رواية رغم احزاني الفصل الرابع عشر 14 - بقلم ياسمين غنيم

أحمد: الووو الاء: السلام عليكم الووو يا احمد احمد: اخبارك ايه الاء: انا بخير الحمدلله. واخبارك انت ايه؟ واخبار الشغل؟ احمد: انا بخير الحمدلله. انا بعتذر اني رنيت عليك بس تليفون نور مقفول. الاء: نور مش هنا اصلا من امبارح. احمد: مش هنا ازاي؟ الاء: هي نزلت امبارح اسكندريه لانها محتاجة حاجات من مكتبه اسكندريه. فطلبت من جدو الاذن وهي راحت امبارح وهتيجي النهارده. احمد: (بزعيق) ازاي تروح من غير ما تقولي؟

هو انا مش اخوها الكبير! الاء: في ايه يا احمد انت بتزعق ليه؟ وانا مالي؟ احمد: حس انه زودها شويه. ماشي يا الاء سلام. الاء: سلام. الاء: ارن عليه اطمن عادي، دا ابن عمي يعني. بتمسك الفون وترن عليه. الاء: الوو السلام عليكم. رعد: (باستغراب) وعليكم السلام. ايوا يا الاء في حاجة؟ الاء: (بتوهان) اهاا لا، كنت بطمن عليك 😍 رعد: انا كويس الحمدلله. الاء: يارب اشوفك دايما كويس. رعد: طيب محتاجة حاجة؟

الاء: لا. بس اميرة قالت انك جيت ومشيت في نفس اليوم، كان فيه حاجة؟ رعد: اه كان عندي شوية شغل ونزلت تاني. طيب انا عندي شغل بليل، ابقى اكلمك تاني. عايزة حاجة؟ الاء: (بفرح) لا شكرا، بس هستنى انك ترن عليا. رعد: استغرب كلامها. ماشي تمام. سلام. هي مالها دي كمان. *** وعلي شاطئ اسكندريه بنوته بتتمشى. _الدنيا دي غريبه اوووي! _لازم تبقي غريبه. _افندم! فهد: -نعم. _لا انا اسمي فهد. -نعم! _لا عادي كنت فاكرك بتسالي عن اسمي.

-هو انا اعرفك! _تؤ تؤ تؤ. -يبقي هسالك ليه! _يمكن حابه تتعرفي. -هيهي عليك ما ظنش! _ليه حتى، دا انا أحلى وقمور. -ابتسامة أحلى وقمور مرة واحدة! _على مرات. -افندم! فهد: -نعم! _لا اسمي فهد. -انت بتظرف! _لا والله. يا اسمك ايه؟ -يا سبحان الله! بقولك اسمك ايه؟ _نور! -ايه؟ _اسمي نور! -وووواوووو نور وفهد لاقيين صح. -افندم! _هو مش حافظ غير افندم. -لا في كتير. _زي ايه. _اوعي يا كابتن كده انا مش فاضيلك! _ليه وراك ايه؟

-مسافرة بكرة! _انتي مش من هنا. -لا. _ولا انا. -افندم! _يابنتي زهقت من افندم بتاعتك دي. _عايز ايه! _ولا حاجة. -سلام! _استني هنا. هي الدنيا غريبه ليه؟ -مش فاهمه! _سمعتك بتقولي الدنيا دي غريبه. -اه هي غريبه! _اشمعنا؟ _علشان محدش بياخد اللي بيحبه! -يمكن علشان هما بيختاروا غلط او مش لاقيين على بعض. _مش عارفه بقا، بس اللي اعرفه ان محدش بياخد اللي نفسه فيه. لو ربنا كتبهولك هتاخدي حتى لو اجتمعت اهل الارض على لا.

-ممكن سلام بقي! _هشوفك تاني. _الله واعلم. انا مش من هنا ولا بنزل كتير. انا واثق اني هشوفك. -الله اعلم. وبتمشي. فهد: ودا اول خطوة نفعت واتعرفت عليها. ربنا يستر على الباقي بقي. *** برق: رعد هو انت شاكك في فهد؟ رعد: برق انت عبيط! لا طبعاً. برق: طيب وكل اللي بيحصل معانا ده؟ رعد: ده فخ علشان نشك فيه. برق: وهنعمل ايه؟ رعد: هنشك فيه طبعاً زي ما هما عايزين. برق: طيب ازاي؟

رعد: في واحد فينا خاين ولازم نعرفه، هو اللي بيوصلهم أخبارنا. برق: قصدك من الفريق يعني؟ رعد: لا اعلى من كده كمان. برق: قصدك مقدم؟ رعد: اللواء. برق: مش معقول. رعد: انا شاكك في واحد. لو طلع هو يبقى يقول على نفسه يا رحمن يا رحيم. برق: طيب انا هرجع ازود الحماية على القصر وارجع. رعد: هنرجع سوا. برق: وهنعمل ايه؟ رعد: لازم كلنا نرجع. برق: انت هتفتح موضوع مريم؟

