رواية رغم احزاني الفصل الثامن عشر 18 - بقلم ياسمين غنيم

رعد: يارب هم آخروا ليه كده. سحر: اهدي ي حبيبي، إن شاء الله هتقوم بالسلامة. رعد بقلق: دي ليها خمس ساعات جوه، أنا خايف عليها أوووي ي عمتو. ومحدش طلع طمني عليهم. سحر: يا حبيبي، أي تفاءل. رعد: يارب تقوم بالسلامة. بعد نص ساعة، دكتور بيخرج. رعد بيجري عليه: طمني ي دكتور. دكتور بأسف: أنا آسف، بس حالة صعبة. إحنا عملنا كل اللي نقدر عليه، وكمان فقدان الجنين أثر على صحتها أكتر، والخطورة زادت عن الأول. رعد بعدم فهم: جنين إيه؟

هي مش حامل. دكتور: لا، كانت حامل في شهر أول، والرحم بتاعها مقدرش يشيل الجنين في الوضع ده. وده أدى لمضاعفات زيادة، ربنا يستر وتقوم بالسلامة بدون خسارة. الكل مصدوم من اللي سمعوه. رعد: يعني مريم كانت حامل في ابنك؟ الاء: ابنك إزاي؟ بيقولوا فتاة الليل، أكيد من أي حد غيرك. رعد: ضربها بقلم. أول وآخر مرة أسمعك بتقولي عليها كلمة. وعلى فكرة، اللي بتتكلمي عليها دي مراتي، مرات رعد مهران الدسوقي، فاهمة ولا أفهمك؟

برق: خلاص ي رعد، هي أكيد مكانتش تقصد. رعد: برق خد أختك من هنا عشان ما أتهورش عليها. برق: الاء تعالي نطمن على جدو. الاء مشت بدون رد. برق: رعد. رعد: عايز إيه ي برق؟ أنا مش فاضي. برق: عصف هنا عند جدو. رعد: جه إمتى؟ برق: مش عارف. أنا كلمته امبارح، طلع في مصر. رعد: ماشي. برق: هروح أنا وأبعته. أحمد: عصف هنا ومحدش يعرف؟ رعد: هي جديدة عليه، مهو دايماً كده. أحمد: عندك حق. أنا رايح عند جدي. رعد: عمتو أميرة عاملة إيه؟

سحر: لسه مفقتش. أنا قلقانة عليها أوووي، دي بتتعب من أي حاجة. رعد: ربنا يسترها عليهم. سحر: أنا هروح أشوفها وجاية. رعد: يا ريت عشان تطمنيني عليها. رعد بيدخل عند مريم. بيمسك إيديها: مريم حبيبتي، فوقي بقى. تعرفي إنك كنتي حامل مني؟ أنا عارف إنك كنتي هتزعلي، بس مستحيل ترفضيه. أنا زعلان جداً، مع إني مكنتش أعرف إنك حامل. أنا عارف إنك زعلانة مني، بس بلاش بتكرهيني دي. إحنا بينا حاجة مشتركة، تعرفي إيه هي؟

الماضي. ماضي كل واحد فينا أسود. أنا عشت حياتي كأني يتيم الأب والأم، مع إن الاتنين عايشين، بس محدش حسسني فيهم يعني إيه طفولة. أنا اتحملت المسؤولية من وأنا عندي 6 سنين، بقيت مسؤول عن نفسي في تعليمي، أكلي، شربي، وكل حاجة تخصني. غير مرات أبويا كانت مكرهاني في عيشتي. أنا بسببها بكره أختي، ولا عمري عاملتها على إنها أختي. الحاجة الوحيدة اللي في حياتي هي وجود جدو مهران. رباني وخلى باله مني. أنا من غيره مش عارف كنت إزاي.

دلوقتي مرات أبويا كانت بتقولي يا ابن الخاينة، عشان كده دايماً بعيد عنهم. ولما كبرت ولاقيت عصف ساند ليا، حمدت ربنا على النعمة اللي أنا فيها. شوية وعصف سافر وفقدت السند، وبقيت أنا السند للعيلة دي. أنا مش عارف بقولك كل ده ليه. تعرفي أول مرة لما قربت منك، كنت شايفك أمي. الله يسامحها، عشان كده آذيتك. والمرة التانية كنت غبي، فكرتك خاينة، بس طلع أخوكي. سامحيني ي مريم عشان خاطر ربنا، سامحيني.

