رواية وردة يونس الفصل الثاني 2 - بقلم رنا شريف

نبيل: هتتجوز يونسيونس بغضب: مستحيل طبعاًماجد بحده: يونس اقعد مكانك ومتتكلمشيونس: يا بابا اس... ماجد: قولت اقعد يونس قعد وبص ل ورد بغضب. ورد بحزن وقلق: ا..انا عايزة اطلع ارتاح. آمال: اطلعى يا حبيبتي خديها يا ياسمين وصليها. ياسمين: تعالى معايا يا ورد. الاثنين طلعوا وياسمين فضلت معاها لحد ما نامت وهي بتعيط. تحت كان يونس بيتكلم بغضب. يونس: انا مش هتجوز واحده زى دى. نبيل بغضب: مالها دى يا يونس بيه.

يونس: مطلقة وكمان جاهلة وانا مش بعد اللى وصلتله ده. نبيل: اخرس يا يونس ومتكملش ومتنساش أن اللى انت فيه ده كله ملك ليا في الآخر واقدر ببساطة احرمك من كل ده. ماجد: اهدى يا بابا عشان صحتك. يونس سابهم وخرج من البيت. آمال: انا هتكلم معاه وهقنعه. نبيل: وياريت تعقليه وتفكريه بأصله. عند يونس كان قاعد مع صاحبه. يونس: يا فهد بقولك انا مش متقبل فكرة أنها هتعيش معانا يقوم يقولى اتجوزها.

فهد: وماله يا يونس انت عندك ٢٨ سنة واكيد هتتجوز. يونس: يا فهد افهمنى دى كانت متجوزة ابن المرشدي اكبر عدو ليا فاهم يعني ايه. فهد بصدمة: ده بجد. يونس: ايوه بجد يعني مش بعيد يكون هو اللي باعتها. فهد: طب ما تدور وراها وتشوفي. يونس اتنهـد: تمام، انا همشي سلام. فهد: سلام. يونس وصل قدام البيت وكان الحرس كلهم واقفين ويونس كلم ل واحد منهم هو بيثق فيه. يونس: عايزك تجيبلي معلومات عن حد مهم وبسرعة.

كريم: تحت امرك يا يونس بيه بس مين؟ يونس: عمار المرشدي. كريم بمقاطعة: ما انا بجيب لحضرتك تقرير بكل حركة بيعملها. يونس: وطليقته ورد الراوي. كريم بصدمة: نعم! يونس بحده: سمعتني عايز أعرف ايه اللي حصل عشان تطلق وحياتهم كانت ماشيه ازاي. كريم في سره: ما تسألها أسهل من ده كله. يونس: سمعت انا قولت ايه. كريم: حاضر يا باشا بكره بالكتير هيكون فيه ملف قدام سيادتك بكل حاجة طلبتها. يونس سابه ودخل وكريم رجع مكانه مع الحرس.

اليوم عدى وجه تاني يوم الكل ع الفطار ماعدا يونس. نبيل: يونس فين؟ آمال بتوتر: خرج من بدري قال عنده اجتماع. نبيل: ماشي. ماجد: انا همشي عشان اتأخرت. نبيل: استنى انا جاي معاك اشوف الشغل ماشي ازاي. ماجد: ماشي يلا. ياسمين: وانا كمان همشي سلام. الكل مشي ومكانش فاضل غير آمال و ورد. آمال: بقولك ايه يا ورد اطلعى ارتاحى شكلك تعبان. ورد: فعلاً بعد اذنك.

ورد دخلت اوضتها وبعد ساعه الباب اتفتح وهي قامت بفزع لما شافت يونس بيبصلها بغضب. ورد بخوف: عايز ايه. يونس مسك دراعها ونطق بحده: اسمعى بقا زى الشاطره كده اول ما جدك يرجع تقوليله انك مش موافقه والا هعيشك فى جحيم سامعه. ورد مسكت ايده بوجع وبتحاول تبعده واتكلمت بخوف وبتهز راسها: سامعه سامعه. يونس سابها ونزل. عند ياسمين فى الكلية. زياد: مين دي. محمد: دي ياسمين الراوي. زياد: تقرب ل يونس الراوي. محمد: اخته. زياد بصدمة: بجد.

محمد: ايوه ليه؟ زياد: ولا حاجه انا همشي سلام. زياد بعد شويه واتكلم فى الموبايل. زياد: عرفت هننتقم من ابن الراوي ازاي. زياد: اخته. بعد مده نبيل وماجد رجعوا وكانت ورد قاعده مع آمال. ورد: عايزة اتكلم معاك يا جدى. نبيل قعد هو و ورد بعيد عنهم. ورد: انا مش موافقه على الجوازة دى. نبيل: ليه. ورد بحزن: مش عايزة وخلاص. نبيل: اسمعى يا ورد قدامك حل من الاتنين تتجوزى يونس أو هترجعى ل عمار طليقك هو كلمنى وعايز يرجعك.

ورد أول ما سمعت اسمه خافت واتكلمت بخوف: لا انا موافقة على يونس بعد اذنك. قالت كلامها وطلعت اوضتها بسرعة وهو بص على مكانها بحزن. وجه وقت الغدا والكل على السفره. نبيل: قررت ايه يا يونس. يونس بثقه: نسمع رأى العروسه. ورد: ......