رواية وكنت لي العوض الفصل السادس 6 - بقلم هناء عادل

مصطفى: العريس مش ابن عمر هيكون سيف. عمر بصدمة: ازاي ده يا بابا واتفاقنا مع بعض. ضحى مش مستوعبة: هو ازاي انا مكنتش موافقة على عمر هوافق على سيف ازاي ده حصل. وبدأت تبكي بهستيريا. مصطفى قام ومسك ضحى ودخل بيها الغرفة. مصطفى: ايه هو اللي عايزة تعرفيه تعرفي انه هياديني ببناتي. ضحى بصدمة: لا ده مستحيل. مصطفى: لا دي الحقيقة هو هياديني بعيلتي لو متجوزكيش احميني يا بنتي.

ضحى بتفكير: طب هو عمل كده ليه ده انا لسه موظفة جديدة عنده ملحقتش اعمل مشاكل يا رب ساعدني اتخلص من الهم ده. عمر دخل متعصب وهو بيقول: أنا يضحك عليا يا بابا وخدعني قدام صحابي هو انا لعبة معاك ولا ايه. ضحى: ده انت لازم تكون مبسوط عشان مش هتتجوزني وانت مجبور روح اتجوز حبيبة القلب وانا هروح للنار برجلي. مصطفى: سامحيني يا بنتي مقدرتش اعمل حاجة وواقف عاجز قدامك.

ضحى: متزعلش يا عمي انا حظي كده وانت في مقام ابويا الله يرحمه وبناتك هما اخواتي الصغيرين ولازم اضحي بنفسي عشان هم. وخرجت والدموع تنزل على خديها. وجلست بجانب المأذون. وتم كتابة الكتاب. وسمعته وهو بيقول. سيف: يلا بينا يا عروسة. ضحى: على فين. سيف بضحكة: على بيتنا يعني على فين. ضحى بدموع تنزل دون صوت وقربت منها شهد حضنتها وهي تبكي على حال صديقتها لأن حظها اتغير 180 درجة.

نزلت هي وسيف وركبوا العربية وهي تنظر إلى البيت اللي تربت فيه وانها هتروح بيت الشيطان برجليها. ثم دخلوا البيت. سيف: غيري هدومك ليكي أوضة لوحدك وانا أوضة لوحدي محدش يدخل في خصوصيات حد مفهوم. ضحى: يعني ايه انا مش فاهمة هو انا خدامة عندك ولا ايه. هو انت متجوزني ليه هو انا عملت ليك ايه بتهدد أهلي. سيف بنرفزة: هو انتي غبية ولا ايه بصي ركزي كويس هي مدة من الوقت وهطلقك انا اصلا مش بحبك. ضحى: اومال مش بتحبني اتجوزتني ليه ها.

سيف: عايزة تعرفي اتجوزتك ليه ماشي هقولك عشان انتقم.