رعد: انا مش بس هفتحه. لو طلع جدك او اي حد يعرف حاجة عن مريم والله ما هرحمه. برق: انا متأكد ان محدش فيهم يعرف حاجة. انا قولتلك ان مريم مكنتش تعرف انها لسه عايشه. دي قالتلي كذا مرة انها ماتت. رعد: عايز تفهمني ان جدي ميعرفش ان حفيدته عايشه؟ برق: يمكن يا رعد، بلاش الظن. رعد: (بعصبية) انت هتجنيني؟ ميعرفش ازاي يعني؟ بقولك حفيدته. جدك اللي بيعرف كل حاجة عننا واحنا برة مش هيعرف ان حفيدته عايشة؟

برق: طيب اسأله وشوفه هيقولك ايه. رعد: ان شاءلله. برق: طيب هترجع امتى؟ انت ليك اسبوع ولسه مفيش جديد. رعد: لا هي اتحركت امبارح ودكتورة قالت ممكن تفوق النهارده. برق: طيب الحمدلله. ان شاءلله هتكون بخير. رعد: يارب يا برق. برق: انت حبيتها؟ رعد: مش عارف. او يمكن خايف أحبها بعد اللي عملته فيها. برق: ان شاءلله هتسامحك وانت ليك عذرك. رعد: (بأسف) بس هي متعرفش حاجة زي كده. برق: انت فيك حنية وطيبة تخليه أي حد يحبك.

رعد: مش مريم يا برق. القسوة اللي اتعملت بيها مريم مستحيل تنساها. هي قالتلي انها مستحيل تسامحني واني هرجع ندمان، وده فعلاً اللي حصل. برق: اهدي انت بس. ويمكن لما تعرف انك ابن خالها وقتها يكون في سبب تسامحك عليه. رعد: اهوو ده أكتر سبب مش هتسامحني عليه. ازاي مدورناش عليها ليه؟ سيبناها لوحدها كده. برق: هتتحل انشاء الله. رعد: ان شاء الله. يلااا سلام علشان هشوف الدكتورة. برق: يبقى طمني عليكم. رعد: حاضر.

رعد بيمسك ايديها ويبوسها. انا مش عارف هواجهك اساس ازاي وهيكون رد ايه، بس صدقيني انا بحبككك و بتمنى متسبنيش زي ماما، بس خايف تتطلعي زي ماما و تسبيني لوحدي بعد ما اخد عليكي. يااارب هون من عندك. مريم: (بتحلم ان في حد بيجري وراهااااا وفي مكان كله ضلمة ومش بتلاقي حد يساعدها) مرة واحدة بتشوف حد بيشدها جامد وويحضنها. مريم: ماااااماااا. رعد: انتي كويسة؟ مريم: (وهيا بتفتح عينيها وتغمضها) انت مين؟ رعد: انتي مش فاكراني؟ مريم:

(بتعب) لا. رعد: طيب انتي كويسة؟ مريم: لا. رعد: استنى هنده على الدكتور. مريم: لا. رعد: مش بتقولي تعبانة؟ مريم: لا. رعد: طيب انتي كويسة؟ مريم: لا. رعد: يااارب انتي فيكي ايه؟ انا هنده الدكتورة تشوفك. مريم: سكتت. رعد: مريم انتي كويسة؟ مريم: مفيش رد. الدكتوره: ممكن تقوليلي اللي حصل بالظبط. رعد: مش عارف. هي فاقت مخضوضة وبعدين كله ماقولها حاجة تقول لااا. دكتورة: وبعدين ايه اللي حصل؟ رعد: مفيش. وبعد كده فقدت الوعي.

دكتورة: تمام. انا هديها ابرة دي وكمان ساعتين هتفوق. واتوقع منها ايه حاجة لما تفوق. رعد: شكرا يا دكتورة. دكتورة: ده واجبي. *** ‏كل حاجة غريبة، كل حاجة ممكن تتغير للأسوأ ألف مرة بسرعة غريبة، بسرعة ممكن تنسيك إنها كانت حلوة أصلاً. اميره: خلاص هتسافري وتسبيني لوحدي. ريم: انتي عارفة انه غصب عني. اميره: عارفة. أهم حاجة تخلي بالك من نفسك. ريم: حاضر. مع اني كان نفسي تبقي معايا. اميره: متخافيش. كلها شهر وهكون عندك.

ريم: انا مش عارفة جدي رفض انك تروحي معايا ليه. اميره: جدو سأل قوليله انك خلال شهر هيبقى مفيش ليكي زيارات ولا حتى خروج علشان دي أصعب فترة في العلاج. ومتخافيش، كل دقيقة هكلمك. ريم: تعرفي ان ماما مسألتش عليا ولا تعرف أنا مسافرة ليه؟ اميره: احنا قولنا ايه؟ ريم: حاضر هدخلها واتكلم معاها. اميره: يلا روحي وأنا هحضرلك الشنط. ريم: اميره هقول ايه لنور كلمتني وسألتني.

