رواية رغد وجاسر الفصل السادس 6 - بقلم حنين محمد

رغد : ابن عمي مين ؟! فوزيه : مالك يبت وشك اصفر كده ليه .. هيكون مين يعني الواد مهاب جايب لنا طبق محشي من عندهم ادخلي يلا رغد : الحمدلله فوزيه وهي تدخل : ربنا يكملك بعقلك يبنتي رغد في نفسها وهي تغلق الباب خلفها : كويس انه مش جاسر رغد : اهلا بيبو مهاب : مش قولتلك يبنتي بلاش بيبو دي وبعدين انتي بتخبطي زي البوليس كده ليه يا مفجوعة رغد : انا بحب اقولك يا بيبو وبعدين يا اخي انا ميته من الجوع وامي مبتردش عليا

غير لما اخبط كده مهاب : ماشي يختي مهاب : اه صح مبارك الطرحة الحلوة دي فوزيه علي الباب: ادخل يا جاسر يا حبيبي رغد: حبيبي يا بيبو متغلاش عليك جاسر بص لمهاب بتريقه: بيبو… يلا بيبو اطلع كلم والدتك وانا هخلص مع مرات عمي وجاي مهاب وهو يضرب رغد بهزار: مش قولتلك بلاش بيبو دي اهو جاسر هيفضل يتريق كده كتير مهاب بصوت يسمع فوزيه في المطبخ: انا ماشي يا زوزة هبقي اجيلك تاني فوزيه : اقعد يا ولا شويه مهاب : لا انا ماشي..

ويكمل وهو بيهمسلها: دا جاسر هيولع الدنيا دلوقت فوزيه بنفس الهمس: يلا خليه يعلمها الادب شويه مهاب: متأكده ان دي بنتك يا زوز فوزيه بضحك: يلا يا ولد امش مهاب: انا ماشي بقي وبعتلها بوسه علي الهوا فوزيه بصوت عالي: اقعد يا جاسر عقبال ما اخلص اللي في ايدي ثواني وجايه جاسر في سره : لا خدي راحتك خال رغد : انا داخله اوضتي بعد اذنك جاسر: استني رغد : نعم جاسر : مش قايلك مليون مرة متقوليش لمهاب الاسم الزفت ده رغد بشجاعه اول

مره تعملها وتقف في وشه : وانت مالك اناديه بالاسم اللي يعجبني جاسر بصدمه : والله واتعلمت الاستاذة رغد ترد علي رغد : وما اردش عليك واسمع كلامك لي اصلا ولسه هتمشي جاسر : حلو يا رغد هانم برافو عليكي وكمان بتسبيني وتمشي رغد مردتش عليه ودخلت اوضتها علطول جاسر: ماشي يا رغد اما وريتك ازاي متسمعيش كلامي رغد اول ما دخلت اوضتها انهارت في العياط : هو لي بيعاملني كدا انا عملت اي لكل ده بعد مده نامت فوزيه: اي يا جاسر يا ابني

كنت عاوز اي يا حبيبي جاسر: كنت جاي اقولك يا زوز ان هنعمل لياسمين خطوبة صغيره في البيت بعد بكرا وماما عايزاكي معاها من اول اليوم فوزيه : مبارك يا حبيبي ان شاء الله هنيجوا انا ورغد من الصبح جاسر : حبيبتي يا زوز انا مش جاي اعزمكوا انتم اهلنا فوزيه : امال يا حبيبي ان شاء الله هنكونوا هناك جاسر : طيب انا ماشي بقي عشان عندي شويه شغل فوزيه : ماشي يا حبيبي جاسر : السلام عليكم ورحمه الله وبركاته

فوزيه : وعليكم السلام ورحمه الله وبركاته يا حبيبي فوزيه : ربنا يهديكوا يا رب بليل At night يعني فوزيه : اصحي يا بت يا رغد رغد بنوم : اي بس يا ماما في اي هو انا لحقت انام فوزيه: لحقتي اي يبنتي دا الجيران بتشتكي من شخيرك رغد : بقي انا بشخر وانا نايمه طيب ماشي ان ما سجلتلك وسمعتك نفسك فوزيه : قومي يا بت بق رغد : خلاص قومت اه وقامت رغد و قعدت تذاكر شويه فوزيه : خدي يا دودو كبايه القهوه دي من ايدي الحلوة

رغد : هو مش المفروض انا اللي اقولك كده فوزيه : منا بقول لنفسي عشان انا بsupport نفسي علطول رغد : عرفتيها منين دي يا ماما ؟؟!! فوزيه : البت ياسمين بتقولها علطول فلزقت في لساني بس اي رايك رغد بضحك: اهي البت ياسمين دي اللي هتودينا في داهية فوزيه : الا صحيح ياسمين خطوبتها بعد بكرا جاسر كان جاي يقولي النهارده رغد في سرها : هو كان جاي علشان كده رغد : بجد يا ماما ومقالتليش ليه البت دي فوزيه : اكيد العريس هو اللي كلم جاسر

وقاله هي هتعرف منين رغد : ربنا يهنيها دي طيبه اوي وانا بموت فيها فوزيه : اعملي حسابك هتروحي معايا من الصبح علشان نساعدهم رغد : ان شاء الله لو معنديش محاضرات هاجي معاكي فوزيه : طيب يا قلبي انا طالعه اسمع المسلسل ولو احتجتي حاجه ناديني رغد : باست ايديها : ربنا يخليكي ليا يا ماما بعد ساعه رغد : اخيرا خلصت ..اهو اكتر حاجه بكرها المذاكرة قعدت رغد تفتح تليفونها وتتصفح فيه جاتلها رساله من رقم غريب &هلو رغود* مين؟؟ &وحشتيني*

رغد : دا مين دي ؟ ممكن تكون نور اللي اخدت رقمي من يومين * مين؟؟ نور ؟ &لا مش نور* * اومال مين ؟ مردتش رغد : يا تري مين ؟ انا اعمل بلوك احسن ولا لأ ..ممكن تكون واحده صحبتي انا هستني اما ترد عليا عند شخص تاني: هجيبك يعني هجيبك