رواية وردة يونس الفصل الرابع 4 - بقلم رنا شريف

يونس راح مع جده باستغراب ودخلوا المكتب. وبعد شويه طلع يونس وهو متعصب ودخل الأوضة. واتصدم لما شاف ورد بتعيط بانهيار. يونس ببرود: بتعيطي من دلوقتي ليه؟ ورد بخوف: اسمع يا يونس لو حاولت تضربني أو تقرب مني هعرف جدي. يونس مسكها من دراعها بغضب: و إيه كمان؟ كملي. هتخليه يضربني ولا إيه؟ انطقي. ورد بخوف: سيب إيدي يا يونس. يونس شدد على دراعها أكتر واتكلم بهمس مرعب: أنا حذرتك وقولتلك متوافقيش، وإنتي مسمعتيش الكلام. استمحي.

ورد صرخت بألم لما يونس شدد على إيديها أكتر. وأول ما يونس بعد عنها مسكت دراعها بألم وخوف. ورد بتوتر: أنا هعملك اللي أنت عايزه كله. ولو عايز تتجوز ماشي، بس متطلقنيش. يونس بص لها باستغراب: روحي نامي يا ورد. ومن هنا وجاي متسيبيش شعرك وتغطيه كويس، لأن عامر أخويا جاي من السفر الصبح. ورد: حاضر. يونس سابها ومشي من البيت خالص، وهي فضلت مكانها تعيط. فهد: مش فاهم حاجة.

يونس: ولا أنا فاهم. أنا مكملتش ربع ساعة مع جدي وطلعت لقيتها بتعيط وشكلها خايف. فهد: وإنت بعد الكلمتين اللي قلتهم دول عايزها متخافش إزاي؟ يونس بغضب: يعني ت…. قاطعه موبايله لما رن برقم غريب. بس رد. صوت: ورحمة أمي يا يونس ما هسيبك تتهنى بيها. ومتفكرش إنها بتحبك، هي بتستغفلك بس. وقبل ما يونس يفكر في حاجة كان قفل. فهد: مين؟ يونس بعصبية: مش عارف، بس الصوت مش غريب. فهد: عمار صحي؟ يونس: صح. أنا ماشي دلوقتي.

فهد لحقش يتكلم ويونس أخد عربيته ورجع البيت. دخل أوضته بغضب وهو مش شايف قدامه، بس وقف مرة واحدة لما شاف ورد نايمة وهي قاعدة في الأرض ودموعها على خدها. يونس قرب منها ولسه هيلمسها عشان يصحيها، لقاها صرخت وقامت مفزوعة. ورد بخوف وبتتكلم كلام مش مفهوم: أنا… مكنتش أقصد. مش هنام تاني خلاص. يونس بقلق من حالتها: اهدى. مفيش حاجة. ورد فضلت ترتجف بخوف وهي بتبصله. ويونس حضنها لحد ما هديت. ويونس بعد عنها.

عمار: هتروحي دلوقتي وهتعملي كل اللي قولته، تمام؟ منه: تمام. متقلقش. عمار: ورد لازم ترجعلي، سامعة؟ منه بسخرية: عشان تحاول تقتلها تاني؟ عمار بغضب: ميخصكيش إنتي. منه: أولع إنت وهي. أنا أهم حاجة عندي يونس. عمار: روحي دلوقتي يلا. ياسمين بتتكلم مع فهد في الموبايل. ياسمين: مش فاهمة حاجة يا فهد. فهد: ولا أنا. بس كل اللي أعرفه إن أخوكي هيضيع نفسه بطريقته دي. ياسمين: كل ده عشان اتجوز ورد!

فهد: يا حبيبتي افهمي. ورد كانت متجوزة أكبر عدو لينا، ف طبيعي يشك فيها. ياسمين باندفاع: بس ورد بتكرهه أصلاً. فهد: قصدك يونس؟ ياسمين: لأ، عمار. فهد باستغراب: ليه؟ ياسمين: لأنه كان طول الوقت بيضربها ويهينها. ثواني كده، لأن فيه حد بيرن الجرس. فهد بقلق: مين هيجي الساعة ٤ الفجر؟ ياسمين: هشوف. أه… منه! فهد: منه مين؟ ياسمين: منه يا فهد اللي يونس بي… فهد بسرعة: طب اقفلي دلوقتي سلام. يونس قاعد هو وورد على السرير وهي بتشرب.

ويونس أخد منها الكوباية. يونس: أحسن دلوقتي. ورد: أيوه. يونس: إنتي آخر مرة كلمتي عمار امتى؟ ورد بخوف: من حوالي ٤ شهور. يونس: مش عمار ابن خالك؟ ورد: أيوه. يونس: اتطلقتوا ليه؟ ورد بتوتر: عشان ح… يونس سكت لما الباب خبط. يونس: نعم؟ صوت: فيه واحدة عايزاك تحت يا يونس بيه. ووالد والكل تحت صاحي مستنييك. يونس نزل وهو معاه ورد. وأول ما شاف منه اتصدم. نبيل باستغراب: إنتي مين يا بنتي؟ منه: مرات يونس.