وبينام وياخدها في حضنه. حبوا اللي ما يهونش عليهم زعلكم مهما كان الغلط. الاء بدموع: طلع متجوز حقيقي وكانت حامل منه. نور: أنا قوللتلك من زمان، رعد مش ليكي ولا إنتي لـ رعد. ليه غاوية تتعبى نفسك ي بنتي؟ الاء: بس أنا بحبه.

نور: أولاً، إنتي غلطانة. مينفعش تقولي عليها كده، دي مهما كان بنت خالتك. ثانياً، إنتي كدابة. إنتي مش بتحبي رعد، ده فراغ عقلك الباطل مصوره ليكي بسبب اللي رعد كان بيعمله معاكي وإحنا صغيرين. رعد كان بيعاملك على أساس أخته، إنتي ترجمتيها حاجة تانية. الاء بحيرة: مش عارفة بقى. نور: بصي حواليكي، يمكن تلاقي حد بيحبك فعلاً. الاء بدون فهم: قصدك مين؟ نور: الله أعلم. شوفي إنتي بس. الاء: شكلك عارفة حاجة وبتكدبي عليا.

نور: قلتلك معرفش. الاء: ماشي ي أختي. تليفونك بيرن، ردي. نور بتوتر: هااا، دي واحدة صاحبتي رغايّة وأنا مش فايقة. أنا هقوم أبص على أميرة. الاء: لا، استني أجى معاكي. نور: مش هينفع نسيب كلنا جدو. أنا هروح أشوفها وأجي. الاء: نسيب جدو لوحده إزاي؟ وكل ده بيعمل إيه؟ نور: مش بتفهمي؟ افرضي إن جدك تعب، مين ينادي لدكتور؟ إنتي طبعاً. الاء بدون فهم: أيوه طبعاً، أنا. نور: طب الحمد لله، أخيراً فهمتي. نور بتخرج بسرعة. أوووف، بت غبية.

نور: الوو، السلام عليكم. فهد: إنتي إزاي تنزلي من غير ما أعرف كده؟ نور: أولاً، أنا نزلت مع أخويا. ثانياً، كان فيه مشاكل ولازم أنزل. فهد: طيب، طمنيني كلكم بخير. نور: بصراحة، لا. فهد: في إيه؟ قولي. نور: اتهجم على البيت لصوص وضربوا نار. جدو وبنت خالتي اتصابوا، غير إن بنت خالتو التانية تعبت جامد. فهد: رعد وبرق، حد فيهم اتصاب؟ نور: لا. بس إنت تعرفهم منين؟ فهد: هااا، إنتي اللي قولتيلي. نور: أنا، يمكن.

فهد: الحمد لله إنهم بخير. نور: الحمد لله. فهد: المهم، طيب جدو عامل إيه؟ نور: كويس الحمد لله. هو فاق الحمد لله، بس ولاد خالتو لسه. فهد: إن شاء الله خير. أهم حاجة إنتي عاملة إيه ي قلبي؟ نور بإحراج: أنا قولتلك بلاش الكلام ده. فهد باستعباط: إنهي كلام ي روحي؟ نور: فهد. فهد: عيونه. نور بكسوف: فهد، احترم نفسك. فهد: حياته. نور: يوووه بقى. فهد: خلاص ي حبيبي. 😻 نور: سلام عشان ماما بتنادي عليا. فهد: مش قديمة شوية.

نور باستغراب: هي إيه؟ فهد: ماما بتنادي عليا. نور بتبتسم. فهد: بتطلعي أحلى وإنتي بتضحكي. الضحكة بتزيدك جمال على جمالك ي نور. نور: احم، طيب أنا لازم أقفل دلوقتي. فهد: ماشي، بس هكلمك بليل. نور: ماشي، سلام. ريم: الوو، أيوه يا بيه. رعد بنوم: آه ي حبيبتي، أخبارك إيه؟ ريم باستغراب: حبيبتي! كويسة الحمد لله. وإيه أخبارك؟ رعد: تمام الحمد لله. ريم: أنا آسفة إني رنيت عليك، بس برن على أميرة ونور مش بيردوا. في حاجة؟

