رواية رغم احزاني الفصل الثامن والثلاثون 38 - بقلم ياسمين غنيم

ياسمين: دا انت بتصلي سبحان الله. عصف: حد قالك إني كافر. ياسمين: أفعالك. عصف: ربنا غفور رحيم يا ياسمين. ياسمين بصراخ: عاااااا عصف الحقني وبتجري. عصف بخضه: إيه؟ فيه إيه؟ ياسمين: قطط. قطة وصغيرة كمان. عااااا. عصف: بضحك. مالها يا بنتي؟ مهي مكانها أهي. ياسمين: وهي فوق على الكنبة؟ لا طلعها بره. بخاف منها. عصف: بتخافي من القطط؟ غريبة دي. ياسمين: انت هتستغرب. طلعها الأول. عصف فكر شوية: موافق. بس بشرط. ومسك اتنين منهم.

ياسمين: طيب طلعها بره وبعدين اشترط. عصف: لأ. هقول الشرط الأول. ياسمين: يا عم اخلص. وأنا موافقة قبل ما تشترط. عصف: طيب اعرفه الأول. ياسمين: قولتلك موافقة والله. عصف: وعد؟ ياسمين بخوف: وعد والله. بس طلعها الأول. فعلاً عصف طلعهم بره. ورجع ليها. عصف: أقول شرطي بقى. ياسمين: بني آدم حقير. عصف: ترقصيلي. ياسمين اتصدمت: يعنى إيه؟ لا قول تاني عشان مسمعتش. عصف: زي ما سمعتي بالظبط. هتعملي ولا. ياسمين لسه مصدومة: انت بتهزر صح؟

عصف: لأ. هتعملي زي ما قولتلك. هااا؟ ياسمين: انت لسه كنت بتصلي. دلوقتي. عصف: اخلصي. ولا أجيب القطط؟ ياسمين بدموع: كل مرة بتأكدلي إنك مستحيل تكون بني آدم حقيقي. عصف: ماشي. بس يلا. وفعلاً شغل أغاني. ياسمين: واقفة مصدومة زي ما هي. عصف: انجزي يلا. ونزلها على الأرض ومسك إيدها وبدأ يحركها. ياسمين بعياط: ليه بتعمل معايا كده؟ ليه؟ أنا أنا عملت لك إيه؟ أنا عمري ما أذيتك. عصف قلبه حن عليها: السبب ده. وشاور على قلبه.

ياسمين مفهمتش. وهو بيكمل: بحاول أكون قاسي عليكي. بس قلبي مش بيستحمل. دايماً بيضعف قدامك. معرفش ليه. بحاول بس بيرجع يحن ليكي. ياسمين: مستحيل يكون عندك قلب. عصف: عندك حق. بس للأسف عندي. وحبيت مرة بس. ياسمين: انت رايح فين؟ أنا بكلمك. متسبنيش وأنا بكلمك. عصف دخل أوضته. وياسمين دخلت وراه. عصف وهو مغمض عيونه: اطلعي بره. أنا مش مسؤول عن اللي ممكن أعمله فيكي. ياسمين فضلت واقفة مكانها. عصف بصراخ عليها: مش قولتلك اطلعي بره.

ياسمين بخوف: حاضر. حاضر. عصف: اهدي. هي ملهاش ذنب في حاجة من اللي حصل. ياسمين بخوف وعياط: يا ربي. أنا ليه بيحصل معايا كده. *** أما فهد ونور. نور اتحرجت من السؤال: أنا هنام. فهد: خليكي شوية. لسه بدري. زهقت؟ ولا أغير السؤال؟ نور: جاوب انت. فهد: حاضر. بس اقعدي. أنا طلعت من صغير وحيد مسؤول عن اختي وأمي. بمعنى أصح. مكنش عندي وقت للحب نهائي. نور فرحت لما قال كده: يعني ما حبتش خالص؟

فهد: مقدرش أقول كده. لأني حبيت بعد كده. بس كان بطريقة غلط. نور: يعني بطريقة غلط؟ هو فيه حب غلط وحب صح؟ فهد: لا. أنا قولتلك طريقتي غلط. نور: يعني انت معترف إنك غلطان؟ فهد: أنا بتكلم عن البنت اللي حبيتها. مش انتي. نور: آها. صح. بعد إذنك. وقامت. فهد مسك إيدها: يا بنتي. فيه حاجة اسمها خد وهات. اقعدي واهدي. تعالي نتكلم جد شوية. نور بزعل: عايز إيه؟ فهد: هكلمك بصراحة. أنا حبيتك ومازلت بحبك. صدقيني.

