رواية ولكني لم اخطئ الفصل السابع 7 - بقلم حور حمدان

محمد.. قتلت بنتي؟ حضرتك واعي إنت بتقول إيه؟ هقتل بنتي إزاي وليه أصلاً، وفين الدليل على كده. الظابط.. بصماتك على ملابسها من ضهرها، وغير كده الشخص اللي بلغ قال إنه شافك وإنت بتزقها ناحية العربية. محمد بصدمة.. أنا والله ما حصل، والله ما عملت حاجة، دي بنتي إزاي؟ إنت إيه اللي بتقوله ده؟ والله العظيم ما أعرف. نجاة بصراخ على محمد.. إزاي تعمل في بنتي كده يا محمد؟ حسبي الله ونعم الوكيل فيك. محمد بزعيق.. أعمل إيه يا نجاة؟

وبعدين بنتك منين؟ إنتِ ناسيه إن حور بنتي أنا من مراتي الأولى. نجاة بتوتر ظهر عليها.. الأم اللي بتربي يا محمد، مش اللي بتخلف بس، وأنا اللي ربيت حور وكبرتها وعملتلها كل حاجة. الظابط بعصبية.. بااااااس لحد كده كفاية. شاور على محمد وقال.. خده يا ابني معاك على العربية.

خرج محمد وهو بيقول.. والله ما عملت حاجة. بس استغرب أما شاف العربية، مكانتش عربية ظابط، كانت عربية سودا فخمة. بس سكت خالص أما اتحط على وشه منديل فيه مادة مخدرة أفقدته الوعي. أخده وركبه العربية وقال للسواق.. اطلع بينا على الفيلا. في مكان تاني. إحنا اللي عملناه ده صح يا أحمد؟ آه يا حور، كان لازم ده يحصل عشان نبعد شر نجاة عنك. حور.. طب إزاي عملت كل ده؟

أحمد.. بكرة هحكيلك وأفهمك كل حاجة. بس الملخص إن سيف وسعاد ونجاة متفقين مع بعض يخلصوا منك ومن والدك، عشان كده بعت ناس يجيبوا والدك لحد هنا. حور.. إنت ليه بتعمل كل ده؟ أحمد ببرود.. عادي يعني، ما عملتش حاجة. ده واجبي. حور.. واجبك؟ قاطع كلامهم دخول بنت صغيرة وهي بتجري على أحمد وبتقول.. وحشتني أووووووووووووووى. وحضنته. أحمد بعدها عنه وقال.. وإنتي كمان وحشتيني أوي. أخبارك إيه؟

البنت.. الحمد لله بخير يا حبيبي. بصت على حور وقالت لها.. ازيك؟ حور.. الله يسلمك. البنت.. طب أنا هطلع على أوضتي عشان مرهقة شوية. أحمد.. تمام. وإنتي يا حور تعالي نقعد عشان نتكلم. أظاهر إن مش هينفع يتاجل الكلام للصبح. حور.. تمام يلا. راحوا. وبدأ الكلام وقال أحمد.. أنا ما أعرفكش من يوم ولا اتنين، أنا أعرفك من سنين يا حور، بس حبيت أستفزك شوية يوم ما كنا على السطح، لو تفتكري اللي حصل. هزت حور رأسها عشان يكمل.

أنا عارف الحقيقة من وقت ما خرجتي من عند سيف. عارف كل حاجة. الحكاية إن اللي جابتلك سيف كانت نجاة، أمك؟ أو بمعنى صح مرات أبوكي. هي اتفقت مع سعاد عشان تتجوزي سيف ويقولك مقابل الطلاق تتنازلي عن أملاكك، وكمان العفش بتاعك. وبكفايا كلام إنهرده، بكرة نكمل. وصحيح، عمري ما شفتك وحشة، بالعكس، أنا بس كنت كنتتتت. وسكت. حور بشرود.. كنت إيه؟ أحمد.....