اميره: احنا اتفقنا مع جدو ان محدش هيعرف حاجة وهنقول انك هتكملي تعليمك هناك. ريم: ماشي. اميره: يلا غوري عايزة أكلم برق. ريم: (بضحك) ايوه قولي كده. وانا أقول البت مالها كده عايزاني اطلع بره الأوضة. اميره: لا والله. ريم: على فكرة الأوضة بتاعتي أنا. اميره: (ببعض الغضب) غوري من هنا. ريم: باي باي. اميره: لما أشوف الأستاذ اللي ليه يومين مكلمنيش ولا معبرني. أكيد بيحب حد تاني. والله لأربيك يا برق يا كلب. برق: انا كلب؟

اميره: انت سمعتني؟ برق: مش انتي اللي بتفكري بصوت عالي؟ اميره: وانت بتتصنت ليه؟ برق: انا مالي. انتي رنيتي وأنا فتحت. لقيتك بتشتميني. اميره: لا مش انت ده بتاع الزبالة. برق: يا محاسن الصدف. واسمه برق. اميره: شوفت بقي اسمك مشهور ازاي. وأنا فاكرة ان المجموعة القمرية عندنا بس، برق ورعد. عصف: برق: (بضحك) مجموعة ايه؟ اميره: فكك. أخبارك ايه؟ ومكلمتنيش ليه ليك يومين؟ برق: مفيش يا ستي. أنا بخير بس كان عندي شغل شوية.

أميره: اممم طيب يعني مش بتخوني؟ برق: طب بزمتك انا عندي وقت أكلمك علشان أخونك؟ اميره: بصراحة لا. برق: ايوه كده. المهم حبيبتي عاملة ايه؟ اميره: مش كويسة خالص. برق: ليه يا حبيبي؟ اميره: علشان حبيبها مش معبره ولا حتى مهتم بيها. برق: على عيني والله. أنا كده كده راجع بكرة وهنعمل اللي احنا عايزينه. اميره: (بفرح) احلف انك جي بكرة. برق: والله جي بكرة وعندي ليكي مفاجأة كمان. اميره: ايه هي؟ برق: لو قلتلك متبقاش مفاجأة يا ذكية.

اميره: الله يسامحك. لسه هتنسي لبكرة؟ برق: انتي ليه محسساني اني بقولك السنة الجاية، بقولك كلها ساعات. اميره: طيب خلاص فهمت. برق: يارب اخير فهمتي. اميره: قصدك... ونسيبهم يتخانقوا مع بعض. *** عند رعد في المستشفى. مريم: اااه دماغي. رعد: انتي كويسة؟ مريم: (بتحاول تقوم) اااه. رعد: انتي رايحة فين؟ مريم بتحاول تقوم ومفيش رد. رعد: انا مش بكلمك. انتي لسه تعبانة؟ مريم: (بتصبله بنظرة استحقار)

رعد: طيب ممكن تقعدي مكانك وانا هنادي الدكتورة اشوفها هتقولك ايه. وبيحاول يخليها تقعد. مريم: (بتبعده عنها) ابعد عني. انت حيوان. رعد: طيب اهدي. مريم: قولتلك ملكش دعوة بيا. ابعد عني بقا. و بتيجي تقوم كانت هتقعد بس رعد لحقها. بقولك استني. انتي نايمة ليكي فترة جسمك مهمد. استني لما الدكتورة تكشف عليكي. مريم: (بتقرف منه) ابعد عني. انا مش طايقاك. ريحتك ولا عايزة أشوفك قدامي. انت شيطان. رعد: (بيحاول يهدي نفسه)

طيب انا هبعد بس اقعدي لحد ما أنادي على الدكتورة. مريم بصتله ومردتش عليه. رعد: ادخلي يا دكتورة. دكتورة: مريم انتي حاسة بإيه دلوقتي؟ مريم: في صداع شديد وجسمي واجعني. دكتورة: دي كلها حاجات ظاهرية يعني هتروح مع العلاج. أهم حاجة انك كويسة. مريم: الحمدلله. بس انا عايزة اخرج من هنا. رعد: كده كده هنمشي انهاردة. دكتورة: ماشي. بس لازم تخلي بالك منها. واوعي تقرب منها علشان حالتها النفسية محتاجة هدوء وراحة.

مريم: بس انا مش هروح مع حيوان زيك. رعد: ممكن تسكتي خالص. انا مش هسيبك. مريم: انت مش بتحس؟ بقولك بكرهك. مش طايقاك. بقرف منك. حس بقي. رعد: (ماسك نفسه بالعافية) اسكتي أحسنلك. هتندمي. مريم: مش أكتر من الندم اللي بحس بيه دلوقتي. رعد: لا هيبقي أكبر. لان وقتها هيكون مش من جوزك وبس. مريم: قصدك ايه؟ رعد: قصدي انك بنت عمتي سمر الله يرحمها. مريم اتصدمت: انت بتقول ايه؟ مستحيل. رعد: لا. للأسف.