هنا نور بصتله بعيون مدمعة.

فهد: أنا أول كنت واخدك سكة في خطتي عشان أتعرف على العيلة وكده. فدخلت عليكي بموضوع إني بحبك بس. لاقيت نفسي اتدبست. وفعلاً بقيت أحبك. بعدت عنك شوية لما حسيت إنك أخدتي مكان في قلبي كبير. بس اتوجعت أكتر منك وأنا بعيد عنك. وقررت خلاص إني أعترف لك بكل حاجة. وأسيبك تقرري هتكملي معايا ولا بس. ف لحظة لاقيت أختي وكل حاجة حلوة في حياتي ضاعت مني. وسبب كان أخوكي. ومعرفش عمل كده في أختي ليه. شيطاني لعب بيا وإني أعمل فيكي زي ما عمل في أختي. وكده هيتجرح ويحس بيا. بس حبي ليكي مقدرش إني حتى أبصلك بصة مش تمام. لإن معاكي انتي بس. قلبي هو اللي بيكون قايدي في كل تصرفاتي. أنا بحبك جداً ومازلت بحبك.

نور بصي في عيني. قوليلي انتي شايفه فيهم إيه. نور بدموع: بس انت جرحتني أوي. فهد: وأنا مش طالب منك تقوليلي إنك بتحبيني. أنا كل اللي عاوزه منك إنك تديني فرصة تانية. وهعوضك عن كل حاجة وحشة في حياتك. أو أي حاجة سببتها ليكي. نور ساكتة وبتعيط. فهد مسك وشها بإيده ورفعه لفوق. بدأ يمسحلها دموعها. فهد: كفاية دموع بقى. دموعك غالية عندي. وحضنها. فهد: أنا آسف يا نوري. آسف على كل حاجة حصلتلك بسببى.

نور خرجت من حضنه: أنا موافقة أديك فرصة تانية. فهد بفرح: طيب. خرجتي من حضني ليه؟ كنتي قولتيها وإنتي في حضني. وهي حضنته بضحك. ونسيبهم يضحكوا شوية. *** سبق في الأحداث حب بسيط. ياسمين: صحت من النوم. أدّت فريضتها. ونزلت تحت تشوف حاجة تاكلها. لسه هدخل شافت عصف بيجهز فطار. ياسمين: دخلت عليه. صباح الخير. عصف من غير ما يبص: صباح النور. ياسمين: احم. انت صاحي من بدري؟ عصف: آه. أنا بصحى 6. ياسمين: 6؟

بصت في ساعة. لاقتها 9. بدري أوي كده. عصف: أنا واخد على كده. ياسمين: طيب. محتاج مساعدة؟ عصف: خلاص خلصت. يبقى تصحي بدري شوية. ياسمين ابتسمت وبدأت تجهز السفرة. وقعدوا يفطروا. عصف: قول لي. عايزة تقولي إيه كده كده هنفضل هنا لوحدنا. ياسمين: عرفت إزاي إني عايزة أقولك حاجة؟ عصف: بحكم شغلي. ياسمين بتوتر: نور مرة قالتلي إنك أخوها. بس من الأب. إزاي وانت بتقول لـ طنط سحر يـ ماما؟ عصف ابتسم: انت بتضحك على إيه؟

عصف: كنت متوقعة. بس مش بسرعة. ياسمين: قصدك إيه؟ عصف: انتي متعرفيش عني حاجة. ياسمين: حاجة زي إيه؟ عصف: عايزة تعرفي؟ ياسمين: يمكن. فضول. عصف: طيب قومي البسي. وهاخدك على مكاني. ياسمين: فين؟ عصف: مش عايزة تعرفي عني كل حاجة؟ ياسمين: آه. عصف: طب قومي يلا يا قلبي. ياسمين: هاااا.