رواية وردة يونس الفصل السادس 6 - بقلم رنا شريف

ورد نامت ويونس فضل قاعد يفكر هيعمل إيه معاها لحد ما نام مكانه على الكنبة. وبعدها بكام ساعة، الكل صحى على صوت صراخ ورد. ويونس قام مفزوع وراح ناحيتها وهي بتعيط. يونس بقلق: مالك؟ ورد بخوف وبتشاور على البلكونة: كان فيه حد هنا. يونس بص باستغراب وشاف البلكونة، الباب بتاعها مفتوح وهو كان قافله. والكل اتجمع عندها في الأوضة. نبيل بقلق: مالك يا حبيبتي؟ ورد: ك.. كان فيه حد هنا. ماجد: حد مين يا حبيبتي؟

ورد: أنا شفت حد واقف هنا بس ضهره كان ليا وفكرته يونس. ولما اتعدلت لقيت يونس نايم وهو خرج من البلكونة بسرعة. آمال: وانت إزاي محستيش يا يونس؟ يونس: معرفش، مكانش فيه صوت ولا حاجة. ويمكن اتفتحت من الهوا. نبيل: أكيد بيتهيألك يا ورد. ورد: والله شو… نبيل بمقاطعة: ارتاحي دلوقتي بس ونامي. وبعدين نتكلم. ويلا كله يروح ينام. ياسمين: الساعة بقت ٧ يا جدّي. نبيل: ماشي. خليهم تحت يجهزوا الفطار. آمال: حاضر يا عمّي.

الكل خرج ويونس بص لورد اللي دموعها نزلت بحزن وخوف وقعد جنبها. يونس بهدوء: نامي انتي دلوقتي عش… ورد قاطعته بانفعال: والله كان فيه حد هنا صدقني. يونس: تمام. اهدّي، أنا مصدقك. بس ارتاحي دلوقتي. ورد هزت راسها بحزن ونامت. ويونس نزل والكل اتجمع على الفطار. نبيل: ورد نامت؟ يونس: أيوه. ياسمين: مينفعش كده. مش كل شوية نخليها تنام وهي زعلانة ومحدش يسيبها لوحدها لأنها بتفضل تعيط. يونس بص لها باستغراب.

يونس: محاضراتك بتخلص الساعة كام؟ ياسمين: يعني على ٢. يونس: كويس. وانتي راجعة، عدّي عليا في الشركة. ياسمين: حاضر. بالمناسبة يا جدّي، ورد مش هترجع الكلية بتاعتها بقا؟ نبيل: صح فكرتيني. دكتور أحمد كلمني وقال إن فاتها كم كبير ولازم تنزل وتحضر بقا. ياسمين بفرحة: حلو أوي. لما أرجع هكلمها ونروح أنا وهي مع بعض. نبيل: ماشي. يونس اتكلم بتوهان: كلية إيه؟ نبيل: بنت عمك في هندسة يا حبيبي.

يونس اتصدم وبص لأمه وأبوه اللي بصوا له بشماتة وانتصار. ياسمين ببرود: لا متتصدمش يا أبية. دي من أوائل الدفعة كمان. يونس سابهم ومشي على الشركة وهو لسه مش مستوعب. وقابل فهد. فهد باستغراب: مالك يا يونس؟ يونس بشرود: طلعت متعلمة وبتدرس هندسة. فهد بصدمة: إزاي ده؟ يونس: مش عارف. بس… الباب خبط ودخلت السكرتيرة بتاعة فهد. سكرتيرة: يونس بيه، فيه ظابط بره وعايز يقابل حضرتك. يونس باستغراب وتوتر: و. ده جاي ليه؟

الظابط دخل ومعاه عساكر. الظابط: مطلوب القبض عليك يا يونس بيه. يونس: ليه؟ الظابط: بتهمة قتل مها عبدالسلام. يونس…