رواية رفيف قلبي الفصل السادس عشر 16 - بقلم نجلاء عبد الظاهر

وفجأة البنت لفت وبقت تبص لآسر بدموع. آسر بص لها بصدمة: رنيم. البنت قربت منه ودموعها نازلة وبتشاور على نفسها: نغم أنا نغم يا آسر. آدم باستغراب: مين رنيم؟ آسر بتوتر: هااا لا أنا كان قصدي نغم مش رنيم. رفيف بصت لآسر بشك بس ما اتكلمتش. والأغرب من كدا إن آسر حتى ما قربش من أخته أو حضنها، هي بالنسبة لهم راجعة من الموت واكتفى بالدموع والنظر ليها وبس.

أحمد كان ساكت وبيتردد في ودانه اسم رنيم، هو حاسس إنه سمع الاسم دا قبل كدا بس مش فاكر فين. أحمد بتوهان ولنفسه: رنيم ونغم معقول هما؟ لا أكيد بس إزاي؟ أنا لازم أتأكد من الموضوع دا. أخرجهم من تلك الدوامة حديث رفيف. رفيف قربت من نغم وحضنتها واتكلمت بمرح: إيه يا جماعة مالكم؟ إنتو مش فرحانين إن نغم عايشة ولا إيه؟ نغم بصتلها وحابسة الدموع في عينها: انتي مين؟ رفيف بمرح وهمس: شايفة الوالد الحليوة اللي واقف هناك دا؟

كانت بتشاور على آسر. يبقى جوزي وأنا مراته. نغم ابتسمتلها: يعني انتي مرات آسر؟ آسر قاطعها. آسر ببرود: أيوه مراتي. وبعدين إحنا في مستشفى مش مكان للتعارف. يلا عشان نشوف عمي. (رفيف وآسر كانوا أصحاب بس رفيف ما كانتش تعرف أي حد من عيلة آسر، هي تعرف أساميهم بس) ومسك إيد رفيف وراح على أوضة باباها في المستشفى. رفيف جريت على باباها. رفيف بدموع: بابا حبيبي لييه تعمل كدا؟ محمد بتعب: أنا آسف يا بنتي على كل اللي عملته. سامحيني.

رفيف بحب: أنا مش زعلانة منك يا حبيبي. كفاية بس إنك جنبي ودا عندي بالدنيا. ربنا ما يحرمني منك أبدا. آسر بود: حمدلله على سلامتك يا عمي. محمد بتعب ظاهر: الله يسلمك يا ابني. فين آدم؟ آدم بجمود: أنا هنا يا بابا. محمد مد إيده لآدم: تعالى يا ابني عايزك. آدم قرب منه ومسك إيده وقعد قدامه على الأرض وبصله نظرات مبهمة وقال بصوت حزين باكي: لييه يا بابا لييه بعدت عني وسبتني؟ محمد بدموع ورفع إيده

التانية وبقا يمسحله دموعه: انت كنت صغير وكنت متعلق بمامتك. مقدرتش أخليها تبقى معايا ولا قدرت أخليك معايا. سامحني يا ابني. وشاور لنغم ومشي إيده على وشها وكأنه بيحفر ملامحها جواه. محمد بدموع: تعرفي إنك شبهها أويي. يمكن مقدرتش أحافظ عليها. أنا وعدتها هحافظ عليها زي أختي، بس للأسف مقدرتش أحافظ عليها ولا على حب حياتي. بس أوعدك يا بنتي هشيلك في عيوني. آسر لتغيير الموضوع: يلا يا جماعة نسيبه يرتاح، مينفعش كدا هو لسه تعبان.

خرج آسر ورفيف في إيده وكلهم خرجوا وراه. آسر لنغم: تعالي معايا شوية عايزك. أحمد بنفي مسك إيدها: لا نغم مش هتمشي من هنا. آسر بص له بنظرات خلته يتراجع فوراً. وآسر شد نغم من إيدها ونزل تحت. آسر بغضب: إنتي إيه اللي رجعك؟ وعرفتي عيلتنا إزاي؟ أنا مش هسمحلك تدمريني، والسر اللي عندك هيفضل عندك إنتي فاهمة؟ أنا مش هخسر حبيبتي بسببكم. نغم بدموع: آسر انت لييه بتكلمني كدا؟

آسر بدموع: رنيم أو نغم أيا كان، أنا عندي ليكي رجاء، بلاش تدمرى العيلة ارجوكى. نغم: أنا مستحيل أدمر عيلتي. لو كنت عايزة أدمرها كنت قولت لهم الحقيقة. فوق أنا عشت في بيتكم 25 سنة على أساس إن أنا أختك، وبعدها اكتشفت إني مش أختك وإن ليا أخت توأم. ودا كله ليييه؟

عشان عمك عيونه زاايغة اغت*صب أمي بكل وحشية، وحتى رفض يعترف بينا. وأمي ماتت بحسرتها واترمينا في الملجأ 4 سنين. لولا باباك عرف الحقيقة بس للأسف البنتين تقال عليه، فأخد واحدة وساب التانية للدنيا ترميها يمين وشمال وتمشيها زي ما هي عايزة. أنا عارفة إن أمي كانت شغالة عندكم وانتو ربتوني، ودا جميل مش هنساه، بس حق أختي وأمي هرجعه حتى لو هموت. كانت ماشية بس آسر وقفها. آسر: استنى، انتي تعرفي مكان رنيم؟

نغم بحزن: عمك حابسها هي وبابا عندك في المستودع. آسر بصدمة: أبويااا! نغم: اه، أبوك ما ماتش غرقان زي ما قالوا. أبوك اتخطف، واللي خطفه عمك فاروق. آسر بصدمة: انتي إزاي عارفة كل دا؟ نغم بسخرية: هو بعتني مع ابنه فاكرني غبية وهنفذ اللي خططه، بس أنا لأ. هدمره هو، أنا هكون دمارة. آسر: وأنا أوعدك هساعدك في كل خطوة، وممكن تعتبريني أخوكي، بس إيه السر اللي هيخليكي تدمرى العيلة؟

نغم بحزن: صدقني مش هينفع، والأحسن إن السر دا يفضل مستخبي ومش لازم يتعرف. آسر: ماشي، وأنا أوعدك هساعدك للأخر. هييجي اليوم اللي يتعرف فيه. بعد مرور يومين. كانت الأمور ماشية زي ما آسر ونغم خططوا. وأحمد كان لسه بيدور في أمور نغم ورنيم، ونسي نغم اللي معاهم. عند رفيف وآسر. رفيف بدلع وهي بتربط الكرافتة لآسر: آسورة حبيبي، كنت عايزة أطلب منك طلب. آسر ضم حاجبيه: آسورة وطلب؟ قولي يا آخرة صبري.

رفيف بدلع اتعلقت في رقبته: كنت عايزة أنا وحبيبي نخرج النهاردة ونتعشى عشاء رومانسي مع بعض. آسر بحب: حبيبتي تأمر وأنا أنفذ. عندي مشوار بعد الجامعة هروحه وأخرجك أحلى خروجة. قبل جبينه وطبع قبلة حانية على شفتيها وابتسم على خجلها وخرج. في المساء. آسر رجع البيت ودخل. رفيف أول ما شافته اتخضت وجريت عليه بخضة. رفيف بقلق: حبيبي مالك؟ في إيه؟ آسر بضياع ودموع محبوسة: ماتت... مااات. رفيف بقلق

حضنته وبقت تطبطب على ضهره: مين ياحبيبي؟ اهدى. آسر وهو بيحاول يمنع دموعه: عمي ووو.