال: سما م... وبيسكت. أنس: سما إيه؟ كمل. سما بتتدخل. سما: يزن بيه خلاص أنا جاية ورا حضرتك على طول. يزن: وبسرعة سامعة. وبيطلع. سما: متزعلش من يزن بيه هو طبعه كده.

أنس: أنا ما زعلتش منه بس اتضايقت عشانك بس. سما: لأ أنا خلاص اتعودت عليه. أنس: بس هو عايزك في إيه؟ سما: معرفش والله هروح وأشوف. أنس: طيب خلاص روحي عشان ما يتعصبش عليكي تاني. سما: تمام عن إذنك. ***************************في الأوضة. سما بتدخل. يزن: اقفلي الباب وراكي. سما بتقفل الباب. سما: كنت عايزني في إيه؟ يزن: كنتي بتعملي إيه في المطبخ مع أنس؟ سما: أنا كنت بحضر الفطار وأنس جه وكان عايز أعمله إسبرسو.

يزن بيلتفت ليها: الإسبرسو بتعمليه في حضنه؟ سما بتنظرله أوي: أنت بتشك فيا؟ يزن: وما أشكش فيكي ليه؟ واحدة مش محترمة زيك وعاملة علاقة قبل الجواز ما أشكش فيها إزاي؟ سما بتمسك دموعها: اممم صح أكيد تشك فيا، بس متضايق ليه؟ يعني ولا أنتي معتبرني مراتك وبتكرهني جدًا كمان فرق معاك ليه بقى؟ يزن بعصبية: أنا آه بكرهك بس متنسيش إنك مراتي. سما: أنا وأنت بس اللي نعرف، محدش يعرف يعني قدام الناس مجرد خدامة وبشتغل عندك.

يزن بعصبية وبزعيق: أنتي كنتي بتعمليييي إيييييي معاااااه؟ سما: وأنت مالك؟ يزن بيقرب منها وكان شكله يخوف من العصبية: أنا مالي؟ سما بترجع لورا بخوف وبتحاول متبينش ليه: أيوه. يزن وهو مازال بيقرب منها: لو ما قولتيش كنتي بتعملي معاه إيه يا سما.... وبتقاطعه. سما: هتعمل إيه يعني؟ يزن: عايزة تعرفي هعمل إيه؟ سما بتخاف وكانت بترجع لورا لحد ما لزقت في الحيطة. ويزن قرب منها جدًا.

سما ضربات قلبها بتزيد ومكنتش عارفة تاخد نفسها من قربه ليها. يزن: مش حرقتلك إيدك؟ وبيكمل: هحرقلك وشك اللي فرحانة بيه، وبدل ما كل اللي بيشوفك يعجب بيكي هخلي عينه متفكرش تيجي عليه. سما: أنا مش فاهمة عايز مني إيه؟ أنت مش بتطيقني متضايق ليه حتى لو في حاجة بينا؟ يزن انفعل من الكلمة وضر*بها بالقلم. وبيدخل عليهم أنس مرة واحدة وهو متعصب جدًا.