رواية رغد وجاسر الفصل السابع 7 - بقلم حنين محمد

في صباح يوم جديد. رغد وهي بتصحي من النوم: صباحوا يا رغووود. فوزيه: يوه انتي بتكلمي نفسك يا ضنايا. رغد: بصبح علي نفسي يا ماما فيها اي يعني. فوزيه: ربنا يصبرني علي ما بلاني. قامت رغد واتوضت وصّلت. رغد: الفطار فين يماما؟ هتأخرف. فوزيه: تعالي يلا هنا. فطرت ولبست جزمتي ومشيت. استنيت ساره عند باب الكليه. ساره: هلوز يا رغوود. رغد: اي فينك كل دا؟ مستنياكي من بدري. ساره: خناقه كل يوم مع ماما. رغد بضحك: السندوتشات مش كده؟

ساره: اه يا اختي. يلا بينا ندخلوا علي المحاضره الاولي. رغد: محاضره مين النهارده؟ ساره: دكتور جاسر. رغد: طيب احضريها انتي وانا همشي دلوقت. ساره: لي يبنتي؟ حصل اي؟ رغد: مشكله صغيره هبقي احكيلك بعدين. همشي انا بقي قبل ما يجي. جاسر: السلام عليكم ورحمه الله وبركاته. المدرج رد عليه: السلام. رغد: يووو بقي مش هعرف امش. ساره: اقعدي بقي احضري عادي. جاسر: الصوت ورا لو سمحت. رغد بصوت واطي: استغفر الله العظيم.

جاسر: الانسه اللي ورا في حاجه؟ رغد: انا يا دكتور. جاسر: ايوا انتي. رغد: لا مفيش حاجه. انا اسفه. جاسر: تمام يلا نبدأ. رغد في سرها: متعجرف وبارد. خلصت المحاضره. ساره: فهمتي حاجه؟ رغد: انا معرفتش اركز اصلا من التوتر اللي حصل في الاول. ابقي هاتي الجدول وريحيني. ساره: طيب هبقي ابعتهولك. تعالي نقعد في كافيه برا عقبال المحاضره اللي بعديه. رغد: طيب يلا. ولما نخلص تيجي معايا نروح نشتري فستان لخطوبه ياسمين بنت عمي. ساره: ماش.

رغد: متجيبي انتي كمان وتيجي معايا؟ ياسمين هتفرح اوي وخصوصا انكم مشفتوش بعض من زمان. ساره: والله فكره بس انا معملتش حسابي علي فستان. رغد: تعالي وهجبلك واحد بس عدي الجمايل. ساره: يا شيخه اتنيلي. في نفس الوقت. جاسر واقف بعيد لكن شايفهم. مراد: رغد. رغد: اهلا مراد عامل اي؟ مراد: الحمدلله انتي عامله اي. ومد ايده يسلم. جاسر: كانت نقصاك انت كمان. اي دا اوعي يا رغد تعمليها والله هقتلك. رغد: معلش يا مراد مش هقدر اسلم. مراد:

وزاد اعجابه اكثر: لا ولا يهمك. مبروك الحجاب. رغد: يعني لسه مش كامل بس بحاول. مراد: ربنا يثبتك. اسف ازيك يا ساره مأخدتش بالي معلش. ساره: الحمدلله انا تمام. ولا يهمك. رغد: طيب احنا ماشين دلوقت. مراد: السلام عليكم. رغد وساره: وعليكم السلام ورحمه الله وبركاته. جاسر: ايوا كده شطوره. وانت يا سي مراد لازم اشوفلك حل. علي: اي يا جاسر بتكلم نفسك ولا اي؟ جاسر: ها لا بس شويه مشاكل. انت اخبارك اي؟ علي: تمام. انت عامل اي؟

جاسر: الحمدلله كويس. بقولك اي انا عايزك تحضر بكرا عندنا خطوبه اختي. علي: لا معلش خليها مره تانيه. جاسر: هو انا بعزمك دا خطوبه اختي يا جدع. علي: جدع؟! جاسر بضحك: الكلمه دي لزقت في لساني بسببها. علي: بسبب مين؟ جاسر: لا ولا حاجه. المهم انك هتشرفني بكرا. علي: هعمل اي امري لله. عاده معاد المحاضره التانيه لساره ورغد. رغد: يلا بينا يا بنتي هنتأخر. ساره: لا قايمه اهو. وهما في الطريق وقربوا علي الكليه.

رغد: ااه بطني بتوجعني جامد يا ساره. ساره: من اي يعنى؟ رغد: مش عارفه. حاسه بدوخه فظيعه. ساره: طيب تعالي نقعد علي جمب. رغد: ااه مش قادره. ساره بدأت تخاف: طيب انا اعمل اي دلوقت؟ رغد: اتصرفي مش قادره. ساره: رغددددد.