رواية وردة يونس الفصل الثالث عشر 13 - بقلم رنا شريف

يونس: لا طبعاً، إنتِ عارفة إني اتجوزتها عشان جدي بس، لكن أنا بحبك و... ورد من وراه: وإيه كمان يا يونس بيه؟ يونس بصدمة: طيب، هقفل دلوقتي، وبكرة هجيلك. يونس قفل واتجه ناحية ورد. ورد بدموع: كمل، كمل. يونس: إنتِ مش فاهمة حاجة. ورد: آه، أنا فعلاً مش فاهمة، صح؟ ورد بدأت تتكلم بصوت عالي وهي بتضربه في صدره وبتعيط: مش فاهمة إيه؟ مش فاهمة إنك بتخوني؟ و... وكل شوية تقول لي: هجيب لك حقك من عمار؟ صح؟ إنتَ مفرقتش عنه في حاجة...

هو كمان كان بيخوني و... يونس بقوة: اخرسي يا ورد، متتكلميش تاني. ورد انكمشت بخوف وهي بتعيط، ويونس سحبها لحضنه. يونس: ينفع تهدّي عشان اعرف اتكلم؟ ورد بشهقات: أنا قولتلك اتجوز صح... إنتِ... يونس قاطعها: قولتلك متتكلميش، واهدي، تعالي نقعد. يونس قعد وهي في حضنه لحد ما هديت. يونس: أقدر اتكلم بقا؟ ورد هزت راسها بهدوء واتعدلت وهي بتمسح دموعها. يونس: منه من فترة كانت هتموت... ناس اتهجموا عليها وضربوها بالسكينة. ورد شهقت برعب.

يونس بسرعة: اهدّي، هي كويسة. المهم إني كنت متهم بقتلها، واللي عايز يقتلها كان عايزني أنا اللي أتحبس. ورد بخوف: مين ده؟ يونس: حد مش هتعرفيه، اسمه سعيد. ورد: ده رئيس عمار، مش كده؟ يونس باستغراب: إنتِ تعرفيه إزاي؟ ورد ضحكت بسخرية: أبداً، بس جوزي كان هيبيعني ليه. يونس بصدمة: إنتِ بتقولي إيه؟ ورد: هفهمك، بس كمل. يونس: سعيد وعمار أعداء من زمان أوي في الشغل، عايزين يخلصوا مني بأي طريقة. ورد: طب ليه منه، وهي مرات عمار؟

يونس: طليقته، بس على علاقة بيها لحد دلوقتي. ورد: مش فاهمة. يونس: هو طلقها بأمر من سعيد، بس لسه محدش منا عارف السبب. ورد: إنتوا مين؟ يونس: أنا وفهد وأكرم، ده الظابط اللي ماسك قضية سعيد. ورد: هو شغله... يونس: سعيد أساساً شغله مخدرات، بس واخد الشغل ده ساتر. ورد بخوف: ما تبعد عنهم، وملكش دعوة، أنا خايفة عليك. يونس حضنها واتكلم وهو بيبوس راسها: متخافيش، كل حاجة هتكون كويسة. ورد باحراج: أنا آسفة.

يونس: منه معاهم، هما عايزين يوقعوني، ف لازم أجارييهم بس دلوقتي، وأي كلمة هقولها متصدقيهاش. ورد: حاضر. يونس: الفجر، يلا قومي اتوضي عشان نصلي. ورد: ماشي. عمار نايم ومنه في حضنه. منه: وبعدين يا عمار؟ عمار: خلاص، هانت وهنخلص منه. منه: وسعيد؟ عمار بخبث: متقلقيش، أنا عارف هعمل إيه. منه: هتغدر بيه؟ عمار: قبل ما هو يغدر بيا. منه: وأنا؟ عمار: هتغدر بيا أنا كمان؟ منه: مستحيل طبعاً، إنتِ مراتي. منه: بحبك.

عمار قرب منها بخبث: وأنا بعشقك. تاني يوم عند يونس، الكل متجمع على الفطار. نبيل: عايزك يا ورد. ورد: حاضر. ورد ونبيل راحوا المكتب، ويونس قاعد قلقان. ماجد: مالك قلقان كده ليه؟ يونس: عشان جدي ممكن يتعصب عليها تاني ويضربها، وأنا مش هسمح بكده. ماجد وآمال بصوا لبعض. عمار ببرود: مش دي اللي إنتَ متجوزها غصب عنك ومش طايقها؟ مالك بقا؟ يونس: ده كان زمان، دلوقتي أنا... يونس سكت أول ما سمع صوت ورد بتصرخ و...