رواية ورده وسط اشواك الفصل الحادي والعشرون 21 - بقلم ريتاج محمد

عند براء ومراد. براء قررت تبدأ العلاج بعد خطوبة مراد ومنة. ومراد كان فرحان بيها جداً وكان بيدعمها جداً. *** عند مراد ومنة. اتفقوا يعملوا خطوبة لحد ما براء تخف ويعملوا فرح. ونزلوا جابوا الشبكة. ومراد ومنة كانوا فرحانين جداً لأنهم خدوا خطوة جد. بس قرروا يعملوا خطوبة عالضيق بين العيلة وبس عشان تعب براء وكده. *** بعد أسبوع. يوم الخطوبة. عند عدي. كان قاعد ومراد رن عليه. مراد: إيه يابا، فينك؟

عدي: قربت أوصل أهو. ألف مبروك يا عريس. مراد: الله يبارك فيك يا حبيب أخويا. مراد: مش ناوي بقى تخطب؟ عدي: يا عم نفسي والله بس اله يارب يتشك في حواجبه اللي راشق لي مناخيره في حياتي اللي خلفوني ده، واخد بالك أنت. مراد بضحك: طول ما أنت مش بتسلك، عمرها معاك ما هتسلك يا صاحبي. عدي بغيظ: نينينييينيي، بارد والمصحف. المهم. مراد: إيه؟ عدي: براء هتبدأ العلاج من امتى؟

مراد باستغراب من سؤاله: من بعد بكرة عشان عندها جلسة. ليه بتسأل؟ عدي بتوتر: عادي يعني. أخت صاحبي وكده. مراد: اممم، طيب. عدي بتهرب: بقولك هقفل دلوقتي عشان سايق بسرعة. إشطة. مراد: تمام، سلام. وقفلوا. *** عند براء. راحت لمنة بس مسلمتش على حميدة ولا سليم. ولا قالتلهم على موضوع تعبها. وكانت قاعدة هي ومنة في الأوضة بعد ما الميك اب أرتيست خلصت لمنة الميك اب. براء بفرحة: مبروك يا منتي.

منة بحب: الله يبارك فيكي يا قلبي. عقبالك. وكملت بتوتر: احمم، براء. عايزة أسألك سؤال. براء بحب: اسألي يا قلبي. منة: هو يعني أنتِ متضايقة إن أنا ومراد نتخطب؟ براء بسرعة: أكيد لا يعني. منة: أنا قصدي يعني عشان ماما وكده. براء بهدوء: منة، أنا أكيد مش هاخد بذنب غيرك. وبعدين أنا بحبك وأكيد أتمنى لكِ مرات أخويا. منة بحب حضنتها وقالت: بجد شكراً. براء: ليه؟ منة: عشان... إيدها مناخيرك بتجيب دم جامد.

براء حطت إيدها على مناخيرها وراحت الحمام بسرعة. وغسلت وشها ووطت راسها عشان الدم يوقف. وكملوا اليوم عادي. *** عند محمود. كان ماشي بالصدفة من نفس الشارع وشاف نفس البنت اللي شبه براء. استغرب لأنه كان فاكرها براء وكمان براء عرفاه. فراح لها وقال: براء. البنت: براء؟؟ محمود: أه. هو ليه كل لما أشوفك وأكلمك تتهربي؟ البنت: لو سمحت، وقفتنا غلط كده. وبعدين هو إيه اللي كل لما أكلمك تتهربي؟ أنت اتجننت يا جدع أنت؟ أنا أعرفك منين؟

محمود: طيب، بس صدقيني بعد كده لو شفتك في أي حتة حتى صباح مش هقولها سلام. ومشي. البنت وهي بتضرب كف على كف: لا إله إلا الله. ده نوع جديد ده ولا إيه؟ يلا وأنا مالي. ودخلت بيتها. خالتها بزعيق: كنتي بتكلمي مين برة يا بت؟ سمر: ولا حاجة يا خالتي. دا واحد كان بيسأل على حاجة. خالتها: طب اتكني بقى في حتة. عند محمود. اتصل بمراد وقال: الو يا ميدو. مراد بفرحة: محمود عامل إيه يا سطا؟ محمود: كويس يا ابني. فينك؟

مراد: بخطب أهو. تعالى. محمود: احلف بجد. مراد: أقسم بالله. عارف مين؟ محمود: مين؟ متقولش منة. مراد: هي بعينها. محمود: بنت الندلة ومتقوليش. وربنا لهوريها. مراد: هيا كانت عالضيق كده بس خلصت. تعالى. محمود: إشطة. أصل صح، نسيتني ولا إنت أختك دي مالها؟ مراد باستغراب: ....