رواية رغم العناء لم افقد الامل الفصل الثامن 8 - بقلم فاطمة الدمرداش

صباح: عيب يا عثمان مش كده. عثمان: قدامي نشوف أبو المحروسة. روز: (بعياط) لا بابي بيروح مني. مالك: ابتدينا محن البنات. ثم قال: متقلقيش، هيكون بخير. روز: أنا خايفة عليه أوي. مالك: طول ما أنا معاكي يبقا متخافيش. وصلت للمستشفى، جريت عليها ريناد وحضنتها. ريناد: بابا تعبان أوي يا روز. لتبعدها روز بعنف: بقولك أي، مش في بالك أصلاً. مالك: هي أي الحكاية، مش دي اللي كنت بتقولي كله إلا كرامتها. روز: (بغضب) آآه، دي مجرد خطة عشانك.

مالك: نعم. روز: بقول، كان مستخبي لنا فين دا كله بجد. حضنت ريناد بمكر: معلش يروحي، فترة وهتعدي، ادعي لبابي كتير. ريناد: محتاجين فلوس كتير علشان يدخلوا العناية. مالك: (بقرف) كام يعني، اعتبريهم أدفعهم. ريناد: حضرتك أنا مش بشحت منك، لي الأسلوب ده. روز: انتي بجحة بصحيح، يعني الراجل هيدفع وكمان مش عاجبك. ريناد: أنا لو كنت أعرف رقم الفيزا بتاعة بابا كنت سحبت. أحنا مش محتاجين، متخليش أول خطوة بينكم تكون كده.

مالك: بصي يا بتاعة، أنتي خلاص. ابقي ادفعيهم بعدين، اعتبريهم سلف، مش فاضي أنا لشغل النسوان ده. روز: اهدى بس، متتعصبش. مالك: وشها يعصب لوحده، مابالك أسلوبها. ريناد: شكراً يا محترم. الدكتور: دلوقتي يقدر يدخل العناية، وإن شاء الله خير. إيناس: فينه سي السيد. وقتك تتعب دلوقتي. روز: خلاص يمامي، الناس تقول علينا أي، عيطي شوية، ده وش وحدة جوزها في العناية. ريناد: إن شاء الله هيبقي كويس يا طنط.

إيناس: هو انتي هيجي منين الخير ياحسرة. راغب: ليكون بعلمك يا أستاذة إيناس، محدش دخل الأستاذ محمود الحالة دي غير الأستاذ ده. عصبه وكان بيقوله بمزاجك وغصب عنك. حتى أنه قاله هنقرا الفاتحة انهارده. جوز حضرتك من الذل كان هيموت فيها. روز: صح يا مالك. مالك: (بتوتر) انت مش خدت اللي فيه النصيب ورضيتكم في الآخر، أي لازمة الكلام ده. لأسود عيشتك. راغب: الحق يتقال يا ابني. ربنا يهديك. ريناد: ياحبيبي يا بابا، تعب من الزعل.

لتنظر إليه روز بغضب: كله بسببك. يا وش المصايب انتي. لو ما كنتيش أنتي دخلتي الأول وحصل اللي حصل، كان زمان بابا فرحان وسطنا. طول ما أنتي معانا مش هنشوف فرح، ما تروحي لأمك ياشيخة، هي أمك تعبت من قليلة جيت الدنيا وهي دخلت في عالم تاني. ريناد: (بزعيق) أنا استحملت كتير، كله إلا أمي. والبيت ده بيت أمي من الأول، انتو اللي جيتو. أنتي لي بتكرهيني، دا أنا أختك الكبيرة، عمري ما عملتك وحش.

لكن انتي ما طلعش منك غير كل وحش، حتى شكلي كرهتيني فيه، مع إني عادية. إيناس: اخرسي، هي ناقصاكي، امشي. ريناد: أبداً، محدش هيخاف على أبويا، أدي انتو مش بشر. وبعدين احنا فايه ولا ايه. بتعاتبيني على حاجة، كل يوم بتعيدي وتزيدي فيها انتي وأمك. مالك: خلاص، أي قلة ذوق دي، مينفعش، احنا في مستشفى، الناس تقول علينا أيه. إيناس: يالا بينا يروز، إحنا عندنا فرح، ودي وحدة غم. ريناد: انتي مش حاسة باللي جوزك فيه.

إيناس: بنتي واحدة وفرحتها واحدة، ومهما كان اللي بيجرأ لازم تفرح، هي مش أقل من أي بنت. وانتي خليكي مع أبوكي، وبلغي عمامك بقا علشان اليومين دول مشغولين، سلام. عثمان: وايه تاني يامجايبك ياصباح. أنا فحياتي ما شفت ست بالوقاحة والأمبالاة دي. يا أستاذة إيناس. ما فيش لا خطوبة ولا دهب. إيناس: لي، بعد الشر. عثمان: تقديراً لأبو العروسة، الراجل الغلبان. هيبقى محدش مقدره خالص. انتي مش مقدراه، قولت نقوم إحنا بالواجب.

عيب يامدام، الأيام جاية والفرح جاي. ده لوحده موقف يكشف مدى أنانيتك وحبك لذاتك، حتى جوزك أبو بنتك مش حطاه أولوياتك، مع إن طاعة الزوج من طاعة الله. يالا ياصباح. وانتي يريناد يبنتي، ربنا يبارك في صحتك ويكرمك بابن الحلال اللي يصونك ويخرجك برا الناس دي. روز: (بعياط) أنا مش قادرة بجد. مالك: بابا عنده حق. أنا هبقا أطمن عليه كل فترة. يالا يماما. صباح: قلبي معاكي يا إيناس، بسيطة إن شاء الله. سلام، ربنا يشفيه ويعافيه. روز:

(بغضب) ضربت ريناد بالقلم. خلاص بقيتي حكيمة وبتفهمي. أنا دكتورة وأحسن منك. ريناد: مش مسامحاكي، بس مش هرد عليكي دلوقتي، تقديراً لأبويا، عايزة تقعدي اقعدي باحترامك. مش قادرة، اتفضلي انتي وأمك. إيناس: هنفضل، مش انتي موجودة يبقا لازم تخرب، يالا يا بنتي، عوضاً على الله. مالك قال اسمه وهو كله غضب. مالك: نعم. عثمان: يبني متاكد من اختيارك. مالك: مالها بس يبابا. عثمان: مش شايف قدامك يعني. مالك: روز دكتورة.

قاطعه عثمان: أيوه، يعني أي دكتورة، مش بتفهم فالأصول. دكتورة إزاي يبني، دي لا تؤتمن على بيت ولا على أي حاجة. مالك: انت لسه شوفتها. عثمان: أما انت غريب، مش شايف أمها، أسلوبها مع أختها الكبيرة إزاي، الواضح إنهم مش بيحبوها، البنت محترمة وذوق جدا. مالك: الكبيرة دي متطقش أصلاً. عثمان: أي رأيك إني مش موافق على الجوازة دي.