رعد: وفيها إيه لو رنيتي عليا يعني؟ مش أخوكي؟ ريم: لا، بس قولت عشان مشغلك. رعد: لدرجة دي إحنا بعاد عن بعض. ريم: هااا، ابيه حضرتك كويس؟ رعد: لا، أو مش عارف. ريم: في حاجة ي ابيه؟ رعد: لا ي حبيبتي، بلاش تشغلي دماغك. إنتي عندك مذاكرة. ريم بوجع: مذاكرة؟ رعد: في إيه ي ريم؟ إنتي مخبية حاجة؟ ريم بتوتر: لا، ابيه. ممكن تخلي أميرة تكلمني لو إنت جنبها؟

رعد: قولي في إيه. إنتي عارفة إني هعرف دلوقتي أو بعدين، فالما تيجي منك هتبقى أحسن. ريم بخوف: أنا سافرت عشان أتعالج، مش منحة زي ما جدو بيقول. رعد بخوف حقيقي: تتعالجي إيه؟ إنتي مريضة؟ فيكي إيه؟ ريم: لا، أنا كويسة. بس أختك مدمنة. رعد بصدمة: إنتي بتقولي إيه؟ ريم: أنا في مصحة ي رعد، مش في منحة. رعد: يااااهااا، أنا وبعيد عنك لدرجة إني أكون أهبل معرفش أختي مسافرة بتعمل إيه.

ريم بدموع: مش كده والله، بس كنت محرجة منك وكنت خايفة أكتر تأذيني. رعد: إنتي شايفني وحش أوووي كده؟ ريم: ما قصدتش والله، بس... رعد: سيبك، نتكلم في الموضوع ده بعدين. إنتي عاملة إيه؟ وفي أنهي مرحلة دلوقتي؟ وبدأتِ إمتى؟ ومين بيعالجك؟ فهميني كل حاجة. ريم: اهدي ي ابيه. والله كنت خايفة من بابا. رعد: بابا ما يعرفش كمان؟

ريم: محدش يعرف غير أميرة وجدو، وهما كانوا بيرنوا عليا كل شوية، بس ليهم يومين محدش فيهم بيتصل، عشان كده رنيت عليك. رعد: يعني عشان هما مرنوش رنيتي عليا؟ ومكنتش هعرف طيب؟ بابا لما يكلمك بتقوليله إيه؟ ريم بضحكة وجع: بابا، أنا مسافرة ليا أسبوعين. ماما وبابا، كل واحد فيهم مكالمة واحدة بس ولا أكتر. رعد: إنتي بتقولي إيه؟ محدش فيهم بيرن عليكي ولا يسأل؟ ريم: على أساس إنهم كانوا بيسألوا وأنا في البيت.

رعد: عندك حق. طيب، طمنيني عليكي ي قلبي. والله أنا لو أعرف أجيلك هجيلك، بس الظروف دي مش هعرف. بس هتابع معاكي. ريم: ربنا يخليك ليا ي ابيه. ممكن بقي تنادي لأميرة عشان عايزة... رعد: بصراحة، أميرة تعبانة شوية. ريم بقلق: تعبانة إزاي؟ رعد: متخفيش ي حبيبتي، دول شوية تعب عادي. ريم: رعد، في إيه؟ أميرة مالها؟ رعد بصراحة: اتهجم على البيت حرامية وضربوا نار على جدو ومريم، وأميرة جالها صدمة. ريم: طيب جدو عامل إيه؟

طمني عليه، ومحدش قالي ليه؟ وأميرة عاملة إيه؟ ومين مريم؟ رعد: هما كويسين الحمد لله. ومريم تبقى أخت أميرة التوأم. هفهمك كل حاجة بس بعدين عشان دكتورة دخلت. ريم: ماشي، يلا باي باي. رعد: آه ي دكتورة، طمنيني عليها. حالتها عاملة إيه دلوقتي؟ دكتورة: للأسف، حالتها لسه زي ما هي، وإحنا بنديها مهدئ عشان الوجع يبقى خفيف. لما تفوق. رعد: طيب، هيه هتفوق إمتى؟

دكتورة: مش هقدر أحدد دلوقتي. لازم يستجيب مع العلاج الأول، وجسمها لسه مش قابل العلاج. رعد: يااارب بقا. دكتورة: خير إن شاء الله. عصف: وريني الصورة دي. ياسمين: اتفضل، شوف شكله حتى في الصورة يخوف. عصف بيمسك الصورة وبيخلع النظارة. ياسمين بتتصدم: ينهار أسود، هووو إنت؟ عصف: بقا أنا حيوان ومتهور وطوّر؟ ياسمين بخوف: أولاً كده، البس النظارة. ثانياً، أنا مقولتش طوّر. صح، الكذب حرام.

