رواية وردة يونس الفصل الخامس عشر 15 - بقلم رنا شريف

فهد وياسمين بصوا بخوف اتجاه الباب اللي اتفتح. كانت ورد. ورد بصدمة: انت بتعمل ايه هنا؟ فهد بخوف: اهدى هفهمك. ورد قفلت الباب ورجعت وقفت قدام فهد. فهد بتوتر: انا ك..كنت.. ورد: بس خلاص انت مش هتخلص في يومك. يلا امشِ من هنا دلوقتي. ياسمين: انزل من الباب احسن عشان متقعش. ورد بقلق: ويعرف البيت كله انه كان هنا صح؟ ياسمين: افرضي وقع ولا حصله حاجة. ورد: مش وقت نحنهنه. امشي بسرر..

ورد سكتت لما سمعت صوت يونس وهو بينادي عليها. بصت لفهد بخوف، وبعدها خرجت بسرعة. أول ما يونس شافها سحبها على أوضتهم. ورد بضيق: نعم؟ ساحبني كده ليه؟ يونس: فكرتك صدقتي الهبل اللي في الصور ده. ورد بصدق: لا، انا واثقة فيك انك عارف ربنا ومستحيل تعمل كده. يونس بص لها بهدوء وابتسم. ورد: بس مين هيبعتلي الصور دي؟ يونس: مش عارف. ورد: ممكن يكون عمار؟ يونس: لأ، عمار مش هيركب صور ليمنى معايا. أكيد لأنه بيحبها. ورد: وبعدين؟

يونس: متشغليش بالك. انا هعرف وتعالى نامي يلا. ورد نامت جنبه وفضلت تفكر شوية لحد ما نامت. ياسمين: امشي يا فهد يلا. فهد قرب بسرعة، باسها من خدها وخرج من البلكونة. ياسمين بصت لمكانه بصدمة. تاني يوم الكل متجمعين وبيتناقشوا في خطوبة ياسمين وفهد. يونس بهمس لورد: اطلعِ البسي يلا. ورد: ليه؟ مش انت قولت مش هنروح الشغل الأسبوع ده؟ يونس: أيوه، بس هنروح مع ياسمين وفهد. ورد: ليه؟ أساساً ماما آمال هتروح معاهم.

يونس: هنروح نختار فستانك يا عروسة. ورد: هو انت كنت بتتكلم جدي؟ يونس: جد جدا. يلا بقا اطلعِ. ورد عيونها لمعت بفرحة وطلعت. نبيل كان متابعهم وفرحان إن علاقتهم اتحسنت. بعد شوية ورد نزلت. نبيل: على فين يا حبايبِ؟ يونس: هنروح مع ياسمين وفهد. عامر: ليه؟ يونس بص لورد: هنختار فستان للعروسة. ماجد بعدم فهم: عروسة مين؟ يونس: ورد. أنا قررت هنعمل فرحنا مع ياسمين وفهد. آمال حضنت ورد بفرحة. فهد حضن يونس: مبروك يا صاحبي.

نبيل: ماشي، يلا روحوا. وانا وماجد وعامر هنهتم بالشغل، متقلقش. شكلهم خرجوا، ويونس معاه ورد في العربية. فهد معاه ياسمين وآمال. سعيد: متأكد إن البضاعة وصلت؟ عمار: أيوه، وكل حاجة جاهزة. سعيد: ماشي، تعالى معايا يلا. عامر: بقولك إيه يا آنسة منى. منى باحترام: اتفضل يا عامر بيه. عامر: لا بيه إيه بقا، قول لي يا باشا. ما أنا خلاص كل الشغل بقا عليا. منى بضحك: أوامرك يا فندم. عامر: معندكيش عروسة؟ منى: إيه ده؟

عامر: لا ركزي معايا، أنا عايز عروسة. أنا بقيت شكلي وحش أوي في وسطهم. منى بضحك: هشوف لك يا فندم، حاضر. عامر: لا وتشوفِ ليه، ما انتِ موجودة. منى بحدة: افندم. عامر بقلق: أقصد القهوة بتاعتي من فضلِك. منى: تحت أمرك. منى سابته وخرجت. هو اتكلم بهمس: شكلي هتعب. يونس واقف في دور فاضي. وورد بتلبس كل فستان وتاخد رأي يونس. ورد بفرحة: إيه رأيك؟ يونس: لا. ورد: يونس، انت بتِ تهزر؟ دا عاشر فستان أقيسه! يونس بص

في موبايله وبعدها اتكلم: بقولك إيه، اختاري انتِ. وأنا لما أرجع البيت هشوفه. ورد بقلق: رايح فين؟ يونس: مشوار مهم. ورد: لازم؟ يونس بص لها بحب. سحبها لأوضة بعيد عن الناس وقرب باسها بحب. وبعد عنها. ورد بخوف: رايح فين؟ يونس: متخافيش، مش هتأخر. سلام. يونس خرج وقابل فهد وهو نازل. فهد: على فين؟ يونس: سعيد وعمار هيستلموا دلوقتي. وأكرم كلمني. فهد بقلق: انت مش هتروح هناك أكيد؟ يونس: انت عارف من زمان وإنا نفسى أخلص منهم.

فهد: طيب استنى يتقبض عليهم الأول، وبعدها روح. يونس: لا، خلي بالك منهم وروحوا على طول. فهد: ماشي. بعد كام ساعة، فهد وياسمين اختاروا كل حاجة. وورد صممت متختارش غير في وجود يونس. وروحوا. ويونس اتأخر. وورد بتحاول تتصل بيه مش بيرد. وبعد محاولات كتير رد عليها. ورد: أيوه يا يونس، انت فين؟ _أنا من مستشفى*** وصاحب الموبايل ده مات. ورد...