رواية رغد وجاسر الفصل الثالث 3 - بقلم حنين محمد

جاسر وصل عند المكان اللي كانت واقفة عنده. لقى رغد لسه واقفة. رغد بصتله بنظرة مفهمهاش. جاسر: يلا يا رغد اركبي. رغد: لا مش عايزة أركب معاك. أكملت بدموع: مش أنت سبتني ومشيت؟ جاسر: أنتي اللي عَصّبتيني.. يلا يا رغد، وقفتك هنا ملهاش لازمة. مامتك قلقانة عليكي. رغد باستسلام: ركبت بدون رد. جاسر ركب هو كمان. فضلنا طول الطريق ساكتين. أول ما وصلنا نزلت علطول من غير ما أبص له وجريت على شقتي. فوزية: أنتي جيتي يا رغد؟

رغد وهي بتقفل الباب: لا يماما، أنا لسه في السكة. فوزية: طب يلا يا خفيفة غيري هدومك عشان تتغدي. رغد: لا يماما، أنا مش جعانة. أنا هدخل أنام وابقى صحيني بليل. فوزية: ماشي يا قلب أمك. دخلت رغد غيرت هدومها وقعدت تفكر كتير وبعدين نامت. عند جاسر.. جاسر رجع شقته. غير هدومه وهو بيفكر في تصرفاتها. نفض التفكير ده من دماغه وعمل لنفسه قهوة وقعد يحضر لامتحان لطلابه في الكلية. جه الليل… عند رغد: صحيت من النوم الساعة ١٢.

طلعت في البلكونة تشم شوية هوا. رغد وهي بتبص في التليفون، لقت رسالة من رقمه. رقمه معاها من زمان وعمره ما بعتلها حاجة. جاسر: أنا آسف إني خليتك تعيطي بسببي النهارده. رغد أول ما شافت الرسالة دي حست بمشاعر متلخبطة. ردت عليه: لا ولا يهمك. إيه ده… دا شافها علطول. رد عليها: يعني مش زعلانة مني؟ ردت رغد: لا مش زعلانة. جاسر: حيث كدا بقى أحب أبشرك، أنتي عندك امتحان في مادتي بكرة. رغد: يلهوي، دي مادة غلسة أوي مش فاهمة فيها حاجة.

جاسر: أنتي اللي ما بتحضريش معظم المحاضرات. رغد: طب بما إنك الدكتور وابن عمي، ما تقولي كدا كم سؤال من الامتحان. جاسر: من غشنا فليس منا.. ولا الكلام ده مش واكل معاك. رغد: طب أنا هعمل إيه؟ جاسر: هقولك أنا تعملي إيه. رغد اتفاجأت من اللي طلع من البلكونة. رغد بخضة: بسم الله الرحمن الرحيم، خضتني يا جدع. بلكونة رغد لازقة في بلكونة جاسر. جاسر: يا جدع.. بيئة أووي. رغد: أنا بيئة!

جاسر: روحي اعمليلي قهوة وتعالي أشرحلك اللي مش فاهماه. ونظر لملابسها: والبسيلك ازدال عشان أعرف آخد راحتي وأنا بشرحلك. كانت لابسة بيجامة قطن بنص كم.. بس كانت زي القمر. رغد بكسوف: حاضر. جاسر في نفسه: إيه القمر ده.. لا لا استغفر الله العظيم، دي بنت عمي وتحل لي. لازم أغض بصري. جاسر أول مرة ياخد باله من ملامحها. شعرها الأحمر الناري ولا شفايفها الكبيرة الوردية ونمشها اللي زي النجوم المنثورة في السما وبشرتها التلجي.

نفض الأفكار دي من دماغه. جاسر: جاسر أنت بدأت تحبها ولا إيه… رغد بفرحة: هي مين دي اللي بتحبها يا جاسر. جاسر…