عصف بغضب: بت انتي، أنا مش فاضي لشغل العيال ده. امشي من قدامي أحسنلك. ياسمين: إحنا آسفين ي صلاح. عصف لسه هيتكلم، بيبص نور. عصف: نور!!! عصف: إنتي بتعملي إيه هنا؟ نور بفرحة: إنت نزلت مصر إمتى وليه معرفش؟ عصف: مردتيش على السؤال برضو. نور: عندي بحث في الكلية وكنت نازلة أجيب كتب 📚 من المكتبة. عصف: بتختفي. نور: في إيه؟ ي عصف، بتكلمني كده ليه؟ طيب سلم عليا الأول. عصف: عرف إنها متعرفش حاجة. تعالي ي بطتي. وبيفتح دراعه.

نور جرت على حضنه: وحشتيني جداً ي حبيب قلبي. نور بشق: وحشتيني أوووي ي عصف، ليه الغيبة دي كلها؟ عصف: دول كلهم خمس سنين. نور بتضربه في صدره: إنت بتتكلم على أساس خمس دقائق ليه كده؟ عصف: على أساس مكنتش بكلمك كل يوم وبتفتني على كل أخبار البيت. نور: الله، مش إنت اللي بتسألني؟ ياسمين: احم احم، أمشي أنا بقى، أصل أنا حاسة إني عزولة في النص. عصف: غوري من وشي. نور: ياسمين؟ ياسمين: نور؟ نور: إنتي تعرفي عصف؟ ياسمين: ولا عمري شفته.

عصف: إنتي تعرفي الأشكال دي؟ ياسمين: بقولك إيه ي أخ، إنت أو إوعى تفتكر إني خايفة منك، لاااا. عصف بيقرب منها وياسمين ترجع لورا. ياسمين: اهدى ي باشا، إنت بتاخد على كلام طفلة. عصف: كان هيضحك. يعني إنتي بتتعرفي إنك طفلة؟ وبيقرّب. ياسمين بخوف: وهبلة ومجنونة كمان. نور: في إيه انتو الاتنين؟ عصف دي ياسمين صحبتي. ياسمين: الله يسترك يارب وينقذك زي ما أنقذتيني منه.

عصف: نور، اركبي العربية عشان هتروحي معايا البيت. وإنتي بقى، خلال خمس دقائق لو ما مشيتيش من هنا. بيخرج المسدس من جيبه وبيعمّره. هقتلك. ياسمين في لمحة البصر بتختفي. الهي ربنا يحرقك ي شيخ، قطعت نفسي. ده فعلاً مجنون، يارب استرها. أحمد: الاء، إنتي كويسة؟ الاء: آه. أحمد: إنتي لسه خايفة على جدو؟ الاء: أكيد ي أحمد، كلنا بنعتبر جدو هو الأب والأم، هو كل حاجة في حياتنا. أحمد: إن شاء الله هيفوق وهيكون أحسن من الأول.

الاء: يارب. 😍 أحمد: احم، الاء. الاء: نعم. أحمد: إنتي بتحبي رعد؟ الاء اتصدمت من سؤال ليه بتسأل. أحمد: ردي على قد السؤال. الاء: لا ي أحمد، رعد زي برق أخويا، ولا بحب حد أصلاً. أحمد بفرح: أحسن حاجة. الاء استغربت بس معلقتش. في غرفة أميرة ابتدت تفوق. برق: أميرة، إنتي كويسة؟ أميرة مش بترد بس بتحاول تقوم. برق: استني، هنده للدكتورة. برق: اقعدي شوية، إنتي لسه تعبانة. أميرة بتقعد بدون نقاش. دكتورة بتكشف عليها.

للأسف، الآنسة فقدت... برق: يعني إيه؟ أميرة: معملتش أي رد فعل، كأنها مش معاهم. بس هي فعلاً مش معاهم.