رواية رغد وجاسر الفصل الخامس 5 - بقلم حنين محمد

ساره: يلهوي امتحان إيه ده؟ رغد: امتحان لدكتور جاسر. ساره: دكتور جاسر قولتيلي. رغد: اه يا أختي دكتور جاسر، الحمد لله ذاكرتله. ساره: بس هو مقلّناش على امتحانات خالص، آآه دا امتحان مفاجئ وقالك عليا. رغد: بس بقي بلاش رغي، يلا هنتأخر. ساره: ماشي يختي يلا، جاتك القرف. وطلعت تجري. رغد: أما أوريكي يا ساره الكلب، مبقاش رغد. وبعد انتهاء الامتحان، طلعت رغد وساره.

ساره: بقولك إيه، متيجي نروح ناكل حاجة، أهو نحتفل بالطرحة الحلوة دي. رغد: أنا معنديش مانع، مادام على حسابك. ساره: يحبيبتي، مسميني "ساره الكحيانه"، يعني مامعيش مصاري ولا فلوس حتى، المرة دي على حسابك. رغد: ماشي يا كحيانه، هدفع أنا وأمري لله، مش عارفة والله في كل الروايات بتبقى صاحبة البطلة مليونيرة كده وبتعزم البطلة على طول، أما أنا ربنا باليني بساره الكحيانه، يلا الحمد لله. سمعوا صوت حد بيضحك من خلفهم.

ساره لفت تشوف مين، لقت مصطفى ابن خالتها. ساره بصدمة: مصطفى! انت هنا من إمتى؟ مصطفى: من ساعة "ساره الكحيانه". ورغد انفجرت في الضحك. ساره بعصبية: دا انتوا باردين صحيح. رغد وكتمه الضحكة: خلاص يا ساره، اهدي، إحنا بنهزر، وبعدين مش انتي اللي قولتي على نفسك كده. ساره: استغفر الله العظيم. المهم، جاي ليه يا مصطفى؟ انت فاشل ومبتجيش. مصطفى: فاشل إيه دا، أنا بيتحايلوا عليا عشان أمسك مدير وأنا رافض. ساره بتريقة: والله!

طيب يا حضرة المدير، عايز إيه؟ قبل ما يتكلم، قطع حديثهم الدكتور علي اللي كان مركز عليهم من بعيد. علي: آنسة ساره، ممكن دقيقة لو سمحتي. مصطفى: طيب يا ساره، أنا ماشي، خدي الساندوتشات دي، أمك بتقولك لو مأكلتهاش هتضربك. ساره في نفسها: يا دي الفضايح، يا أرض انشقي وابلعيني. ساره من تحت سنانها: ههه، ماشي يا مصطفى، وشدته من إيده، سلم لي على ماما قوي. مصطفى بهزار: طيب، ماشي، سلام يا كحيانه، ومشيت.

ساره في سرها: رمى القنبلة ومشي. رغد: طيب يا ساره، أنا هستناكي برا عقبال ما تخلصي مع الدكتور. وسابتها ومشيت. علي وهو ماسك نفسه من الضحك على وش ساره: اتفضلي يا آنسة، الكتاب اللي كنتي سألتيني عليه. ساره بحرج: شكراً أوي يا دكتور، تعبتك معايا، لو مكنتش لقيته مكنتش طلبته منك. علي بعفوية: لا شكراً إيه دا، انتي غالية عندي. وساره بحرج أكتر: طيب تمام، شكراً يا دكتور. ولسه هتمشي. علي: آنسة ساره...

هو مين اللي كنتوا واقفين معاه ده؟ ساره: دا ابن خالتي يا دكتور. علي: طيب، تمام، ماشي. ساره: سلام يا دكتور. راحت لرغد. رغد بضحك: ابقي كلي الساندوتشات عشان أمك متضربكيش. ساره: اسكتي الله يكرمك، دا أنا كنت في نص هدومي ساعة ما قال كده قدام الدكتور، مش عارفة أعمل إيه مع أمي والله. رغد: هي بس بتخاف عليكي من آخر مرة فقدتي فيها الوعي بسبب إنك مأكلتيش. ساره: طيب دلوقتي أنا أعمل إيه في الساندوتشات دي؟

أكلهم إزاي واحنا هناكل بره؟ رغد: وريني كده، دول سندوتشات إيه. ساره: دايماً همك على بطنك كده، منا لازم آكلهم عشان مأتهزأش، أنا حاسة إني في الحضانة والله. رغد قعدت تضحك. ساره: يبرادتك يبت، أنا ماشية بقي وهسيبك لوحدك. رغد: لي بس يا سرسور؟ يعني مش هناكل في المطعم؟ ساره: هروح أشوف موضوع السندوتشات اللي خلاني في نص هدومي ده. وأكملت وطلعت لسانها: وكمان معنديش محاضرات، الدور والباقي عليكي. رغد: طيب يلا، طرقينا بقى. قعد مده.

رغد أخدت تاكسي على البيت. رغد: افتحي بقي يا حاجة، أنا جعااااااانة، افتحي بقى. فوزية من خلف الباب: مفجوعة وهتفضحنا. فوزية: إيه يا زفتة، صوتك عالي ليه؟ ادخلي، ابن عمك جوهر. رغد بحرج: ابن عمي مين؟