رواية رب صدفة خير من الف ميعاد الفصل الخامس عشر 15 - بقلم ضحي ربيع

كنت واقفة مستنياه يخلص عشان أضحك. هو ده نوع جديد من الفرست لوك ولا إيه؟ لقيته بيبكي ومشي. "بابا هو آدم ماله؟ في إيه؟ "آدم رايح فين؟ "آدم أنت بتهزر؟ "آدم طب لو الميكب وحش والله هشيله ومش هعمل ميكب." "آدم آسفة طيب لو ضايقتك في حاجة، بس متمشيش." "آدم... آآآآدم... ومحسيتش بحاجة بعدها. "فوقي يا بنتي حرام عليكي نفسك. فوقي يا نور. يا إبراهيم تعالي شوف بنتك مش بتتكلم."

"نور ردي عليا يا حبيبتي. متعمليش فينا كده، والله نموت من غيرك. واللي حصل حصل، الله يسهله ويرزقك أحسن منه." لغاية الكلمة دي ومقدرتش أمنع نفسي من اللي عملته وقتها. فضلت أصرخ، أصرخ جامد وأرمي أي حاجة. حتى شعري كنت بقطّع فيه. شدّيت الكانولا اللي كانت متركبة في إيدي. "دكتووور! هاتولي دكتور بسرعة. بنتي بتروح مني! "اتفضلوا بره لو سمحتم." "الله يرضى عنك يا ابني. طمني على بنتي."

"اطمن يا حج إن شاء الله خير. هي دخلت في انهيار عصبي للأسف بسبب حاجة هي مستحملتهاش. واضح إنها كانت بتحبه." "قصدك إيه؟ "قصدي يعني إنها كانت جاية بفستان وكده، فـ أكيد يعني... "متكملش يابني الله يسترك." "هي ممكن تخف إمتى؟ "للأسف يا حج هي الصدمة كبيرة عليها. مش ضامن ممكن تفوق منها إمتى." "عن إذنك." "يارب سامحني يارب يارب. أنا آسف إني عملت فيها كده، بس أنت وحدك عالم. أنت بس اللي حاسس بحرقة قلبي. آآآآه."

فضلت أبكي على نفسي وعلى اللي عملته فيها. بس مش بإيدي، كانوا هيقتلوها زي تقى. أنا بعد تقى ربنا عوضني بيها، لكن بعدها هي مين هيعوضني عنها؟ Flashback "آدم خلصت لبس؟ "آه يا طه. إيه رأيك؟ "الله أكبر. والله يابخت اختي بيك." "عارف يا طه أنا أنا مش مصدق أي حاجة لغاية دلوقتي. اللهم لك الحمد كما يليق لجلال وجهك وعظيم سلطانك." "مش قادر أستنى دقيقة بصراحة. عايز أطير أوصل الكوافير دلوقتي." "أيوه يا عم الله يسعدك."

"تليفونك جاله رسالة يا آدم." فتحت الفون لقيت رقم باعِت صورة نور وهي لابسة الفستان. كنت فاكرها هيبس. لقيت رسالة تانية من نفس الرقم: (شوف إحنا قريبين منك إزاي. الظاهر إنك مش بتتعلم من أخطائك، وشكل الأمورة هتحصل الأولى قدام عنيك برضه) الفون وقع من إيدي. اتشليت في مكاني. مكنتش قادر أتحرك. "آآآدم! إيه يابني مالك؟ يلا عشان منتأخرش على نور وتعمل منك كوفته." "طه هي نور اشترت الفستان إمتى؟ "فستان إيه يا آدم؟

مش أنت اللي اشتريته ليها امبارح بليل؟ "أنا مكنتش مصدق اللي بسمعه. أنا مشتريتش حاجة." لقيت رسالة وصلت تاني: (آه أنا اللي اشتريته عشان تموت موته حلوة كده ومتشيكة) الفون وقع من إيدي. وقلبي وقع من الخوف عليها...