رواية وردة يونس الفصل الثالث 3 - بقلم رنا شريف

ورد بخوف: موافقة يا جدي. يونس بصلها بصدمة ولسه هيتكلم بس ماجد قاطعه. ماجد: مبروك يا حبيبتي. ورد بقلق: الله يبارك فيك يا عمي. نبيل بص على يونس بيأس وبعدها اتكلم. نبيل: كتب كتابكم هيكون بكرة والفرح بعد يومين. آمال: مش هنلحق يا عمي. يونس أخيراً نطق بهدوء مزيف. يونس: مش هعمل فرحي. ياسمين: إزاي يا بيه بس... يونس: اللي سمعتوه، أنا مش هعمل فرح. ورد: أنا مش عايزة فرح أصلاً. نبيل: تمام، ماشى. تعالى يا ماجد وانت يا يونس.

يونس ونبيل وماجد راحوا المكتب. نبيل: اسمعني عشان مش هكرر كلامي تاني. بنت عمك عاملها كويس، وإياك أعرف إنك ضايقتها. ماجد: متقلقش يا بابا، هي مش لوحدها وليها أب هيحميها. يونس بخبث: حاضر، هخليها أسعد واحدة في الدنيا. نبيل وماجد فضلوا يبصوا لبعض بقلق. يونس بابتسامة: بعد إذنكم عشان عندي شغل. يونس خرج من المكتب وبص لورد بخبث وغل. وبعدها راح الشركة. فهد: مالك متعصب ليه كده؟ يونس بغضب: أبداً، كتب كتابي بكرة.

فهد بفرحة: مبروك يا صاحبي. يونس بعصبية: انت عايز تجنني يا فهد. فهد بهدوء: انت رافض عشان هي مطلقة؟ ودي مش حاجة تعيبها يا يونس. يونس كان هيرد بس الباب خبط ودخل كريم. كريم: الملف أهو يا يونس بيه. يونس مسك الملف بلهفة. فهد: تقدر تتفضل يا كريم. كريم: تمام، بعد إذنكم. يونس: مفيش حاجة تفيد خالص غير إنه اتجوزها عشان ورثها. فهد: بس كده؟ يونس: أيوه، بس مفيش سبب للطلاق ولا أي حاجة. فهد: اسألها يا يونس ومتتسرعش عشان هتندم.

يونس: تمام. عند ياسمين. ياسمين: لو سمحتي يا دكتورة. زياد: نعم؟ ياسمين: العربية بتاعتك قافلة عليا. زياد: تمام، معلش هاجي حالا أبعدها. ياسمين: براحتك عادي. ياسمين مشيت بالعربية بتاعتها وزياد كان وراها بعربيته بس هي مش واخدة بالها، وراحت ليونس الشركة. ياسمين للسكرتيرة (منى) : يونس جوه؟ منى: لا لسه خارج، بس فهد بيه موجود. ياسمين سابتها وراحت مكتب فهد وفتحت من غير ما تخبط. فهد بخضة: إيه ده؟ متخبطيش.

ياسمين قعدت قدامه ببرود: معلش نسيت. أومال فين السكرتيرة بتاعتك؟ فهد ابتسم: أها، انتي فكرتيها هنا. ياسمين: عارف يا فهد لو عرفت إنك بتلعب بديلك هعمل فيك إيه. فهد قعد قدامها: لا، عرفيني. ياسمين بتوتر وقامت وقفت: ل... لا... خليها لوقتها. فهد: اخلص من موضوع أخوكي ده واتجوزك بقى عشان أنا زهقت. ياسمين بخجل: أنا ماشية. فهد: يلا، هوصلك. ياسمين: لا، معايا العربية. صحيح، هتيجي بكرة؟ فهد: أكيد إن شاء الله.

ياسمين: ماشى، يلا أنا هروح. فهد: خلي بالك من نفسك. ياسمين: ماشى، سلام. اليوم عدى وورد خايفة من هدوء يونس. وتاني يوم كتب الكتاب تم وسط حفلة صغيرة فيها ناس مهمة. آمال: يلا يا حبيبتي، اطلعى مع جوزك. ورد بخوف: ح... حاضر. نبيل: اطلعى يا ورد، أنا هتكلم معاه دقيقة وهيطلع. يونس راح مع جده باستغراب ودخلوا المكتب، وبعد شوية طلع يونس وهو متعصب ودخل الأوضة واتصدم.